Published:Updated:

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!
பிரீமியம் ஸ்டோரி
‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

Published:Updated:
‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!
பிரீமியம் ஸ்டோரி
‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

முடிந்துவிட்டது தேர்தல் திருவிழா! மேலேயும் கீழேயும் ஆட்சி தக்க வைக்கப்பட்டிருக்கிறது. பல கட்சிகளுக்கு  பலமான அடி கிடைத்திருக்கிறது. ஆனால், எல்லாக் கட்சிகளையும்விட இந்தத் தேர்தலில் மிகப் பலமாக அடி வாங்கியது தேர்தல் ஆணையம்தான்! தமிழகத்தில் ஒன்பது சட்டமன்றத் தொகுதிகளில் அ.தி.மு.க வென்று ஆட்சியில் நீடிப்பதற்கு, ‘எடப்பாடியின் சாதுர்யத்தைவிட தமிழகத் தலைமைத் தேர்தல் அதிகாரி  சத்யபிரத சாகுவின் சத்தமில்லாத ஒத்துழைப்புதான் முக்கியக் காரணம்’ என்கிறார்கள் விவரமறிந்தவர்கள்.

‘வாக்குப்பதிவு இயந்திரங்கள் சர்ச்சை, வேலூர் நாடாளுமன்றத் தேர்தல் ரத்து, 46 வாக்குச் சாவடிகளில் மறுவாக்குப்பதிவு’ என்று தமிழகத்தில் தேர்தல் ஆணையத்தின் நடவடிக்கைகள் எல்லாமே மர்மமாகவும் சந்தேகத்துக்கிடமாகவும் இருந்தன. ‘சத்யபிரத சாகு, அப்பட்டமான அ.தி.மு.க ஆதரவாளர்’ என்று எதிர்க் கட்சிகள் பகிரங்கமாகக் குற்றம்சாட்டின. ஆனால், அதற்கெல்லாம் பதிலளிக்காத சாகு, பறக்கும் படையினர் தினப்படி பறிமுதல் செய்துவந்த பண விவரங்களை மட்டுமே செய்தியாளர்களிடம் தெரிவித்துவந்தார்.

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

ஆனால், ‘அப்படி பறிமுதல் செய்ததும் தேர்தல் ஆணையம் நடத்திய நாடகம்தான்’ என்று இப்போது குற்றச்சாட்டு எழுந்துள்ளது. ‘தேர்தல் காலகட்டத்தில் பறிமுதல் செய்யப் பட்ட பணம், பரிசுப் பொருள்கள், அவற்றின் மொத்த மதிப்பு... இவை தொடர்பாக ஒவ்வொரு மாவட்டத்திலும் பதிவான வழக்குகள் எத்தனை, 2011 சட்டமன்றத் தேர்தல், 2014 நாடாளுமன்றத் தேர்தல், 2016 சட்டசபை தேர்தல் ஆகிய தேர்தல்களின்போது, இதே குற்றத்துக்காக இந்திய தண்டனைச் சட்டம் 171E, 171F-ன் கீழ் பதிவான வழக்குகளின் நிலை, நீதிமன்றத்தால் தண்டிக்கப்பட்டு மக்கள் பிரதிநிதித்துவச் சட்டம் 1951 பிரிவு 11-ன் கீழ் வாக்காளர் பட்டியலிலிருந்து நீக்கப்பட்ட பெயர்கள் எத்தனை’ என்பன போன்ற விவரங்களைத் தகவல் அறியும் உரிமைச் சட்டத்தின் கீழ் தனக்கு வழங்குமாறு தேர்தல் ஆணையத்திடம் கேட்டிருந்தார், கோவையைச் சேர்ந்த வழக்கறிஞர் லோகநாதன்.

இதற்குப் பதிலளித்த தேர்தல் ஆணையம், ‘இது காவல்துறை தொடர்புடையது’ என்று சொல்லி மனுவைக் காவல்துறைக்கு மாற்றிவிட் டது. காவல்துறை தலைமையகம், ‘இந்தத் தகவல் தமிழகத்தில் உள்ள 32 மாவட்டங்கள் மற்றும் ஏழு மாநகர அலுவலகங்கள் தொடர்புடையது’ என்று கூறி, அந்த அலுவலகங்களின் முகவரியைப் பட்டியலிட்டுக் கொடுத்து, கடமையிலிருந்து நழுவிக்கொண்டது.

