Published:Updated:

மிஸ்டர் ட்ரம்ப்... சிரியாவிலிருந்து வெளியேறுவது சரியா?

மிஸ்டர் ட்ரம்ப்... சிரியாவிலிருந்து வெளியேறுவது சரியா?
பிரீமியம் ஸ்டோரி
மிஸ்டர் ட்ரம்ப்... சிரியாவிலிருந்து வெளியேறுவது சரியா?

மிஸ்டர் ட்ரம்ப்... சிரியாவிலிருந்து வெளியேறுவது சரியா?

மிஸ்டர் ட்ரம்ப்... சிரியாவிலிருந்து வெளியேறுவது சரியா?

மிஸ்டர் ட்ரம்ப்... சிரியாவிலிருந்து வெளியேறுவது சரியா?

Published:Updated:
மிஸ்டர் ட்ரம்ப்... சிரியாவிலிருந்து வெளியேறுவது சரியா?
பிரீமியம் ஸ்டோரி
மிஸ்டர் ட்ரம்ப்... சிரியாவிலிருந்து வெளியேறுவது சரியா?

மெரிக்க ராணுவம் சிரியாவிலிருந்து 100 நாள்களில் வெளியேறும் என்று அதிரடியாக அறிவித்திருக்கிறார் ட்ரம்ப். இது அமெரிக்காவின் நேச நாடுகளை மட்டுமல்லாமல், அமெரிக்க ராணுவத்துக்கே கடும் அதிர்ச்சியை ஏற்படுத்தியுள்ளது. ட்ரம்ப்பின் இந்த முடிவால், ஒடுக்கப்பட்டிருக்கும் தீவிரவாத அமைப்புகள் மீண்டும் தலைதூக்கும்; மத்தியத் தரைக்கடல் பகுதியில் மீண்டும் உள்நாட்டுப் போர்கள் ஏற்படும் என்ற அச்சம் உலக நாடுகளிடம் ஏற்பட்டுள்ளது.

அல்-கொய்தா அமைப்பிலிருந்து 2014-ல் பிரிந்துவந்த ஐ.எஸ் பயங்கரவாதிகள், சிரியாவிலும் ஈராக்கிலும் முக்கிய இடங்களை அதிரடியாகக் கைப்பற்றினர். அங்கெல்லாம் பழைமைவாத ஷரியா சட்டத்தைச் செயல்படுத்தி, காலிஃபேட் சாம்ராஜ்யத்தை நிறுவினார்கள். குறுகிய காலத்தில், மத்தியத் தரைக்கடல் கரையிலிருந்து தெற்கு பாக்தாத் வரை தங்களின் ஆளுகையின் கீழ் கொண்டுவந்தனர். ஆள்கடத்தல், இனப்படுகொலை, பாலியல் வன்முறைகள் என அவர்களின் கொடூர நடவடிக்கைகள் உலகை அதிர வைத்தன. 2015-ம் ஆண்டு ஐ.எஸ் பயங்கரவாதிகளை ஒடுக்கும் நடவடிக்கைகளைத் தொடங்கியது அமெரிக்கா. ரஷ்யாவும் சிரிய அரசுக்குக் கைகொடுக்க, கடந்த மூன்று ஆண்டுகளில் ஐ.எஸ் பயங்கரவாதிகள் பிடியில் இருந்த 95 சதவிகித இடங்கள் மீட்கப்பட்டன. இந்த நிலையில்தான், சிரியாவில் இருந்து வெளியேறும் முடிவை அறிவித்திருக்கிறார் ட்ரம்ப். ஆனால், இது ராணுவ ஆலோசனையை மீறி எடுக்கப்பட்டது என அமெரிக்காவிலேயே கடும் எதிர்ப்பு கிளம்பியுள்ளது.  ட்ரம்ப்பின் முடிவுக்கு அதிருப்தி தெரிவித்த அமெரிக்கப் பாதுகாப்புச் செயலர் ஜிம் மாட்டிஸ், கூட்டுப் படைகளின் அமெரிக்கத் தூதர் ப்ரெட் மெக் குர்க் ஆகியோர் பதவியை ராஜினாமா செய்துள்ளனர்.

மிஸ்டர் ட்ரம்ப்... சிரியாவிலிருந்து வெளியேறுவது சரியா?

ட்ரம்ப் வரிசையாகச் சர்ச்சைக்குரிய முடிவுகளை எடுப்பவர்தான். ஆனால், இந்த விஷயத்தில் ட்ரம்ப்பை மட்டுமே குறை கூற முடியாது. இதுகுறித்து பேசும் அரசியல் ஆய்வாளர்கள், “பத்து ஆண்டுகளுக்கு முன்பே அமெரிக்கா எடுத்த கொள்கை முடிவு இது. சுமார் 17 ஆண்டுகளாக ஆப்கனிலும், 15 ஆண்டுகளாக ஈராக்கிலும் நேரடியாக போரில் ஈடுபட்ட அமெரிக்கா தனது சுமைகளிலிருந்து வெளியேற வழியின்றி தவித்துக்கொண்டிருக்கிறது. இதனாலேயே முன்னாள் அதிபர் ஒபாமா, ஈராக்கிலிருந்து பாதிப் படைகளை வாபஸ் பெற்றார். இப்போது ட்ரம்பின் முறை, அவ்வளவுதான். தற்போது ஈராக்கிலும் ஆப்கனிலும் 14,000 அமெரிக்கத் துருப்புகள் இருக்கின்றன. ஆனால், சிரியாவில் இரண்டாயிரம் வீரர்கள் மட்டுமே இருக்கின்றனர். தவிர, சிரியாவில் அமெரிக்கா நேரடிப் போரில் ஈடுபடவில்லை. குர்திஷ் போராளிகளுக்கு ஆதரவாக, சிரியா - ஈராக் எல்லையை மட்டும் பாதுகாத்துக்கொண்டிருக்கிறது” என்கிறார்கள்.

