Published:Updated:

`ஃபோர் சீஸன்ஸில் பத்திரிகையாளர் சந்திப்பு’ - குழப்பிய ட்ரம்ப்... வறுத்தெடுக்கும் நெட்டிசன்கள்

ட்ரம்ப்
ட்ரம்ப்

ட்ரம்ப், தனது வழக்கறிஞர்களின் பத்திரிகையாளர் சந்திப்பு, பிலடெல்பியாவியின் ஃபோர் சீஸன்ஸ்-ல் நடைபெறும் (Lawyer press conference” at the Four Seasons in Philadelphia) எனத் தன் ட்வீட்டர் பக்கத்தில் ட்வீட் செய்திருந்தார்.

அமெரிக்க அதிபர் தேர்தலில் ஜனநாயகக் கட்சியின் சார்பில் போட்டியிட்ட ஜோ பைடன், துணை அதிபர் பதவிக்குப் போட்டியிட்ட கமலா ஹாரிஸ் இருவரும் வெற்றிக்குத் தேவையான வாக்குகளைப் பெற்றிருக்கிறார்கள்.

அதிபர் ட்ரம்ப் 214 பிரதிநிதிகள் வாக்குகளை மட்டுமே பெற்ற நிலையில், இதுவரையில் 290 பிரதிநிதிகளின் வாக்குகளைப் பெற்றிருக்கும் ஜோ பைடன் வெற்றி பெற்றதாக அமெரிக்க ஊடகங்கள் தெரிவித்துவருகின்றன.

ட்ரம்ப்
ட்ரம்ப்

கடந்த நவம்பர் 7-ம் தேதி, அமெரிக்க ஊடகங்கள், தேர்தல் களத்தில் ஜோ பைடன் வெற்றி பெற்றிருப்பதாகச் செய்தி வெளியிடத் தொடங்கிய சில மணிநேரத்துக்கு முன்பு, அதிபர் டொனால்டு ட்ரம்ப், தன் தரப்பு வழக்கறிஞர்களின் பத்திரிகையாளர் சந்திப்பு, பிலடெல்பியாவியின் ஃபோர் சீஸன்ஸ்-ல் நடைபெறும் (Lawyer press conference” at the Four Seasons in Philadelphia) எனத் தன் ட்விட்டர் பக்கத்தில் ட்வீட் செய்திருந்தார். அவரது ட்வீட் , பத்திரிகையாளர் சந்திப்பு எங்கு நடைபெறும் என்பது குறித்துப் பல்வேறு குழப்பங்களை உருவாக்கியது.

`பிலடெல்பியாவின் ஃபோர் சீஸன்ஸ்-ல் வழக்கறிஞர்கள், பத்திரிகையாளர் சந்திப்பு : காலை : 11 மணி’ என்று டொனால்டு ட்ரம்ப் பதிவிட்ட ட்வீட், முதலில், நகரத்தின் நான்கு நட்சத்திர ஹோட்டலான `ஃபோர் சீஸன்ஸ்'-ஐ குறிப்பிடுவதாகப் பலரும் நினைத்தனர். ஆனால், சில மணி நேரத்தில் அந்த ட்வீட், ட்விட்டர் பக்கத்திலிருந்து நீக்கப்பட்டது.

அதையடுத்து, `இன்று பிலடெல்பியாவில் ஃபோர் சீஸன்ஸ் டோட்டல் லேண்ட்ஸ்கேப்பிங்கில் பத்திரிகையாளர் சந்திப்பு - காலை 11:30 மணி!’ என இடத்தின் பெயரை மாற்றி மீண்டும் ட்ரம்ப் ட்வீட் செய்திருக்க்கிறார்.

அதிபர் ட்ரம்ப் செய்த தவறுக்குப் பிறகு, பிலடெல்பியா, ஃபோர் சீஸன்ஸ் ஹோட்டல் தங்கள் விளக்கத்தை ட்வீட் செய்தது. `அதிபர் ட்ரம்ப்பின் பத்திரிகையாளர் சந்திப்பு பிலடெல்பியாவின் ஃபோர் சீஸன்ஸ் ஹோட்டலில் நடைபெறாது. இது ஃபோர் சீஸன்ஸ் டோட்டல் லேண்ட்ஸ்கேப்பிங்கில் நடைபெறும் - இதற்கும் ஃபோர் சீஸன்ஸ் ஹோட்டலுக்கும் எந்தச் தொடர்பும் இல்லை" என்று ஃபோர் சீஸன்ஸ் ஹோட்டல் சார்பில் விளக்கம் தரப்பட்டது.

இதையடுத்து, ட்ரம்பின் நீக்கப்பட்ட முதல் ட்வீட்டிலுள்ள ஃபோர் சீஸன்ஸ் என்பது அந்த நான்கு நட்சத்திர ஹோட்டல் இல்லை என்றும், ஆனால் பிலடெல்பியாவின் புறநகரில் அமைந்துள்ள ஒரு புறநகர் வணிகமான ஃபோர் சீஸன்ஸ் டோட்டல் லேண்ட்ஸ்கேப்பிங் (Four seasons Total Landscaping) என்றும் தெரியவந்தது.

ட்ரம்ப்
ட்ரம்ப்
Alex Brandon

இதையடுத்து, பத்திரிகையாளர் சந்திப்பு நடைபெறும் இடம் பற்றிய ட்ரம்பின் இரு வேறு ட்வீட்கள் ட்விட்டரில் வைரலாகின. ஊடகவியலாளர்கள், நெட்டிசன்கள் எனப் பலரும் ட்விட்டரில் ட்ரம்ப் அணியைக் கலாய்த்து கருத்துகளைப் பகிர்ந்துவருகின்றனர்.

அடுத்த கட்டுரைக்கு