Published:Updated:

இலங்கை: நாடாளுமன்றத்தில் ஒரேயொரு எம்.பி; ஆனாலும் பிரதமர் - ரணில் முன்னிருக்கும் சவால்கள் என்னென்ன?

ரணில் விக்ரமசிங்க

2019-ம் ஆண்டு நடைபெற்ற பொதுத் தேர்தலில் படுதோல்வியடைந்தும், கட்சிக்குக் கிடைத்த ஒரே ஒரு எம்.பி-ஐ வைத்துக்கொண்டு... ஐக்கிய தேசியக் கட்சியின் தலைவர் ரணில் விக்கிரமசிங்க பிரதமராகப் பதவியேற்றிருக்கிறார்.

இலங்கை: நாடாளுமன்றத்தில் ஒரேயொரு எம்.பி; ஆனாலும் பிரதமர் - ரணில் முன்னிருக்கும் சவால்கள் என்னென்ன?

2019-ம் ஆண்டு நடைபெற்ற பொதுத் தேர்தலில் படுதோல்வியடைந்தும், கட்சிக்குக் கிடைத்த ஒரே ஒரு எம்.பி-ஐ வைத்துக்கொண்டு... ஐக்கிய தேசியக் கட்சியின் தலைவர் ரணில் விக்கிரமசிங்க பிரதமராகப் பதவியேற்றிருக்கிறார்.

Published:Updated:
ரணில் விக்ரமசிங்க

இலங்கையில் அரசியல், பொருளாதார நெருக்கடிகளுக்கு மத்தியில் நாட்டின் 26-வது பிரதமராக ரணில் விக்கிரமசிங்க, அதிபர் கோத்தபய முன்னிலையில் நேற்று பொறுப்பேற்றார்.

2019-ம் ஆண்டு நடைபெற்ற பொதுத் தேர்தலில் படுதோல்வியடைந்தும், கட்சிக்குக் கிடைத்த ஒரே ஒரு எம்.பி-ஐ வைத்துக்கொண்டு... ஐக்கிய தேசியக் கட்சியின் தலைவர் ரணில் விக்கிரமசிங்க பிரதமராகப் பதவியேற்றிருக்கிறார். இலங்கையின் அரசியல் வரலாற்றில் மட்டுமல்ல, உலக வரலாற்றிலும் ஒரே எம்.பி-ஐ வைத்துக்கொண்டு பிரதமர் நாற்காலியை அலங்கரித்திருக்கிறார் ரணில்.

முன்னாள் பிரதமர் மகிந்த ராஜபக்சே, கடந்த 9-ம் தேதி தன்னுடைய பதவியை ராஜினாமா செய்ததையடுத்து, எதிர்க்கட்சித் தலைவர் சஜித் பிரேமதாசவை புதிய பிரதமராக பதவி ஏற்றுக்கொள்ளுமாறு அதிபர் அழைப்பு விடுத்தார். ஆனால், அவரோ அதிபர் கோத்தபய பதவி விலக வேண்டும் உள்ளிட்ட சில நிபந்தனைகளை முன்வைத்தார்.

சஜித் பிரேமதாச
சஜித் பிரேமதாச

1977-ம் ஆண்டு முதல் தொடர்ந்து நாடாளுமன்றத்துக்கு தேர்வாகினார் ரணில் விக்கிரமசிங்க. ஆனால், 2019-ம் ஆண்டு நடைபெற்ற நாடாளுமன்றத் தேர்தலில் யாரும் எதிர்பாரத வகையில் ரணில் விக்ரமசிங்கவும், அவரின் ஐக்கிய தேசியக் கட்சியும் படும் தோல்வியடைந்தனர். மேலும், ஒரே ஒரு நாடாளுமன்ற இருக்கையைக்கூட அவரின் கட்சியால் பெற முடியவில்லை. எனினும், நாடு முழுவதுவும் கட்சிக்குக் கிடைத்த வாக்குகளின் அடிப்படையில், ஐக்கிய தேசியக் கட்சிக்கு ஒரே ஒரு நாடாளுமன்ற உறுப்பினர் பதவி கிடைத்தது. இதை யாருக்கு வழங்குவது என்ற விவாதம் ஒன்றரை வருடங்களுக்கும் மேலாக நடந்து வந்த நிலையில், கட்சியின் தலைவருக்கே அந்தப் பதவியை வழங்க வேண்டும் என அந்தக் கட்சியின் செயற்குழுவில் தீர்மானம் எடுக்கப்பட்டது.

இந்த ஒரு நாடாளுமன்ற உறுப்பினர் பதவியை வைத்துக்கொண்டுதான், நாடாளுமன்றத்துக்குள் மீண்டும் நுழைந்தார் ரணில் விக்ரமசிங்க. தனியொருவராக நாடாளுமன்றத்துக்கு வந்தாலும் அரசாங்கத்தின் தவறுகளை சுட்டிக்காட்டுவதுடன், நாட்டின் நிலைமைகளையும் நாடாளுமன்றத்தில் தொடர்ந்து பேசிவந்தார் ரணில்.

