Published:Updated:

அதிமுக பொதுக்குழு: ``அந்த உத்தரவுகள் பொருந்தாது... தனி நீதிபதியை அணுகுங்கள்!" - உயர் நீதிமன்றம்

சென்னை உயர் நீதிமன்றம்

``ஜூன் 23-ம் தேதிக்கு முந்தைய நாள் இரவில் பிறப்பிக்கப்பட்ட உத்தரவுகள் யாவும், அந்த பொதுக்குழுக் கூட்டத்துக்கு மட்டுமே பொருந்தும். அடுத்துவரும் பொதுக்குழுக் கூட்டத்துக்கு அந்த உத்தரவுகள் பொருந்தாது." - உயர் நீதிமன்ற நீதிபதிகள்

அதிமுக பொதுக்குழு: ``அந்த உத்தரவுகள் பொருந்தாது... தனி நீதிபதியை அணுகுங்கள்!" - உயர் நீதிமன்றம்

``ஜூன் 23-ம் தேதிக்கு முந்தைய நாள் இரவில் பிறப்பிக்கப்பட்ட உத்தரவுகள் யாவும், அந்த பொதுக்குழுக் கூட்டத்துக்கு மட்டுமே பொருந்தும். அடுத்துவரும் பொதுக்குழுக் கூட்டத்துக்கு அந்த உத்தரவுகள் பொருந்தாது." - உயர் நீதிமன்ற நீதிபதிகள்

Published:Updated:
சென்னை உயர் நீதிமன்றம்

அ.தி.மு.க-வில் ஒற்றைத் தலைமை மோதல் உச்சத்தை எட்டியிருக்கிறது. கடந்த மாதம் 23-ம் தேதி அந்தக் கட்சியின் பொதுக்குழுக் கூட்டம் சலசலப்புக்குப் பஞ்சமில்லாமல் நடந்து முடிந்தது. அந்தக் கூட்டத்திலேயே அடுத்தப் பொதுக்குழுக் கூட்டம் இம்மாதம் 11-ம் தேதி மீண்டும் நடைபெறும் என அறிவிக்கப்பட்டது.

அதிமுக பொதுக்குழு, செயற்குழு கூட்டம்
அதிமுக பொதுக்குழு, செயற்குழு கூட்டம்

அதைத் தொடர்ந்து, அ.தி.மு.க செயற்குழு உறுப்பினரான சண்முகம் என்பவர், ஜூலை 11-ல் பொதுக்குழுக் கூட்டம் நடைபெறுவதற்கு தடைவிதிக்கக் கோரி சென்னை உயர் நீதிமன்றத்தில் மனுத்தாக்கல் செய்தார். கடந்த வாரம் அவரின் மனுவை விசாரித்த நீதிபதிகள், ``பொதுக்குழுவுக்குத் தடைவிதிக்கும் கோரிக்கையை விசாரிக்க முடியாது" எனக் கூறி, அடுத்தகட்ட விசாரணையை ஜூலை 4-ம் தேதிக்கு ஒத்திவைத்தனர்.

இந்த நிலையில் இன்று மீண்டும் விசாரணையைத் தொடங்கிய உயர் நீதிமன்ற நீதிபதிகள், ``ஜூன் 23-ம் தேதிக்கு முந்தைய நாள் இரவில் பிறப்பிக்கப்பட்ட உத்தரவுகள் யாவும், அந்தப் பொதுக்குழுக் கூட்டத்துக்கு மட்டுமே பொருந்தும். அடுத்துவரும் பொதுக்குழுக் கூட்டத்துக்கு அந்த உத்தரவுகள் பொருந்தாது.

ஒட்டுமொத்த விகடனுக்கும் ஒரே ஷார்ட்கட்!

சென்னை உயர் நீதிமன்றம்
சென்னை உயர் நீதிமன்றம்

மேலும், ஜூலை 11-ல் நடைபெறவிருக்கும் பொதுக்குழுக் கூட்டத்துக்குத் தடைவிதிக்க இந்த முறையீட்டில் கோரிக்கை ஏதும் வைக்க முடியாது. அதுமட்டுமல்லாமல், ஒருங்கிணைப்பாளர், இணை ஒருங்கிணைப்பாளர் தேர்தலுக்கு பொதுக்குழுதான் விளக்கமளிக்க வேண்டும். ஜூலை 11-ம் தேதி அ.தி.மு.க பொதுக்குழுக் கூட்டத்துக்குத் தடை கோரி தனி நீதிபதியைத்தான் அணுக வேண்டும்" எனக் கூறி, வழக்கு விசாரணையை 7-ம் தேதிக்கு ஒத்திவைத்து உத்தரவிட்டனர்.