மிஸ்டர் ட்ரம்ப்... சிரியாவிலிருந்து வெளியேறுவது சரியா?

ஆனால், அமெரிக்க ராணுவம் தரப்பில் இதற்கு எதிர்ப்பு தெரிவிப்பவர்கள், “கூட்டு நடவடிக்கைகளால், ஐ.எஸ் ஒடுக்கப்பட்டுள்ளது தான்; ஆனால், இன்னும் அது அழியவில்லை. அமெரிக்கப் படைகள் வாபஸ் பெற்றால் அவர்கள் மீண்டும் சிரியாவை முழுமையாக ஆக்கிரமித்து விடுவார்கள்” என்கிறார்கள். சிரியாவின் கிழக்கு எல்லையை ஐ.எஸ் பயங்கரவாதிகளிடமிருந்து பாதுகாக்கும் குர்திஷ் போராளிகளும் அமெரிக்காவின் இந்த அறிவிப்பால் கலக்கம் அடைந்துள்ளனர். அமெரிக்காவின் ஆதரவு இருந்ததால், இதுவரை அவர்கள்மீது கைவைக்கத் தயங்கிவந்தது துருக்கி ராணுவம். ஆனால், இனி நிலைமை அப்படி இருக்காது. கிட்டத்தட்ட தங்களை வேட்டையாட அமெரிக்கா, துருக்கி ராணுவத்துக்குப் பச்சைக்கொடி காட்டிவிட்டது என்றே அவர்கள் கருதுகிறார்கள். இதை உறுதி செய்வதுபோலவே சிரிய எல்லையில், இப்போதே துருப்புகளைக் குவிக்கத் தொடங்கிவிட்டது துருக்கி.

இன்னொரு பக்கம் இஸ்ரேலும் இந்த முடிவால் கவலையடைந்துள்ளது. படைகள் வாபஸ் பெறப்பட்டால், லெபனாலில் உள்ள ஹிஸ்பெல்லா பயங்கரவாதிகளுக்கு ஆயுதங்கள் வழங்க, சிரியாவை ஈரான் பயன்படுத்திக்கொள்ளும். இது இஸ்ரேலுக்குப் பெரும் தலைவலியாக மாறும். இஸ்ரேலும், அரேபியாவும் ஈரானைக் கட்டுப்படுத்த ரஷ்யா பக்கம் சாயக்கூடும். எல்லாவற்றுக்கும் மேல், சிரியாவில் நிலைமை மீண்டும் மோசமாகும். வட சிரியாவில் பயங்கரவாதிகள் கை ஓங்கும்.  தென் சிரியாவில் குர்திஷ் இனப் போராளிகளுக்கு எதிராக துருக்கி ராணுவ ஊடுருவல் நடக்கும். மத்தியத் தரைக் கடல் பகுதியில் ஆதிக்கம் செலுத்துவதற்காக சிரியாவை வளைக்க முற்படும் ரஷ்யா. தனது அரசியல் விருப்பங்களை நிறைவேற்றிக் கொள்வதற்காக சிரியாவைப் பலவீனப்படுத்தும் ஈரான்.

மிஸ்டர் ட்ரம்ப்... சிரியாவிலிருந்து வெளியேறுவது சரியா?

‘உலக போலீஸாக தன்னைப் பாவித்துக் கொண்டு அடுத்த நாட்டுப் பிரச்னைகளில் நாம் மூக்கை நுழைப்பது எரிச்சலான விஷயமே’ என்று டிரம்ப்பின் தற்போதைய முடிவை அமெரிக்காவில் ஒரு தரப்பினர் ஆதரிக்கின்றனர். அதேசமயம், இன்னொரு தரப்பினரோ, ‘சிரியா மட்டுமல்லாமல் ஈராக், ஆப்கன் இங்கெல்லாம் புலிவாலைப் பிடித்த கதையாக அமெரிக்கா சிக்கிக் கொண்டுள்ளது. அதை அவ்வளவு எளிதில் விடமுடியாது. அப்படி விட்டுவிட்டால், அது அமெரிக்காவுக்கே ஆபத்தாக அமையக்கூடும். எனவே, ட்ரம்ப் தன் முடிவை மீண்டும் பரிசீலிக்க வேண்டும். என்றாவது ஒருநாள் சிரியாவிலிருந்து அமெரிக்க ராணுவம் வெளியேற வேண்டும்தான். ஆனால், அதற்கான நேரம் இதுவல்ல’ என்கிற கருத்தை முன்வைக்கின்றனர்!

- கே.ராஜு