Published:Updated:

தே.மு.தி.க. வேட்பாளர்கள் நேர்காணல்: 22-ம் தேதி முதல் நடத்துகிறார் விஜயகாந்த்!

தே.மு.தி.க. வேட்பாளர்கள் நேர்காணல்: 22-ம் தேதி முதல் நடத்துகிறார் விஜயகாந்த்!
தே.மு.தி.க. வேட்பாளர்கள் நேர்காணல்: 22-ம் தேதி முதல் நடத்துகிறார் விஜயகாந்த்!

தே.மு.தி.க. வேட்பாளர்கள் நேர்காணல்: 22-ம் தேதி முதல் நடத்துகிறார் விஜயகாந்த்!

சென்னை: தே.மு.தி.க. வேட்பாளர்கள் நேர்காணல் வருகின்ற 22-ம் தேதி முதல் நடைபெறும் என்று விஜயகாந்த் அறிவித்து உள்ளார்.

இது குறித்து தே.மு.தி.க. தலைவர் விஜயகாந்த் வெளியிட்டுள்ள அறிக்கையில், ''தமிழ்நாடு மற்றும் புதுச்சேரி சட்டமன்ற தேர்தலில் போட்டியிட தே.மு.தி.க. சார்பில் விருப்பமனு அளித்தவர்களுக்கான நேர்காணல் வருகின்ற 22-ம் தேதி முதல் மார்ச் 1-ம் தேதி வரை சென்னை கோயம்பேட்டில் உள்ள கட்சியின் தலைமை அலுவலகத்தில் நடைபெற உள்ளது.

அதன்படி, திருவள்ளூர், கன்னியாகுமரி, திருநெல்வேலி, நீலகிரி மாவட்டங்களுக்கு 22-ம் தேதியும், தூத்துக்குடி, ராமநாதபுரம், புதுக்கோட்டை, விழுப்புரம் மாவட்டங்களுக்கு 23-ம் தேதியும், மதுரை, விருதுநகர், திருவண்ணாமலை மாவட்டங்களுக்கு 24-ம் தேதியும், சிவகங்கை, தேனி, திண்டுக்கல், கரூர், பெரம்பலூர், அரியலூர், மேற்கு சென்னை ஆகிய மாவட்டங்களுக்கு 25-ம் தேதியும் நடைபெறும்.

இதேபோல் கோயம்புத்தூர், திருப்பூர், ஈரோடு மாவட்டங்களுக்கு 26-ம் தேதியும், நாகப்பட்டினம், திருவாரூர், தஞ்சாவூர், காஞ்சீபுரம் மாவட்டங்களுக்கு 27-ம் தேதியும், நாமக்கல், சேலம், கடலூர் மாவட்டங்களுக்கு 28-ம் தேதியும், திருச்சி, வட சென்னை, மத்திய சென்னை, தென் சென்னை மாவட்டங்களுக்கு 29-ம் தேதியும், தர்மபுரி, கிருஷ்ணகிரி, வேலூர் மாவட்டங்கள் மற்றும் புதுச்சேரிக்கு மார்ச் 1-ம் தேதியும் வேட்பாளர் நேர்காணல் நடைபெற உள்ளது.

நேர்காணலுக்கு வருபவர்கள் கட்சியின் உறுப்பினர் அட்டை, வாக்காளர் அடையாள அட்டை, கல்வி சான்றிதழ், தனித்தொகுதிக்கு தேவையான சாதி சான்றிதழ் ஆகியவற்றின் அசல் சான்றிதழ்களை கொண்டு வர வேண்டும்" என்று கூறப்பட்டு உள்ளது.

அடுத்த கட்டுரைக்கு