Published:Updated:

''அமைச்சர் ஆவதைத் தடுக்கவா நில மோசடி புகார்?''

சிக்கலில் சோழன் பழனிச்சாமி

பிரீமியம் ஸ்டோரி
##~##
''அமைச்சர் ஆவதைத் தடுக்கவா நில மோசடி புகார்?''

திரும்பிய பக்கம் எல் லாம், நில மோசடி புகார் குளவிகள் தி.மு.க- வினரைத் தாக்கிக் கொண்டிருக்க... சொந்தக் கட்சியினர் வைத்த சூனியத்தால், ஒரு அ.தி.மு.க. எம்.எல்.ஏ-வும் இந்த சர்ச்சையில் சிக்கி இருக்கிறார். 

காரைக்குடி தொகுதி எம்.எல்.ஏ-வாக இருப்பவர் சோழன் பழனிச்சாமி. சிவகங்கை மாவட்ட அ.தி.மு.க. செய லாளராகவும் இருந்தவர். ரத்தத்தின் ரத்தங்களின் போட்டுக் கொடுக்கும் வித்தையால், சட்டமன்றத் தேர்தலுக்குப் பிறகு இவரது மாவட்டச் செயலாளர் பதவி பறிக்கப்பட்டது. இந்த நிலையில்தான், அவர் மீது நில அபகரிப்புப் புகார். காரைக்குடி அருகே அப்பளை என்ற கிராமத்தில் தன் மனைவி பஞ்சவர்ணத்தின் பெயரில் சுமார் 17.5 ஏக்கர் நிலத்தை, கடந்த 2003-ம் ஆண்டு பத்திரம் பதிந்தார் சோழன் பழனிச்சாமி. இது, அந்த கிராமத்தில் உள்ள அனைத்துக் குடிகளுக்கும் சொந்தமான சர்க்கார் புஞ்சை. இதை விற்றது செல்லாது என்று, அப்பளையில் வசிக்கும்

''அமைச்சர் ஆவதைத் தடுக்கவா நில மோசடி புகார்?''

கருப்பையா என்பவர் கடந்த ஆண்டே உயர் நீதிமன்றத்தில் வழக்குப் போட, அது நிலுவையில் இருக்கிறது. இந்த நிலையில், சோழன் பழனிச்சாமி வசம் உள்ள அந்த நிலத்தை மீட்டுத் தரக்கோரி கடந்த 11.08.11-ல் மாவட்ட எஸ்.பி-யிடம் மனு கொடுத்தார் கருப்பையா. அப்புறம் நடந்ததை அவரே சொன்னார்...

''எஸ்.பி-யிடம் புகார் கொடுத்ததுமே பழனிச்சாமியோட ஆளுங்க புகாரை வாபஸ் வாங்கச் சொல்லி நெருக்கடி கொடுத் தாங்க. 'அதான், நிலத்தைத்

''அமைச்சர் ஆவதைத் தடுக்கவா நில மோசடி புகார்?''

திருப்பிக் கொடுத்துடுறோம்னு சொல்றாங்களேப்பா, புகாரை வாபஸ் வாங்கிடுவே’ன்னு ஊர்க்காரங்களும் சொன்னதால் வாபஸ் வாங்கினேன். ஆனால், ஒரு மாசம் ஆகியும் எதுவும் நடக்கலை. அதனால், மறுபடியும் எஸ்.பி-யிடம் புகார் கொடுத்துட்டு வெளிய வந்தபோது என்னை காரில் கடத்திட்டுப் போன அ.தி.மு.க-காரங்க, வெத்துப் பேப்பர்களில் மிரட்டிக் கையெழுத்து வாங்கிட்டாங்க. நான் கையெழுத்துப் போட்டுக் கொடுத்த வெத்துப் பேப்பர்களில் அவங்களாவே ஏதேதோ எழுதிட்டு, நான் புகாரை வாபஸ் வாங்கிட்டேன்னு கதை கட்டுறாங்க. அதனால்தான், 'என்னைய கடத்துனவங்க மேல் எஃப்.ஐ.ஆர். போட்டு நடவ டிக்கை எடுக்கணும்’னு உயர் நீதிமன்றத்தில் கிரிமினல் வழக்குப் போட்டுருக்கேன்!'' என்றார் கருப்பையா.

கருப்பையாவின் வழக்கறிஞர் ஜின்னா, ''பொது சொத்தை மீட்க புகார் கொடுத்த கருப்பையாவை, 'உனக்கு சம்பந்தம் இல்லாத நிலப் பிரச்னையில் எம்.எல்.ஏ-வை மிரட்டுறேன்னு உன் மேலயே கேஸ்

''அமைச்சர் ஆவதைத் தடுக்கவா நில மோசடி புகார்?''

போடட்டுமா?’னு போலீஸ்ல மிரட்டியிருக்காங்க. இடத்தைத் திருப்பிக் கொடுத்துடுறதா சொல்லி பேப்பர்களில் கையெ ழுத்து வாங்கிட்டு, அதை கருப்பை யாவுக்கு எதிராவே இப்பப் பயன்படுத்த ஆரம்பிச்சிருக்காங்க. இதை எல்லாம் நீதிமன்றத்தில் சொல்வோம்...'' என்றார்.

கருப்பையா தொடர்ந்துள்ள கிரிமினல் வழக்கில், 'தன்னையும் ஒரு தரப்பாகச் சேர்த்து விசாரிக்க வேண்டும்!’ என மனு போட்டிருக்கும் புலவர் பழனியப்பன் நம்மிடம், ''விசாரிச்சுப் பார்த்ததில், சோழன் பழனிச்சாமி அந்த நிலம் வாங்கியதில் எந்த முறைகேடும் செய்யலைனு தெரிஞ்சது. பிறகு ஏன் பிரச்னை வருதுன்னு பார்த்தப்பத்தான், சோழனின் வளர்ச்சியைப் பிடிக்காத அ.தி.மு.க. வி.ஐ.பி-க்கள் சிலரே இதன் பின்னணியில் இருக்காங்கன்னு தெரிஞ்சது. கருப்பையாவே எங்ககிட்ட இதை வெளிப்படையா சொல்லிட்டார். உண்மையைப் புரிஞ்சுக்கிட்டு புகாரை வாபஸ் வாங்கினவரை மறுபடியும் தூண்டிவிட்டு, 'நாங்க கருப்பையாவைக் கடத்தி, கத்தி முனையில் மிரட்டி வெள்ளைத் தாளில் கையெழுத்து வாங்கினதா’ பொய் புகார் கொடுக்க வெச்சிருக்காங்க. உண்மையில் என்ன நடந்துச்சுன்னு எனக்குத்தானே தெரியும். அதனால்தான், என்னையும் விசாரிக்கணும்னு மனு போட்டிருக்கேன்...'' என்றார்.

''அமைச்சர் ஆவதைத் தடுக்கவா நில மோசடி புகார்?''

சோழன் பழனிச்சாமியிடம் பேசினோம். ''அனைத்து சாதியினருக்கும் அசைன்மென்ட் பட்டா கொடுக்கப்பட்ட அந்த இடத்தை நான் முறையாகக் கிரயம் வாங்கி இருக்கேன். அந்த இடம் பள்ளமா மேடான்னுகூட இதுவரைக்கும் எனக்குத் தெரியாது. இப்ப வரைக்கும் அதை ஊர்க்காரங்கதான் அனுபவிக்கிறாங்க. நான் எந்தத் தவறும் செய்யலை. என்ன நடந் தாலும் சத்தியம்னு ஒண்ணு இருக்குல்ல... அது ஜெயிக் கும்கிற நம்பிக்கையில முருகன் மேல பாரத்தைப் போட்டுட்டு அமைதியா இருக்கேன்...'' என்றார்.

மாவட்ட எஸ்.பி-யான பன்னீர்செல்வத்திடம் கேட்டால், ''முதல் நாள் என்னிடம் புகார் கொடுத்த கருப்பையா, மறுநாளே புகாரை வாபஸ் வாங்கிவிட்டார். பிறகு, கொஞ்ச நாள் கழித்து, அ.தி.மு.க-காரர்கள் தன்னைக் கடத்திவைத்து மிரட்டிக் கையெழுத்து வாங்கியதாக எங்களுக்கு அஞ்சலில் புகார் அனுப்பினார். அடுத்த நாளே, 'கடத்தல் புகாரை நான் அனுப்பவில்லை’ என்று கருப்பையா பேரில் ஒரு கடிதம் வந்தது. மொத்தத்தில் அவர்களுக்கு இடையே ஏதோ பிரச்னை. அதனால், இந்த விஷயத்தில் பொறுமையாக இருந்தோம். இப்போது விவகாரம் நீதிமன்றத்துக்குப் போய்விட்டதால் நீதிமன்றம் என்ன சொல்கிறதோ அதன்படி நடவடிக்கை எடுப்போம்...'' என்றார்.

''சோழன் பழனிச் சாமி, சசிகலா குடும் பத்தின் ராவணனின் ஆசி பெற்றவர். சட்ட மன்றக் கூட்டத் தொடர் முடிஞ்சதும் அமைச்சரவையில் மாற்றம் இருக்கலாம். அப்போது சோழனுக்கும் வாய்ப்புகள் வரலாம். இல்லாட்டி அவர் மறுபடியும் மாவட்டச் செயலாளராக ஆக்கப்படலாம்னு ஒரு பேச்சு ஓடுது. அப்படி ஏதாச்சும் நடந்துட்டா தங்களுக்கு ஆபத்தாகிப் போகும்னு நினைச்சு மாவட்ட அ.தி.மு.க. பொறுப்பாளர் ஒருத்தரும், அ.தி.மு.க. அமைச்சர் ஒருவரும் கூட்டுச்சேர்ந்து, சோழனுக்கு எதிரா இந்த விவகாரத்தை ஊதிப் பெருசாக்குறாங்க...'' - என்றும் சொல்கிறார்கள், சோழன் பழனிச்சாமி ஆதரவாளர்கள்.

கடைசியில் யார் தலை உருளப் போகி றதோ!

- குள.சண்முகசுந்தரம்

படங்கள்: எஸ்.கிருஷ்ணமூர்த்தி,

எஸ்.சாய் தர்மராஜ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு