Published:Updated:

'இஸ்ரேலின் பிரதமராக மீண்டும் பெஞ்சமின் நெதன்யாகு’ - பதற்றத்தில் பாலஸ்தீனியர்கள்?!

பிரதமர் மோடியுடன் பெஞ்சமின் நெதன்யாகு

இஸ்ரேலின் புதிய பிரதமராக மீண்டும் பெஞ்சமின் நெதன்யாகு தேர்வாகியிருக்கிறார். இது பாலஸ்தீனியர்கள் மற்றும் அருகிலுள்ள அரபு நாடுகளிடையே ஒருவிதமான பதற்றத்தை ஏற்படுத்தியிருப்பதாகத் தகவல் வெளியாகியிருக்கிறது.

'இஸ்ரேலின் பிரதமராக மீண்டும் பெஞ்சமின் நெதன்யாகு’ - பதற்றத்தில் பாலஸ்தீனியர்கள்?!

இஸ்ரேலின் புதிய பிரதமராக மீண்டும் பெஞ்சமின் நெதன்யாகு தேர்வாகியிருக்கிறார். இது பாலஸ்தீனியர்கள் மற்றும் அருகிலுள்ள அரபு நாடுகளிடையே ஒருவிதமான பதற்றத்தை ஏற்படுத்தியிருப்பதாகத் தகவல் வெளியாகியிருக்கிறது.

Published:Updated:
பிரதமர் மோடியுடன் பெஞ்சமின் நெதன்யாகு

இஸ்ரேலில் 15 ஆண்டுகள் பெஞ்சமின் நெதன்யாகு பிரதமராக இருந்திருக்கிறார். இவர் லிகுட் கட்சியைச் சேர்ந்தவர். முன்னதாக கடந்த 2018-ம் ஆண்டு நடைபெற்ற பொதுத்தேர்தலில் வெற்றிபெற்று கூட்டணி ஆட்சி மூலம் நெதன்யாகு பிரதமரானார். பிறகு ஏற்பட்ட குழப்பத்தில் கூட்டணிக் கட்சிகள் தங்களது ஆதரவை வாபஸ் பெற்றுக்கொண்டன.

இதையடுத்து நெதன்யாகு கடந்த ஆண்டு, ஜூன் மாதம் இஸ்ரேல் பிரதமர் பதவியிலிருந்து விலகினார். தொடர்ந்து தேர்தல் நடத்தப்பட்டது. இதில் எந்தக் கட்சிக்கும் பெரும்பான்மை கிடைக்கவில்லை. பிறகு நப்தாலி பென்னட் சிறிய கட்சிகளுடன் கூட்டணி அமைத்து ஆட்சி அமைத்தார். இவர் யாமினா கட்சியைச் சேர்த்தவர். வழக்கம்போல் கூட்டணிக் கட்சிகள் நப்தாலி பென்னட்டுக்கு வழங்கிவந்த ஆதரவை முறித்துக்கொண்டன.

இஸ்ரேல்
இஸ்ரேல்

பின்னர் மீண்டும் தேர்தல் நடத்தத் திட்டமிடப்பட்டது. அப்போது நவம்பர் மாதம் தேர்தல் நடக்கும் என அறிவிக்கப்பட்டது. மேலும், இடைக்காலப் பிரதமராக யாயிர் லாபிட் நியமிக்கப்பட்டார். முன்னதாக அறிவிக்கப்பட்டபடி கடந்த 1-ம் தேதி தேர்தல் நடத்தப்பட்டது. இதில் முன்னாள் பிரதமர் பெஞ்சமின் நெதன்யாகுவுக்கும் - யாயிர் லாபிட்டுக்கும் இடையே கடுமையான போட்டி நிலவிவந்தது.

இஸ்ரேல் மொத்தம் 120 தொகுதிகளைக்கொண்டது. ஒவ்வொரு தொகுதியிலும் அரசியல் கட்சிகள் தீவிர வாக்குச் சேகரிப்பில் ஈடுபட்டுவந்தன. தொடர்ந்து பொதுமக்கள் தங்களது வாக்குகளைப் பதிவுசெய்தனர். இதையடுத்து கடந்த 2-ம் தேதி வாக்கு எண்ணிக்கை நடந்தது. வாக்கு எண்ணிக்கை ஆரம்பத்திலிருந்தே பெஞ்சமின் நெதன்யாவுக்கும் சாதகமாக இருந்தது.

