Published:Updated:

ஐடியா அய்யனாரு!

ஐடியா அய்யனாரு!
பிரீமியம் ஸ்டோரி
News
ஐடியா அய்யனாரு!

‘டார்வின் பொய் சொல்லியிருக்கிறார். குரங்கிலிருந்து மனிதன் பரிணாம வளர்ச்சி பெற்றதாகக் கண்ணால் கண்ட சாட்சி யாருமில்லை. எனவே, அதை நம்பமாட்டேன்’ என குபீர் கிளப்பியிருக்கிறார் பி.ஜே.பி எம்.பி-யான சத்யபால் சிங்.

ஐடியா அய்யனாரு!

‘டார்வின் பொய் சொல்லியிருக்கிறார். குரங்கிலிருந்து மனிதன் பரிணாம வளர்ச்சி பெற்றதாகக் கண்ணால் கண்ட சாட்சி யாருமில்லை. எனவே, அதை நம்பமாட்டேன்’ என குபீர் கிளப்பியிருக்கிறார் பி.ஜே.பி எம்.பி-யான சத்யபால் சிங்.

Published:Updated:
ஐடியா அய்யனாரு!
பிரீமியம் ஸ்டோரி
News
ஐடியா அய்யனாரு!

‘அட ஆமாப்பா, அப்படிப் பார்த்திருந்தால் கண்டிப்பாக வீடியோ எடுத்து ஃபேஸ்புக்கில் போட்டிருப்பாங்க இல்லை!’ எனச் சிலிர்த்துப்போய் மேஜையைத் தட்டியிருக்கிறார்கள் சக பி.ஜே.பி எம்.பி-க்கள். இதைக் கேட்ட பின்புதான் ‘என்னை மேலேயே அனுப்பிடுங்க சிவாஜி’ என்று சந்திரயான் 2 மன்றாடிக் கேட்டு கிளம்பிப் போய்விட்டதாகத் தகவல். சரி... அடுத்த கூட்டத்தில் பேச அவர்களுக்கு இன்னும் சில ஐடியாக்களைக் கொடுக்கிறான் இந்த அய்யனாரு. அந்த எம்.பி டோனிலேயே வாசிக்கவும்!

ஐடியா அய்யனாரு!
  • பூமி உள்ளிட்ட கிரகங்கள் சூரியனைச் சுற்றிவருவதாகச் சொல்லும் தியரி ஹீலியோ சென்ட்ரிஸம். விண்வெளியிலிருந்து எடுக்கும் எந்த போட்டோவிலும் பூமி சுற்றுவதுபோல இல்லை. ஸோ, நிக்கோலஸ் கோபர்நிக்கஸின் ஹீலியோ சென்ட்ரிஸம் தியரி பொய். சூரியன்தான் பூமியை, எம்.எல்.ஏ-க்களைச் சுற்றிவரும் கர்நாடக பி.ஜே.பி போல சுற்றிவருகிறது.

  • பிரமாண்ட பூமித்தட்டுகள் தொடர்ந்து நகர்ந்துகொண்டே இருப்பதாகவும்... அதனால், கண்டங்களும் நகர்வதாகவும் சொல்கிறது வெக்னரின் பிளேட் டெக்டானிக்ஸ் தியரி. ஆனால், அது அப்பட்டமான பொய். நான் தரையில் காதுவைத்துக் கேட்டேன். கீழ்வீட்டு ஃபேன் சத்தம்தான் ‘க்ரீச்... க்ரீச்’ எனக் கேட்கிறதே தவிர, தட்டு நகரும் சத்தம் கொஞ்சம்கூட கேட்கவில்லை. எனவே இது,பொய்யோ பொய்!

  • 14 பில்லியன் ஆண்டுகளுக்கு முன் பெருவெடிப்பு உண்டாகி இன்றைய பேரண்டம் உருவானது. இதுதான் பிக் பேங்க் தியரி. சாதாரணமாக சீனிவெடி வெடித்தாலே நான்கு வீட்டுக்குச் சத்தம் கேட்கிறது. அவ்வளவு பெரிய வெடிச்சத்தம் யாருக்கும் கேட்கவில்லை. ஸோ, அந்தத் தியரியும் பொய்!

  • ஒரு பொருள் நீரில் இறங்கும்போது அதன் நிறைக்கு நிகரான தண்ணீரை வெளியேற்றும் என்பது ஆர்க்கிமிடீஸ் தத்துவம். கப்பல்கள், படகுகள் கடலில் இறங்கும்போது கடல் தண்ணீர் வெளியே தளும்பி கொட்டவில்லை. எனவே, ஆர்க்கிமிடீஸ் தத்துவமும் அப்பட்டமான பொய்.

  • கடைசியாக... ஒவ்வொரு வினைக்கும் அதற்கு இணையான எதிர்வினை இருக்கிறது என்பது நியூட்டனின் மூன்றாம் விதி. அதுவும் பொய். கடந்த ஐந்தாண்டுகளாக நாங்கள் இப்படித்தான் கோக்குமாக்காகப் பேசிக்கொண்டிருக்கிறோம். ஆனால், அதற்கான எதிர்வினை வரவே இல்லை. வந்திருந்தால் ஆட்சியிலேயே இருந்திருக்க மாட்டோமே. எனவே, அதுவும் பொய்!

ஒட்டுமொத்த விகடனுக்கும் ஒரே ஷார்ட்கட்!