Published:Updated:

ஈரானைக் குறிவைத்த அமெரிக்கா! - அதிபராக ஜோ பைடன் பதவியேற்ற பின் நடத்திய முதல் தாக்குதல்

அமெரிக்க ராணுவம்
அமெரிக்க ராணுவம் ( Twitter )

சிரியாவிலுள்ள ஈரானின் ஆதரவு பெற்ற படைத்தளங்கள் மீது அமெரிக்க ராணுவம் வான்வழித் தாக்குதல் நடத்தியது.

ஜோ பைடன் அதிபராக பதவியேற்ற பிறகு, அமெரிக்க ராணுவம் தனது முதல் தாக்குதலை நடத்தியிருக்கிறது. கடந்த சில நாள்களுக்கு முன்பு, ஈராக்கில் நிலைகொண்டிருந்த அமெரிக்க ராணுவ வீரர்கள் மீது ராக்கெட் தாக்குதல் நடைபெற்றது. இதில் பல அமெரிக்க ராணுவ வீரர்கள் காயமடைந்தனர். ஈரான் ஆதரவு பெற்ற படைகள் இந்தத் தாக்குதலை நடத்தியதாக அமெரிக்கா கருதுகிறது. இந்தத் தாக்குதலுக்கு பதிலடி கொடுக்கும்விதமாக ஒரு தாக்குதலை நடத்த அமெரிக்க அதிபர் ஜோ பைடன் உத்தரவு பிறப்பித்திருந்தார்.

ஜோ பைடன்
ஜோ பைடன்
AP | Patrick Semansky

இந்த உத்தரவை அடுத்து, கிழக்கு சிரியாவிலுள்ள ஈரானின் ஆதரவு பெற்ற படைகளின் மீது அமெரிக்க ராணுவம் வான்வழித் தாக்குதல் நடத்தியதாக அமெரிக்க ராணுவத் தலைமையகமான பென்டகன் தெரிவித்திருக்கிறது. ஜோ பைடன் அமெரிக்க அதிபராகப் பொறுப்பேற்ற பின்னர் அமெரிக்கா நடத்தும் முதல் தாக்குதல் இது.

இந்தத் தாக்குதல் குறித்து அமெரிக்க ராணுவத் தலைமையகமான பென்டகனின் செய்தித் தொடர்பாளர் ஜான் கிர்பி, `` அமெரிக்க அதிபர் ஜோ பைடன் உத்தரவின்படி இந்தத் தாக்குதல் நடைபெற்றது. அமெரிக்கா மற்றும் அதன் அதன் நட்பு நாடுகளைப் பாதுகாப்பதில் ஜோ பைடன் அரசு உறுதியாக இருக்கிறது. அமெரிக்க ராணுவம் நடத்திய இந்தத் தாக்குதலில் ஈரானின் ஆதரவு பெற்ற படைகளின் ராணுவத்தளங்கள் அழிக்கப்பட்டுள்ளன'' என்று தெரிவித்தார்.

அமெரிக்க ராணுவம்
அமெரிக்க ராணுவம்
Twitter

ஈராக்கில் இருந்த அமெரிக்க வீரர்கள் மீது ஈரான் ஆதரவு படைகள் தாக்குதல் நடத்தியது குறித்து ஈரான் விசாரணை மேற்கொள்ள வேண்டும் என்று அமெரிக்கா வலியுறுத்திவந்தது. இந்தநிலையில், கிழக்கு சிரியாவில் நிலைமையைக் கட்டுப்படுத்த இந்தத் தாக்குதலை நடத்தியதாக அமெரிக்கா கூறியிருக்கிறது.

அடுத்த கட்டுரைக்கு