ஒட்டுமொத்த விகடனுக்கும் ஒரே ஷார்ட்கட்!

ரணில் விக்ரமசிங்க
ரணில் விக்ரமசிங்க

இந்த நிலையில், நாட்டில் ஏற்பட்டுள்ள பொருளாதார, அரசியல் மற்றும் சமூக நெருக்கடிகளுக்கு தீர்வு வழங்குவதற்காக அமைக்கப்படவிருக்கும் இடைக்கால அரசாங்கத்தின் பிரதமராக பதவி ஏற்றுக்கொண்டார். ரணில் பிரதமராக பதவியேற்பது இது ஆறாவது முறை.

எஸ்மண்ட் விக்ரமசிங்க, நளினி விக்ரமசிங்க ஆகியோருக்கு 1949-ம் ஆண்டு, மார்ச் மாதம் 24-ம் தேதி பிறந்தவர் ரணில். கொழும்பு ராயல் கல்லூரியில் தனது ஆரம்பக்கல்வியைக் கற்றவர், கொழும்பு பல்கலைக்கழகத்தில் தனது உயர்கல்வியைப் பயின்றார்.

இதையடுத்து, ஐக்கிய தேசியக் கட்சியின் களனி தொகுதி பிரதான அமைப்பாளராக 1970-ம் ஆண்டு ரணில் விக்ரமசிங்க நியமிக்கப்பட்டு, பின்னர் ̀பியகம' தொகுதியின் பிரதான அமைப்பாளராக நியமிக்கப்பட்டார். அதன் பின்பு, 1977-ல் நடைபெற்ற நாடாளுமன்றத் தேர்தலில் கம்பஹா மாவட்டத்தில் பியகம தொகுதியில் வெற்றிபெற்று நாடாளுமன்றத்துக்கு தேர்வானார். அதே வருடத்தில் அமைச்சராகவும் பதவி வகித்தார்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

1993-ம் ஆண்டு மே மாதம் முதலாம் தேதி இலங்கையின் முன்னாள் அதிபர் ரணசிங்கே பிரேமதாச கொலை செய்யப்பட்டதால், இடைக்கால அதிபராக டி.பி.விஜேதுங்க நியமிக்கப்பட்டதுடன், 1993-ம் ஆண்டு, மே மாதம் ஏழாம் தேதி ரணில் விக்கிரமசிங்க பிரதமராக நியமிக்கப்பட்டார்.

1999-ல் நடைபெற்ற அதிபர் தேர்தலில் ரணில் விக்கிரமசிங்க முதன்முறையாகப் போட்டியிட்டு தோல்வியடைந்தார். அதைத் தொடர்ந்து, 2001 டிசம்பர் 5-ம் தேதி இடம்பெற்ற நாடாளுமன்றத் தேர்தலில் ரணில் விக்கிரமசிங்க தலைமையிலான ஐக்கிய தேசியக் கட்சி ஆட்சியைக் கைப்பற்றியதால், 2001 டிசம்பர் 9-ம் தேதி ரணில் விக்கிரமசிங்க பிரதமரானார். எனினும், 2004 ஏப்ரல் 2-ம் தேதி வரையே பதவி வகித்தார். மீண்டும் 2005 நவம்பர் 17-ம் தேதி நடைபெற்ற அதிபர் தேர்தலில் ஐக்கிய தேசியக் கட்சியின் சார்பில் ரணில் விக்கிரமசிங்க போட்டியிட்டாலும், மகிந்த ராஜபக்சேவிடம் தோல்வியடைந்தார்.

ரணில்
ரணில்
Eranga Jayawardena

2015-ம் ஆண்டு, ஜனவரி மாதம் 8-ம் தேதி நடைபெற்ற அதிபர் தேர்தலில், ரணில் - மைத்திரி கூட்டணி வெற்றிபெற்றதை அடுத்து, மூன்றாவது முறையாக ரணில் விக்ரமசிங்க பிரதமராக நியமிக்கப்பட்டார். 2015-ம் ஆண்டு நாடாளுமன்றம் கலைக்கப்பட்டு, அப்போது நடைபெற்ற நாடாளுமன்றத் தேர்தலில் வெற்றிபெற்றதன் ஊடாக, நான்காவது முறையாகவும் ரணில் விக்ரமசிங்க பிரதமராக நியமிக்கப்பட்டார்.

எனினும், 2018, அக்டோபர் மாதம் ஆட்சிக் கவிழ்ப்பு சூழ்ச்சி மூலம் ரணில் விக்கிரமசிங்கவை பிரதமர் பதவியிலிருந்து நீக்கிய அதிபர் மைத்ரிபால சிறிசேன, முன்னாள் பிரதமர் மகிந்த ராஜபக்சேவைப் பிரதமராக்கினார். ஆனால், உயர் நீதிமன்ற உத்தரவு காரணமாக ரணில் விக்ரமசிங்க ஐந்தாவது தடவையாகவும் பிரதமராக நியமிக்கப்பட்டிருந்தார்.

