ஏழை, எளிய மக்களுக்கு குறைந்த விலையில் மருந்துகள் கிடைக்க வேண்டும் என்பதற்காக, மத்திய அரசு முன்னெடுத்த முக்கியமான முயற்சி, `ஜன் ஔஷதி திட்டம்'. மற்ற விற்பனையகங்களில் 80 ரூபாய்க்குக் கிடைக்கும் மாத்திரைகள், இங்கு 8 ரூபாய்க்குக் கிடைக்கலாம் எனும் அளவுக்கு விலை வித்தியாசம் இருக்கும்.

இதேமாதிரி வாசகர்கள் கேட்ட கேள்விகளின் அடிப்படையில் எழுதப்பட்ட சிறப்புக் கட்டுரைகளை வாசிக்க... இங்கே க்ளிக் செய்யவும்.

தமிழ்நாடு மருத்துவ சேவைகள் கழகத்தின் மேலாண் இயக்குநர் டாக்டர் உமாநாத்திடம், குறைந்த விலையில் விற்பனை செய்யப்படும் மருந்துகளின் தரம் மற்றும் நம்பகத்தன்மை குறித்துக் கேட்டோம்.

''மருந்துகள் அனைத்தும் மருந்தகங்களுக்கு விற்பனைக்கு அனுப்பப்படுவதற்கு முன்பு, அடிப்படையான மூன்று நிலைப் பரிசோதனைகளுக்கு உட்படுத்தப்படும். அவை,

தயாரிக்கப்பட்டு, மருந்துக் கிடங்குகளில் வைக்கப்பட்டிருக்கும் அனைத்து மருந்துகளுக்கும் இந்த தரப்பரிசோதனை மேற்கொள்ளப்படும். `Verified Quality Test' பரிசோதனையில் சான்றிதழ் கிடைக்கப்பெறும் மருந்துகள், அரசு மருத்துவ சேவைகள் இருக்கும் இடங்களுக்கு அனுப்பிவைக்கப்படும்.

Verified Quality Test-ல் சான்றிதழ் பெறப்பட்ட மருந்துகளிலிருந்து, அரசு சார்பில் `மாதிரி' மருந்துகள் தேர்ந்தெடுக்கப்பட்டு, அவை `சோதனை மற்றும் அளவு திருத்த ஆய்வகங்களுக்கான தேசிய அங்கீகார வாரியத்துக்கு (National Accreditation Board for Testing & Calibration Laboratories)' பரிசோதனைக்கு அனுப்பிவைக்கப்படும். இங்கு, தேர்ச்சிபெற்று சான்றிதழ் பெறும் மருந்துகள், மருந்தகங்களுக்கு அனுப்பிவைக்கப்படும்.

3) மருந்தகங்களில் உள்ள மருந்துகளை, மருந்துக் கட்டுப்பாட்டு இயக்குநர் நேரடியாகச் சென்று பரிசோதிப்பார். இந்தச் சோதனை, அனைத்து அரசு மருந்தகங்களிலும் கட்டாயம் செய்யப்படும். தனியார் மருந்தகங்களில் இன்ஸ்பெக்‌ஷனாக நடைபெறும்.

இதேமாதிரி, வாசகர்கள் கேட்ட கேள்விகளின் அடிப்படையில் எழுதப்பட்ட சிறப்புக் கட்டுரைகளை வாசிக்க... இங்கே க்ளிக் செய்யவும்.

இந்த மூன்று நிலைகளில் எதிலாவது மருந்து தரமில்லை எனத் தெரியவந்தால், அந்த மருந்தைத் தயாரித்த நிறுவனம் தடைசெய்யப்படும். அந்த தயாரிப்பு நிறுவனம், மேலும் மருந்துகளைத் தயாரிக்காமல் முடக்கிவைக்கப்படும். ஒருமுறை ஒரு மருந்தகத்தை முடக்கிவிட்டால், அதன்பின் மூன்று வருடங்களுக்கு அந்தத் தயாரிப்பு நிறுவனத்தின் மருந்துகள் விற்பனை செய்யப்பட முடியாது.

அரசின் இத்தனைகட்ட தரப் பரிசோதனைகளுக்கு உட்படுத்தப்படும் மருந்து, மாத்திரைகள், நிச்சயம் தரமானவையாகவே இருக்கும். ஒருவேளை, ஏதேனும் மருந்து பாதிப்படைந்திருப்பது தெரியவந்தால், மக்கள் எங்களிடம் (மருந்துக் கட்டுப்பாட்டு ஆணையத்தில்) புகார் அளிக்கலாம். உடனடியாக நடவடிக்கை எடுக்கப்படும்'' என்றார் டாக்டர் உமாநாத்.

'ஜன் ஔஷதி' மருந்தகங்களை நிர்வகிக்கும் அதிகாரி ஒருவர் பேசும்போது, ''2008-ம் ஆண்டு தொடங்கப்பட்ட மத்திய அரசின் இந்த குறைந்த விலை மருந்தகங்கள், 2015-ம் ஆண்டு செப்டம்பர் மாதம், `பிரதான் மந்திரி ஜன் ஔஷதி யோஜனா (PMJAY)' எனப் பெயர் மாற்றம் செய்யப்பட்டது. பின்னர், 2016-ம் ஆண்டு நவம்பர் மாதத்தில், `பிரதான் மந்திரி பாரதிய ஜன் ஔஷதி பரியோஜனா (PMBJP)' எனப் பெயர் மாற்றப்பட்டது. இந்தக் குறைந்த விலை மருந்துக் கடைகளுக்கு உரிமம் வழங்குவது, மத்திய உரத்துறை மற்றும் ரசாயன அமைச்சகத்தின் சார்பில் செயல்படும் `பீரோ ஆஃப் ஃபார்மா’ என்ற அமைப்பு.

ஜன் ஔஷதி மருந்தகங்களில் விற்பனைக்கு வரும் அனைத்து மருந்துகளுமே GMP (Good Manufacturing Practice), சோதனை மற்றும் அளவு திருத்த ஆய்வகங்களுக்கான தேசிய அங்கீகார வாரியம் (Random NABL - National Accreditation Board for Testing & Calibration Laboratories) ஆகியவற்றிலிருந்து அங்கீகார சான்றிதழ்களைப் பெற்றவையே என்பதால், சந்தேகமோ அச்சமோ தேவையில்லை.

இதேமாதிரி உங்களுக்குத் தோணும் கேள்விகள், சந்தேகங்களை இங்கே கிளிக் செய்து பதிவுசெய்யுங்க!