Published:Updated:

``10 குழந்தைகள் பெற்றுக்கொண்டால் விருது'' - ரஷ்ய தாய்மார்களுக்கு விளாடிமிர் புதின் அறிவிப்பு!

ரஷ்ய அதிபர் விளாடிமிர் புதின்

அதாவது 10 அல்லது அதற்கு மேற்பட்ட குழந்தைகளைப் பெற்றுக் கொள்பவர்களுக்கு, அந்த 10-வது குழந்தை ஒரு வயதை அடையும்போது, ஒரே ஒரு முறை மட்டும் 1 மில்லியன் ரூபிள் (இந்திய மதிப்பில் 13 லட்சம்) வழங்கப்படும்.

``10 குழந்தைகள் பெற்றுக்கொண்டால் விருது'' - ரஷ்ய தாய்மார்களுக்கு விளாடிமிர் புதின் அறிவிப்பு!

அதாவது 10 அல்லது அதற்கு மேற்பட்ட குழந்தைகளைப் பெற்றுக் கொள்பவர்களுக்கு, அந்த 10-வது குழந்தை ஒரு வயதை அடையும்போது, ஒரே ஒரு முறை மட்டும் 1 மில்லியன் ரூபிள் (இந்திய மதிப்பில் 13 லட்சம்) வழங்கப்படும்.

Published:Updated:
ரஷ்ய அதிபர் விளாடிமிர் புதின்

ரஷ்யாவில் குழந்தைப் பிறப்பு எண்ணிக்கை குறைந்து வருவதால், அங்கே வசிக்கும் தாய்மார்களை, 10 குழந்தைகள் வரை பெற்றுக் கொள்ளும்படி ரஷ்ய அதிபர் விளாடிமிர் புதின் கூறியுள்ளார்.

kid
kid

10 குழந்தைகள் வரை பெற்றுக்கொள்ளும் தாய்மார்களை ஊக்கப்படுத்த, சோவியத் ஆட்சிக்காலத்தில் ஜோசப் ஸ்டாலினால் தொடங்கப்பட்ட `மதர் ஹீரோயின் (Mother Heroine)’ என்ற கௌரவ பட்டம் அளிக்கப்பட உள்ளது. இரண்டாம் உலகப்போரின்போது ரஷ்யா அதிகமான உயிரிழப்புகளை எதிர்கொண்டது. அதைச் சமன்செய்ய 1944-ம் ஆண்டில் ஜோசப் ஸ்டாலின் இந்தக் கௌரவ பட்டத்தைத் தொடங்கினார்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அதன் பிறகு, இந்தக் கௌரவப் பட்டத்தை 4,00,000-க்கும் மேற்பட்ட குடிமக்கள் பெற்றனர். ஆனால் 1991-ம் ஆண்டில் சோவியத் யூனியன் வீழ்ச்சிக்குப் பின் இந்தக் கௌரவப் பட்டம் அகற்றப்பட்டது. இந்நிலையில், நாட்டின் மக்கள்தொகை சரிவைத் தடுக்க, புதின் மீண்டும் இந்த விருதை உயிர்ப்பித்துள்ளார்.

Population
Population
Image by Gerd Altmann from Pixabay

அதாவது 10 அல்லது அதற்கு மேற்பட்ட குழந்தைகளைப் பெற்றுக் கொள்பவர்களுக்கு, அந்த 10-வது குழந்தை ஒரு வயதை அடையும் போது, ஒரே ஒரு முறை மட்டும் 1 மில்லியன் ரூபிள் (இந்திய மதிப்பில் 13 லட்சம்) வழங்கப்படும். அதுவும் அந்தத் தொகையைப் பெறுவதற்கு மற்ற 9 குழந்தைகளும் உயிருடன் இருந்தாக வேண்டும். ஒருவேளை தீவிரவாத செயல்கள் அல்லது ஆயுத மோதலில் கொல்லப்பட்டவர்களுக்கு மட்டும் சில விதிவிலக்குகள் இருக்கும்.

`மதர் ஹீரோயின்’ என்ற இந்தப் பட்டத்தை வென்றவர்களுக்கு, ரஷ்யக் கொடியால் அலங்கரிக்கப்பட்ட தங்கப் பதக்கங்களும் வழங்கப்படும். மேலும் இந்த கௌரவ பட்டமானது ரஷ்யாவில் வழங்கப்படும் பிற பட்டங்களான `ஹீரோ ஆஃப் லேபர்’ மற்றும் `ஹீரோ ஆஃப் ரஷ்யா’ போன்ற பட்டங்களின் கௌரவத்துக்கு நிகரானது எனத் தெரிவிக்கப்படுகிறது.