இஸ்ரேல் கொடி தின அணிவகுப்பு
இஸ்ரேல் கொடி தின அணிவகுப்பு
Ariel Schalit

முன்னதாக அந்நாட்டு ஊடகங்கள் நடத்திய கருத்துக்கணிப்பில் பெஞ்சமின்தான் வெற்றிபெறுவார் என்று கூறப்பட்டுவந்தது. அதன்படி முடிவுகளும் அமைந்தன. இதையடுத்து அவரின் கட்சியினரும், ஆதரவாளர்களும் உற்சாகமடைந்துள்ளனர். மறுபுறம் இது பாலஸ்தீனியர்கள் மற்றும் அருகிலுள்ள அரபு நாடுகளிடையே ஒருவிதமான பதற்றத்தை ஏற்படுத்தியிருப்பதாகத் தகவல் வெளியாகியிருக்கிறாது.

அதாவது கடந்த 1948-ம் ஆண்டு முதல் இஸ்ரேல் அங்கீகரிக்கப்பட்ட நாடாக இருக்கிறது. ஆனால், அதன் அருகிலுள்ள பாலஸ்தீனம் அங்கீகாரத்துக்காகப் போராடிவருகிறது. இதனால் அவ்வப்போது கலவரம் ஏற்படும். இரண்டு தரப்பு நாடுகளும் ஒன்றையொன்ரு கடுமையாகத் தாக்கிக்கொள்ளவதுண்டு. இதனால் சில நேரங்களில் உயிரிழப்புகளும், பல நேரங்களில் சேதாரங்களும் ஏற்படுவது வாடிக்கையாக இருக்கிறது.

பாலஸ்தீனம் கொடி
பாலஸ்தீனம் கொடி

இந்த மோதல் சமீபகாலமாக மேலும் வலுவடைந்துவருகிறது. அதாவது இஸ்ரேலிலுள்ள அரபுக் கட்சிகள் எந்தப் பிரதமருக்கும் தங்கள் ஆதரவை அளித்ததே இல்லை. பெஞ்சமின் நெதன்யாகு மீதான கோபம் காரணமாக 2019-ம் ஆண்டு முதன்முறையாக முன்னாள் ராணுவத் தளபதி பென்னிக்கு தங்கள் ஆதரவை அளித்தனர். அப்போது அவர்கள், `பெஞ்சமின் மீண்டும் ஆட்சி அமைக்காமல் தடுக்கவே இந்த முடிவை எடுத்திருக்கிறோம்’ என்று தெரிவித்தனர்.

இதனால்தான் விரிசல் மேலும் அதிகரித்தது. இந்த நிலையில் தற்போது மீண்டும் பிரதமராக பெஞ்சமின் நெதன்யாகு தேர்வாகியிருப்பதால், பதற்றம் ஏற்பட்டிருப்பதாகக் கூறப்படுகிறது.

பெஞ்சமின் நெதன்யாகு வெற்றிபெற்றது, இந்தியாவுக்குச் சாதகமாக அமைந்திருக்கிறது என்கிறார்கள் சர்வதேச அரசியல் நோக்கர்கள். இந்தியாவுக்கும், இஸ்ரேலுக்குமான உறவு பல ஆண்டுகளாகத் தொடர்ந்து நல்ல நிலையில் நீடித்துவருகிறது. குறிப்பாக, இந்திய பிரதமர் நரேந்திர மோடியும், பெஞ்சமின் நெதன்யாகுவும் தொடர்ந்து இணக்கமாக இருந்துவருகிறார்கள்.

இந்தியா - இஸ்ரேல் உறவு
இந்தியா - இஸ்ரேல் உறவு

ராணுவத்துக்குத் தேவையான கட்டமைப்புகளை உருவாக்குவதில் இஸ்ரேல் முன்னோடியாக இருக்கிறது. மேலும், இந்தியாவுக்கும் அதில் ஒத்துழைப்பு வழங்கிவருகிறது. இதனால் வரும் காலங்களில் ராணுவரீதியிலான நட்பு இரு நாடுகளுக்கு இடையே அதிகரிக்கும் என்று அரசியல் நோக்கர்கள் கருதுகின்றனர்.