ஒட்டுமொத்த விகடனுக்கும் ஒரே ஷார்ட்கட்!

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!
‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

வழக்கறிஞர் லோகநாதன் நம்மிடம், “தேர்தல் ஆணையம் ஓர் அதிகாரம் இல்லாத அமைப்பு. ஆணையம் போடும் உத்தரவுகளை, மாவட்ட நிர்வாக அதிகாரிகள் மற்றும் காவல் துறையினர் தான் நிறைவேற்ற வேண்டும். அந்த அதிகாரிகள் பெரும்பாலும் ஆளுங்கட்சி அரசியல்வாதிகளின் கட்டுப்பாட்டில்தான் இருக்கிறார்கள். ‘இவ்வளவு பணம் பிடிக்கப்பட்டது’ என்று ஊடகத்தில் பேட்டி அளிப்பதன் மூலம் தேர்தல் நேர்மையாக நடக்கிறது என்று மக்களை நம்ப வைக்கின்றனர். பறக்கும் படை அதிகாரிகள் எளிய மக்களின் பணத்தையே பறிமுதல் செய்துள்ளனர். வெளிப் படையாகப் பணப் பட்டுவாடா செய்த கட்சிகளை இவர்கள் ஒருபோதும் பிடிக்கவில்லை. பறிமுதல் செய்யப்பட்ட பணத்தின் விவரத்தைக் கேட்டதற்கும் தகவல் வழங்க மறுக்கின்றனர். 2014-ம் ஆண்டு தேர்தல் தொடர்பாகக் கேட்கப்பட்ட தகவல்களையும் வழங்கவில்லை. தலைமை தேர்தல் அதிகாரி செய்தியாளர்களிடம் கூறிய தகவல்கள் அனைத்தும் மேம்போக்கானவை.

‘வாக்குக்குப் பணம் வழங்கியதற்காகத் தண்டிக்கப்படும் நபரின் பெயர், வாக்காளர் பட்டியலிலிருந்து நீக்கப்பட வேண்டும், அடுத்த ஐந்தாண்டுகளுக்குத் தேர்தலில் அவர் போட்டியிட முடியாது’ என்றெல்லாம் தெளிவாகச் சொல்கிறது மக்கள் பிரதிநிதித்துவச் சட்டம். 2009-ம் ஆண்டு நடந்த தொண்டாமுத்தூர் இடைத்தேர்தலின்போது, வாக்காளருக்குப் பணம் கொடுத்த தி.மு.க பிரமுகர் கிருஷ்ணமூர்த்தி என்பவர் மீது, நான் தொடர்ந்த வழக்கின் அடிப்படையில் நடவடிக்கை எடுக்கப்பட்டது. இந்தியாவிலேயே முதல்முறையாக வாக்காளர் பட்டியலிலிருந்து நீக்கப்பட்டது அவருடைய பெயர்தான். தேர்தல் அதிகாரிகள், மாநில அளவிலான அதிகாரிகளின் கட்டுப்பாட்டில் இல்லாதவர்களாக இருக்கும்போதுதான், அவர்களால் சுயமாகவும் சுதந்திரமாகவும் செயல்பட முடியும். தேர்தல் ஆணையம் பல் இல்லாத பாம்பு. எனவே, அதன் உத்தரவுகளை அதிகாரிகள் மதிப்பதேயில்லை. தேர்தல் முறைகேடுகளுக்கு எதிராகப் போராடுவோர்க்குப் பாதுகாப்பில்லாத சூழ்நிலைதான் இருக்கிறது’’ என்றார் வருத்தத்துடன்.

‘கேட்காமல் தரப்படும்... கேட்டால் தரப்படாது!’ - இது சத்யபிரத சாகு ஸ்டைல்!

தேர்தல் ஆணையத்தின் மீதான குற்றச்சாட்டு களுக்கு விளக்கம் கேட்டுத் தேர்தல் ஆணையர் சத்யபிரத சாகுவைத் தொலைபேசியில் தொடர்பு கொண்டோம். நம் அழைப்பை அவர் ஏற்க மறுத்ததையடுத்து, எஸ்.எம்.எஸ், மின்னஞ்சல் வழியே நமது கேள்விகளை அனுப்பி வைத்துள்ளோம்.... சாகுதான் பதில் சொல்லவேண்டும்!

- இரா.குருபிரசாத்