தொடர்ந்து 2019-ம் ஆண்டு நடைபெற்ற அதிபர் தேர்தலில் கோத்தபய ராஜபக்சே வெற்றிபெற்றதையடுத்து, பிரதமர் பதவியிலிருந்து விலகிய ரணில் விக்மசிங்க, அந்த ஆட்சியின் கீழ் நடத்தப்பட்ட நாடாளுமன்றத் தேர்தலில் படுதோல்வியைச் சந்தித்தார்.

இலங்கை
இலங்கை
Eranga Jayawardena

1977-ம் ஆண்டு நாடாளுமன்ற அரசியலுக்கு வந்த பிறகு ரணில் எந்தவொரு பொதுத்தேர்தலிலும் தோல்வி அடைந்ததில்லை. 42 வருடங்களாக தொடர்ச்சியாக நாடாளுமன்ற உறுப்பினராகப் பதவி வகித்து சாதனையும் படைத்திருக்கிறார். 2020-ம் ஆண்டு தோல்வியைத் தழுவினாலும் கட்சிக்குக் கிடைத்த தேசியப்பட்டியல் ஊடாக மீண்டும் நாடாளுமன்றம் வந்தார்.

இந்த நிலையில், இலங்கையின் பொருளாதார நெருக்கடி தீவிரமடைந்துவந்த பின்னணியில், ரணில் விக்ரமசிங்கவின் ஆளுமை மற்றும் அவரின் அனுபவம் காரணமாக அதிபர் கோத்தபய ராஜபக்சே ஆட்சியில் இன்று அவருக்குப் பிரதமர் பதவி வழங்கப்பட்டிருக்கிறது.

6-வது முறையாகப் பிரதமராக பதவியேற்றிருக்கும் ரணில் விக்கிரமசிங்க, இதுவரை ஒருமுறைகூட அந்தப் பதவியில் முழுமையாக இருந்ததில்லை என்பது குறிப்பிடத்தக்கது.

ரணில் முன் இருக்கும் சவால்கள் என்னென்ன?

இப்போது ரணில் முன் உள்ள சவால்கள் இரண்டு. ஒன்று அரசியல் உறுதிப்பாடு. அடுத்தது பொருளாதாரம்.

வரும் செவ்வாய்க்கிழமை நாடாளுமன்றத்தில் அவர் தனது அரசுக்கான பெரும்பான்மையை நிரூபிக்க வேண்டும். ஏற்கெனவே அவரது ஆட்சிக்காலத்தில் இடம்பெற்ற மத்திய வங்கி பிணைமுறி மோசடி விஷயத்தில் பல எம்.பி-க்கள் அதிருப்தியில் இருப்பதால், அவர்கள் ரணிலை ஆதரிப்பார்களா என்றும், எதிர்க்கட்சி வரிசையில் இருப்போர் அவருக்கு ஒத்துழைப்பார்களா என்றும் தெரியவில்லை.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

செய்தியாளர்களிடம் கொழும்பில் பேசிய ரணில், நாடாளுமன்றத்தின் பெரும்பான்மை தனக்கு இருக்கிறது எனக் கூறுகிறார். அவர், அதில் வெல்லும் நிலைமையே இருக்கிறது.

மறுபக்கம் இப்போது தட்டுப்பாடாக இருக்கும் மருந்துப் பொருள்கள், உணவு, சமையல் எரிவாயு ஆகியவற்றை மக்களுக்குக் கிடைக்கும் ஏற்பாடுகளை உடனே செய்ய வேண்டும். மக்களின் ஆத்திரத்தைத் தணிக்க அவர் செய்யவேண்டிய முதல் வேலை இது.

ரணில்
ரணில்

ரணில் பதவியேற்றதும்... அமெரிக்கா, இந்தியா போன்ற நாடுகள் அவருக்கு வாழ்த்து தெரிவித்திருக்கின்றன. ஆனால், சீனா இதுவரையிலும் வாய் திறக்கவில்லை.

பிரதமராகத் தனது முதல் பயணமாக இந்தியா செல்லவிருக்கிறார் ரணில். மோடியுடன் பேசி முக்கியமான அடிப்படைப் பிரச்னைகளை அவர் தீர்க்கும் முயற்சிகள் தெரிகின்றன.

பிரதமர் பதவி எனும் முள்கிரீடத்தை தலையில் ஏந்தியிருக்கும் ரணில், அவரது அனுபவத்தை முழுமையாகப் பயன்படுத்தி இலங்கைச் சிக்கலைத் தீர்த்தால், அடுத்த அதிபராக அவர் வருவதற்கு வாய்ப்புகள் அதிகம்.

என்ன செய்யப்போகிறார் ரணில்... பொறுத்திருந்து பார்ப்போம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism