Published:Updated:

''கேஸை வாபஸ் வாங்கலைன்னா... நீ முடிஞ்ச..''

ஈரோடு திகில்

''கேஸை வாபஸ் வாங்கலைன்னா... நீ முடிஞ்ச..''

ஈரோடு திகில்

Published:Updated:
##~##
''கேஸை வாபஸ் வாங்கலைன்னா... நீ முடிஞ்ச..''

ணத் தகராறில் லாட்ஜ் உரிமையாளர் ஒருவர் மகனை விடுதலைச் சிறுத்தைகள் கட்சியைச் சேர்ந்த பிரமுகர் துப்பாக்கியால் சுட முயன்ற சம்பவம் ஈரோடு நகரை படபடக்க வைத்துள்ளது. 

ஒட்டுமொத்த விகடனுக்கும் ஒரே ஷார்ட்கட்!

ஈரோடு நகரின் மையப்பகுதியில் அபிராமி தியேட்டருக்கு எதிரே லாட்ஜ் நடத்திவருகிறார் குருசாமி. இவர், பக்கத்துத் தெருவில் லாட்ஜ் நடத்தும் வைரவேல் என்பவரிடம், லாட்ஜை பவர் பத்திரத்தில் எழுதிக் கொடுத்து  கடன் வாங்கி இருக்கிறார். இந்த கடனுக்கு வட்டி கொடுக்கப் போன குருசாமியிடம், 'பவர் பத்திரத்தில் எழுதிக் கொடுத்தபடி லாட்ஜை என் பெயருக்கு கிரயம் செய்து கொடுத்துவிடு’ என்று கேட்டுள்ளார், வைரவேல். இதனால் இருவருக்கும் இடையே லடாய் ஏற்பட்டுள்ளது.

இந்த நிலையில் கடந்த 2-ம் தேதி காலை குருசாமி லாட்ஜ்க்கு வந்திருக்கிறார் வைரவேல். அப்போது குருசாமியின் மகன் பிரகாஷ§ம் உடன் இருந் திருக்கிறார். கோபத்துடன் வந்த வைரவேல், 'கடன் வாங்கியதற்காக உடனே லாட்ஜை காலி செய்’ என்று தகராறு செய்யவே பிரச்னை முற்றியிருக்கிறது. திடீரென, வைரவேல் துப்பாக்கியை எடுத்து பிரகாஷின் நெற்றிப் பொட்டில் வைத்து மிரட்டி இருக்கிறார். பிரகாஷ் சுதாரித்துக் கொண்டு கையை தட்டி விட்டதால், லாட்ஜின் மேற்கூரையில் குண்டு பட்டிருக்கிறது. சம்பவம் கேள்விப்பட்டு ஆட்கள் திரண்டுவிடவே, வைரவேல்  உடனடியாக பேலீஸாரால் கைது செய்யப்பட்டார்.

''கேஸை வாபஸ் வாங்கலைன்னா... நீ முடிஞ்ச..''

லாட்ஜ் உரிமையாளர் குருசாமியிடம் பேசியபோது, '' லாட்ஜை புதுப்பித்துக் கட்டுவதற்காக வங்கியில் லோன் வாங்கி இருந்தேன். இடையில் என் உடல்நிலை சரியில்லாமல் போனதால் பணத்தை திருப்பிக் கட்ட முடியவில்லை. இதனால் வங்கியில் இருந்து எனக்கு நெருக்கடி வந்தது. அப்போது என்ன செய்வது என்று தெரியாத நிலையில், வட்டிக்குப் பணம் கொடுக்கும் வைரவேலிடம் கடன் வாங்கினேன்.  அவரிடம்

''கேஸை வாபஸ் வாங்கலைன்னா... நீ முடிஞ்ச..''

1 கோடி கேட்டேன். அவரும் தருவதாக ஒப்புக்கொண்டு பவர் பத்திரத்தில் எழுதி வாங்கிக்கொண்டார். ஆனால் இது வரைக்கும் எனக்கு

''கேஸை வாபஸ் வாங்கலைன்னா... நீ முடிஞ்ச..''

5 லட்சம் மட்டும்தான் கொடுத்து இருக்கிறார். விடுதலைச் சிறுத்தைகள் கட்சியில் இருப்பதை சாதக மாக்கிக் கொண்டு... மீதி பணத்தைத் தராமல் பத்துப் பதினஞ்சு அடியாட்களைக் கூட்டிவந்து லாட்ஜை காலி பண்ணச் சொல்லி மிரட்டினார்.

'பிரகாஷ் இன்டர்நேஷனல் லாட்ஜ்’ங்கிற போர்டை கழட்டிட்டு உள்ள இருந்த என் அப்பா படத்தையும் தூக்கிட்டுப் போயிட்டார். அவரை கைது பண்ணிட்டுப் போனதில் இருந்து, 'கேஸை வாபஸ் வாங்கலைன்னா... நீ முடிஞ்சடா’ன்னு வெவ்வேறு காயின் பாக்ஸ் போன்களில் இருந்து மிரட்டுறாங்க. எந்த நேரமும் அடியாட்களை வைத்துக்கொண்டு கட்டப்பஞ்சாயத்து செய்யும் இவரால் என் உயிருக்கு ஆபத்து ஏற்படலாம். என் மகன் மயிரிழையில்தான் உயிர் பிழைச் சான்...'' என்று பதறினார். வைரவேல் மற்றும் அவரது கூட்டாளிகள் சிலரும் சிறையில் இருக்கும் நிலையில், விடுதலைச் சிறுத்தைகள் கட்சியின் ஈரோடு மாநகர் மாவட்டச் செயலாளர் விநாயகமூர்த்தி, ''குருசாமி கடுமையான கடன் பிரச்னையில் சிக்கி பலரிடமும் கடன் வாங்கி இருக்கிறார். பல மாதங்களாக வட்டி கட்டாத நிலையில், அதைக் கேட்கப் போன சமயத்தில்தான் பிரச்னை செய்திருக்கிறார்கள். பாதுகாப்புக்காக அவர் கொண்டுபோன துப்பாக்கியால், கொலை செய்ய முயற்சி செய்ததாகச் சொல்லிவிட்டார்கள்!'' என்றார்.

காவல் துறை தீரவிசாரித்து நடவடிக்கை எடுக்கட்டும்!

- கி.ச.திலீபன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism