Published:Updated:

`கொரோனா பரவலைக் கட்டுப்படுத்த நடவடிக்கை எடுங்கள்!' - மாநிலங்களுக்கு மத்திய அரசு வலியுறுத்தல்

கொரோனா வைரஸ் ( Pixabay )

பண்டிகைகள், யாத்திரைகள் தொடங்கவுள்ள நிலையில் கொரோனா பரவலைக் கட்டுப்படுத்த நடவடிக்கை எடுக்க வேண்டும் என மாநில அரசுகளுக்கு மத்திய அரசு வலியுறுத்தியுள்ளது.

`கொரோனா பரவலைக் கட்டுப்படுத்த நடவடிக்கை எடுங்கள்!' - மாநிலங்களுக்கு மத்திய அரசு வலியுறுத்தல்

பண்டிகைகள், யாத்திரைகள் தொடங்கவுள்ள நிலையில் கொரோனா பரவலைக் கட்டுப்படுத்த நடவடிக்கை எடுக்க வேண்டும் என மாநில அரசுகளுக்கு மத்திய அரசு வலியுறுத்தியுள்ளது.

Published:Updated:
கொரோனா வைரஸ் ( Pixabay )

நாட்டின் பல்வேறுப் பகுதிகளில் பலவகையானப் பண்டிகைகள் மற்றும் யாத்திரைகள் தொடங்கவுள்ள நிலையில் கொரோனா பரவலைக் கட்டுப்படுத்த நடவடிக்கை எடுக்க வேண்டும் என மாநில அரசுகளுக்கு மத்திய அரசு வலியுறுத்தியுள்ளது.

இது தொடர்பாக மத்திய சுகாதாரத்துறை செயலாளர் ராஜேஷ் பூஷன், அனைத்து மாநிலங்கள் மற்றும் யூனியன் பிரதேசங்களின் தலைமைச் செயலாளர்களுக்கு கடிதம் எழுதியுள்ளார்.

கொரோனா வைரஸ்
கொரோனா வைரஸ்

ஒட்டுமொத்த விகடனுக்கும் ஒரே ஷார்ட்கட்!

அதில், இந்த ஆண்டின் தொடக்கத்தில் கொவிட்-19 தொற்று கணிசமான அளவு குறைந்திருந்தது. ஆனால், தற்போது ஒருசில மாநிலங்கள் மற்றும் யூனியன் பிரதேசங்களில் தொற்று எண்ணிக்கை அதிகரித்துள்ளது. வரும் மாதங்களில் நாட்டின் பல்வேறு பகுதிகளில் பல்வேறு விழாக்களும் யாத்திரைகளும் நடைபெறுவதால் அவற்றில் லட்சக்கணக்கானவர்கள் பங்கேற்க வாய்ப்புள்ளது. இதனால் கொவிட்-19 உள்ளிட்ட தொற்றுநோய்கள் பரவக்கூடும். எனவே, கொவிட்-19 தடுப்புக்குத் தேவையான நடவடிக்கைகள், பரிசோதனை- கண்டறிதல், தடுப்பூசியில் கவனம் செலுத்துதல் அவசியம் என்று அவர் வலியுறுத்தியுள்ளார்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்நிலையில் கொவிட்-19 பரவல் அதிகரிக்காமல் தடுத்து குறைப்பதற்கு மத்திய மாநில அரசுகள் கூட்டாக இதுவரை எடுத்த நடவடிக்கைகள், உரிய நேரத்தில் மேற்கொண்ட பொது சுகாதார நடவடிக்கைகளால் ஏற்பட்ட பயன்களை நாம் இழந்துவிடாமல் இருப்பது முக்கியமானதாகும்.

எனவே, விழாக்கள் மற்றும் யாத்திரைகளில் பெரும் எண்ணிக்கையில் மக்கள் திரளும்போது மாநில மற்றும் யூனியன் பிரதேச நிர்வாகங்கள் கீழ்க்காணும் பணிகளுக்கு முன்னுரிமை அளிப்பது அவசியமாகும்.

கொவிட் 19-க்கு எதிராக முழுமையாகத் தடுப்பூசி செலுத்திக் கொள்வதன் அவசியத்தை விரிவாக பிரசாரம் செய்ய வேண்டும். தேவைப்பட்டால் ஒரு சில வாரங்களுக்கு முன்பே முகாம்களை நடத்தி தொடக்கநிலை தடுப்பூசி மற்றும் முன்னெச்சரிக்கை தடுப்பூசிகளை செலுத்த நடவடிக்கை எடுக்க வேண்டும். சுகாதார பணியாளர்கள், முன்களப் பயணியாளர்கள், தொண்டர்கள் ஆகியோர் முழுமையாகத் தடுப்பூசி செலுத்தியிருப்பது நல்லது. இணை நோய் உள்ளவர்களும், மூத்த குடிமக்களும் கூடுதலாக முன்னெச்சரிக்கை தடுப்பூசி டோஸ்களை செலுத்திக்கொள்வது அவசியம்.

`கொரோனா பரவலைக் கட்டுப்படுத்த நடவடிக்கை எடுங்கள்!' - மாநிலங்களுக்கு மத்திய அரசு வலியுறுத்தல்

பொதுக் கூட்டங்கள், வழிபாடுகள் மற்றும் தங்குமிட ஏற்பாடுகளை நல்ல காற்றோட்டம் உள்ள பகுதிகளில் செய்வதோடு, உடல் வெப்பம் அறிதல், கைகழுவுதல் ஆகியவற்றையும் வலியுறுத்த வேண்டும். நோய் கண்காணிப்பு முறையை வலுப்படுத்துவதற்கான ஆய்வை மாநில அரசு மேற்கொள்ள வேண்டும். மேலும் மாநில/ மாவட்ட சுகாதார நிர்வாகம் கொவிட்-19 தொற்று புதிதாக பாதிக்கப்பட்டவர்களை நெருக்கமாகக் கண்காணித்து, தனிமைப்படுத்த வேண்டும்.

மனித ஆற்றல், மருந்துகள், ஆக்சிஜன், மருத்துவ உபகரணங்கள், ஆம்புலன்ஸ்கள் உள்ளிட்ட மருத்துவ வசதிகளையும், படுக்கை எண்ணிக்கையை அதிகப்படுத்துதல், பற்றியும் மாநில அரசு ஆய்வு செய்ய வேண்டும். இத்தகைய முன்னெச்சரிக்கை நடவடிக்கைகளை எடுப்பதன் மூலமே கொவிட்-19 தடுப்பு மற்றும் கட்டுப்படுத்தியதால் பெற்ற பயனைத் தொடர முடியும் என்று அந்தக் கடிதத்தில் ராஜேஷ் பூஷன் எழுதியுள்ளார்.