Published:Updated:

`ஆலோசகர் மூலம் பரவியதா?’ - அமெரிக்க அதிபர் ட்ரம்ப், மெலனியாவுக்கு கொரோனா பாசிட்டிவ்!

அமெரிக்க அதிபர் ட்ரம்ப் - மெலனியா ட்ரம்ப் ( AP | Julio Cortez )

அமெரிக்க அதிபர் டொனால்டு ட்ரம்ப், மெலனியா ட்ரம்ப் இருவருக்கும் கொரோனா தொற்று உறுதி செய்யப்பட்டிருக்கிறது.

`ஆலோசகர் மூலம் பரவியதா?’ - அமெரிக்க அதிபர் ட்ரம்ப், மெலனியாவுக்கு கொரோனா பாசிட்டிவ்!

அமெரிக்க அதிபர் டொனால்டு ட்ரம்ப், மெலனியா ட்ரம்ப் இருவருக்கும் கொரோனா தொற்று உறுதி செய்யப்பட்டிருக்கிறது.

Published:Updated:
அமெரிக்க அதிபர் ட்ரம்ப் - மெலனியா ட்ரம்ப் ( AP | Julio Cortez )

உலக அளவில் கொரோனா தொற்றின் தீவிரம் நாளுக்கு நாள் அதிகரித்துவருகிறது. உலக அளவில் 3.44 கோடிப் பேர் கொரோனா தொற்றால் பாதிக்கப்பட்டிருக்கிறார்கள். அவர்களில் 2.56 கோடி பேர் குணமடைந்தநிலையில், 10.27 லட்சம் பேர் உயிரிழந்தனர். தொற்று பாதிப்பில் அமெரிக்கா முதலிடத்தில் இருக்கிறது. அங்கு 70 லட்சத்துக்கும் அதிகமானோர் தொற்றுக்கு ஆளாகியிருக்கும் நிலையில், இரண்டு லட்சத்துக்கும் அதிகமானோர் பலியாகியிருக்கிறார்கள்.

டொனால்டு ட்ரம்ப் - ஜோ பைடன்
டொனால்டு ட்ரம்ப் - ஜோ பைடன்
AP

அமெரிக்க அதிபர் ட்ரம்ப்பின் நிர்வாகம் கொரோனா பேரிடரை மோசமாகக் கையாள்வதாகக் கடுமையாக விமர்சிக்கப்பட்டுவருகிறது. ட்ரம்ப் - ஜோ பைடன் இடையில் கடந்த செவ்வாய்க்கிழமை நடைபெற்ற அதிபர் தேர்தலுக்கான முதல் நேரடி விவாதத்தில் கொரோனா விவகாரம் பிரதானமானதாக இருந்தது. கொரோனா விவகாரத்தில் ட்ரம்ப்பை நேரடியாகவே ஜோ பைடன் கடுமையாக விமர்சனம் செய்திருந்தார்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இந்தநிலையில், அதிபர் ட்ரம்ப்பின் உயர்மட்ட ஆலோசகரான ஹோப் ஹிக்ஸுக்கு கொரோனா தொற்று உறுதி செய்யப்பட்டது. கிளைவ்லேண்டில் நடந்த அதிபர் தேர்தல் விவாதத்தின்போது ட்ரம்ப்புடன் ஹோப் ஹிக்ஸும் கலந்துகொண்டிருந்தார்.

ட்ரம்பின் ஆலோசகர் ஹோப் ஹிக்ஸ்
ட்ரம்பின் ஆலோசகர் ஹோப் ஹிக்ஸ்
AP |Alex Brandon

இது குறித்து ட்விட்டரில் பதிவிட்டிருந்த ட்ரம்ப், ``இடைவெளி எதுவும் எடுக்காமல் கடுமையாக உழைத்துக்கொண்டிருந்த ஹோப் ஹிக்ஸுக்கு கொரோனா தொற்று உறுதி செய்யப்பட்டிருக்கிறது. இதனால், எனக்கும் எனது மனைவி மெலனியாவுக்கும் கொரோனா பரிசோதனை செய்யப்பட்டிருக்கிறது. எங்களைத் தனிமைப்படுத்திக்கொண்டு பரிசோதனை முடிவுகளுக்காகக் காத்திருக்கிறோம்’’என்று பதிவிட்டிருந்தார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

சிறிது நேரத்தில், தனக்கும் மெலனியாவுக்கும் கொரோனா தொற்று உறுதி செய்யப்பட்டதாக ட்ரம்ப் அறிவித்தார். ``எனக்கும் மெலனியாவுக்கும் தொற்று உறுதி செய்யப்பட்டிருக்கிறது. உடனடியாக எங்களைத் தனிமைப்படுத்திக்கொண்டு அதற்கான சிகிச்சைகளை எடுக்கத் தொடங்கியிருக்கிறோம். இதிலிருந்து இருவரும் ஒன்றாக இணைந்தே மீண்டுவருவோம்’’ என்று ட்ரம்ப் ட்விட்டரில் பதிவிட்டிருக்கிறார்.

அமெரிக்க அதிபர் ட்ரம்ப் - மெலனியா ட்ரம்ப்
அமெரிக்க அதிபர் ட்ரம்ப் - மெலனியா ட்ரம்ப்
AP |J. Scott Applewhite

74 வயதான ட்ரம்புக்கு வெள்ளை மாளிகையில்வைத்து தீவிர சிகிச்சை அளிக்கப்படும் என்று அதிபர் மாளிகை வட்டாரங்கள் தெரிவித்திருக்கின்றன. உலக அளவில் இங்கிலாந்து பிரதமர் போரிஸ் ஜான்சன், பிரேசில் அதிபர் பொல்சரோனா உள்ளிட்டோர் கொரோனாவால் பாதிக்கப்பட்டு, பின்னர் அதிலிருந்து மீண்டிருக்கின்றனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism