நாம் எப்போதும் அப்டேட்டடாக வைத்திருக்க வேண்டிய ஆவணங்களில் ஒன்று வாக்காளர் அடையாள அட்டை. வாக்காளர்கள் தங்களது வாக்காளர் அடையாள அட்டையில் முகவரி மாற்றுவதை எளிதாக்கும் வகையில், இந்திய தேர்தல் ஆணையம் ஆன்லைனில் விண்ணப்பிக்கும் முறையை அறிமுகப்படுத்தி உள்ளது. இதற்கு, கீழே கொடுக்கப்பட்டுள்ள வழிமுறைகளைப் பின்பற்றி ஆன்லைனில் முகவரி மாற்றத்தை எளிதாக மேற்கொள்ளலாம். ஆஃப்லைனிலும் இதை எவ்வாறு மேற்கொள்ள வேண்டும் என்பதை பார்க்கலாம்...

* உங்கள் மாநிலம்/யூனியன் பிரதேசத்தின் தேர்தல் தொடர்பான இணையதள பகுதிக்குச் சென்று, Online Voter Registration என்ற பகுதியை கிளிக் செய்து கொள்ளவும்.

* அடுத்து திறக்கும் பக்கத்தில் காட்டப்படும் optionகளில் Form 8A-ஐ தேர்ந்தெடுத்துக் கொள்ளவும்.

* புதிதாக ஒரு பக்கத்தில் இந்த form திறக்கும். இந்த form-ல் உங்களுடைய பெயர் மற்றும் முகவரி, மாநிலம், தொகுதி மற்றும் உங்கள் புதிய முகவரி போன்ற விவரங்களை கேட்கப்பட்டுள்ள இடங்களில் நிரப்பவும்.

* தொடர்ந்து உங்களின் தற்போதைய முகவரியைக் குறிப்பிடும் ஏதேனும் ஓர் ஆவணத்தைப் பதிவேற்றவும் (பயன்பாட்டில் உள்ள பில், வங்கி பாஸ் புத்தகம், ஆதார் அட்டை அல்லது ஏதேனும் அதிகாரப்பூர்வ ஆவணம் போன்றவை).

*ஆவணங்களை பூர்த்தி செய்து பதிவேற்றியவுடன், ஆன்லைனில் படிவத்தை சமர்ப்பிக்கவும்.

* தொடர்ந்து, ஒரு குறிப்பு எண்ணைப் பெறுவீர்கள். அதை நீங்கள் ஆன்லைனில் உங்கள் விண்ணப்பத்தைக் கண்காணிக்க பயன்படுத்தலாம்.

* உங்கள் விண்ணப்பத்தை சமர்ப்பித்ததும், அது தேர்தல் அதிகாரிகளால் சரிபார்க்கப்படும்.

* சரிபார்ப்பு வெற்றிகரமாக முடிந்தால், குறிப்பிடப்பட்டுள்ள உங்களின் தற்போதைய முகவரியுடன் வாக்காளர் அடையாள அட்டையைப் பெற்றுக்கொள்ளலாம்.

* உங்கள் வசிப்பிடத்திற்கு அருகேயுள்ள தேர்தல் அலுவலகத்தில் இருந்து வாக்காளர் பட்டியலில் மாற்றம் செய்வதற்கான 8A விண்ணப்பப் படிவத்தை பெறவும்.

*பெறப்பட்ட படிவத்தில் உங்கள் முழுப்பெயர், மாநிலம் அல்லது யூனியன் பிரதேசம், தொகுதி, முகவரி போன்ற விவரங்களை நிரப்பவும்.

* இவற்றுடன் உங்கள் முகவரியில் உள்ள மின்சாரம் / தொலைபேசி கட்டணங்களின் நகல், வங்கி பாஸ் புத்தகம் போன்ற உங்களின் தற்போதைய குடியிருப்பு முகவரிக்கான ஆதாரத்தை இணைக்கவும்.

* தாங்கள் வசிக்கும் இடத்திற்கு அருகில் உள்ள தேர்தல் அலுவலகத்தில் இந்தப் படிவத்தை சமர்ப்பிக்கவும். சமர்பிக்கப்பட்ட பின் உங்களுக்கு எண் ஒன்று வழங்கப்படும். அதை நீங்கள் உங்கள் வாக்காளர் அடையாள நிலையை கண்காணிக்கப் பயன்படுத்தலாம் .

* உங்கள் விண்ணப்பம் சரிபார்க்கப்பட்டு, வெற்றிகரமாக புதுப்பிக்கப்பட்ட முகவரி அச்சிடப்பட்ட வாக்காளர் அடையாள அட்டை உங்களுக்கு வழங்கப்படும்.

* நீங்கள் தற்போது வசிக்கும் தொகுதியின் வாக்காளர் பட்டியலில் உங்கள் பெயரைச் சேர்ப்பது தொடர்பான அறிவிப்பையும் பெறுவீர்கள்.