Published:Updated:

உயிர் குடித்த புயல்!

விழுப்புரம் சோகம்

உயிர் குடித்த புயல்!

விழுப்புரம் சோகம்

Published:Updated:
##~##
உயிர் குடித்த புயல்!

ங்கக் கடலில் காற்றழுத்தத் தாழ்வு மண்டலம் உருவாகி... அது புயலாக மாறி, கடந்த 30-ம் தேதி காலை புதுச்சேரிக்கும் கடலூருக்கும் இடையே கடலைக் கடந்தது. அந்த இரண்டு மாவட்டங்களிலும் பலத்த சேதங்களை ஏற்படுத்திய புயல், விழுப்புரத்தையும் விட்டு வைக்கவில்லை! 

விழுப்புரம் மாவட்டத்தில் 29-ம் தேதி இரவு முதலே பலத்த மழை. அதனால் முதலில் சாலை ஓரங்களில் இருந்த மரங்கள் காற்றுக்குத் தாக்குப்பிடிக்க முடியாமல் விழுந்தன. புயலின் தாக்கத்தைத் தாங்க முடியாமல் குடிசை வீடுகளின் கூரைகள் பறந்தன. சாலை ஓரங்களிலும், ரயில் தண்ட வாளங்களிலும் மின்சார வயர்கள் அறுந்து விழ... மாவட்டம் முழுவதும் உடனடியாக மின்சாரம் துண்டிக்கப்பட்டது; ரயில்களும் ஆங் காங்கே நிறுத்தப்பட்டன. விழுப்புரத்தில் இருந்து பாண்டி செல்லும் தங்க நாற்கர சாலையும் துண்டிக்கப்பட்டதுதான் மிகப்பெரும் சோகம். பி.எஸ்.என்.எல். சேவையைத் தவிர மற்ற தனியார் தொலைபேசிகள் வேலை செய்யவே இல்லை.

உயிர் குடித்த புயல்!

மாவட்டத்தில் அதிகமாக பாதிக்கப்பட்டது மரக்காணம் முதல் கிழக்குக் கடற்கரை சாலையில் உள்ள குப்பம் பகுதியை சேர்ந்தவர்கள்தான். சுமார் 135 கி.மீ. வேகத்தில் வீசிய காற்றினால் மரங்கள் வேரோடு சாய்ந்ததில், மரக்கோணத்தில் இருந்து திண்டிவனம், செஞ்சி செல்லும் சாலைகளில் போக்குவரத்து முற்றிலும் பாதிக்கப்பட்டது. இந்திரா நகர், காமராஜ் நகர், கோணவாயன் குப்பம் போன்ற பகுதிகளில் இருந்த நெற்பயிர்கள் நீரில் மூழ்கின. எக்கியர் குப்பம், கைக்காணிக்குப்பம், முட்டுக்காடு குப்பம், பொதுக்குப்பம், வசவன் குப்பம், தோட்டகுப்பம், சின்ன முதலியார் சாவடி போன்ற 19 மீனவக் கிராமங்களில் கடல் நீர் புகுந்தது. உடனே இவர்கள் அனைவரும் சமுதாயக் கூடம், புயல் பாதுகாப்பு மையம் போன்ற பகுதிகளில் பாதுகாப்பாக தங்க வைக்கப்பட்ட னர். இப்பகுதிகளில் படகுகள், மீன்பிடி வலைகள் பலவற்றை புயல் அடித்துச் சென்று விட்டது.

உயிர் குடித்த புயல்!

கள்ளக்குறிச்சியிலும் பலத்த பாதிப்புதான். பைபாஸ் சாலை தொடங்கும் இடங்களில் மரங்கள் விழுந்ததால்... சேலம், சென்னை போன்ற பெரு நகரங்கள் செல்லும் சாலைகள் துண்டிக்கப்பட்டன. கள்ளக்குறிச்சி அருகே உள்ள ஆலத்தூரைச் சேர்ந்த விவசாயி குரூப் நாயுடு. இவரது வீடு அருகே உள்ள மாட்டுக் கொட்டகையில் மின்சார வயர் விழுந்து, மாடு உயிருக்காகக் கதற, உடனே பதறியடித்துச் சென்று காப்பாற்ற முயன்ற குரூப் நாயுடுவும் மின்சாரத்துக்குப் பலியானார்.

உயிர் குடித்த புயல்!
உயிர் குடித்த புயல்!

அதேபோல், கோட்டக்குப்பத்தில் சுகந்தி என்பவர் குடிசையில் தூங்கிக் கொண்டிருந்த நேரத்தில், பக்கத்தில் இருந்த பெரிய மரம் முறிந்து விழுந்தது. தப்பிக்க வழியின்றி படுத்த இடத்திலேயே சுகந்தி பரிதாபமாக இறந்தார். இதேபோல ஆடு, மாடுகளும் கோழிகளும் ஏகத்துக்கும் உயிர் இழந்து போயின.  

உடனடியாகக் களம் இறங்கிய மாவட்ட ஆட்சியர் மணிமேகலை, சின்னமலை சாவடி உள்ளிட்ட கடற்கரைக் கிராமங்களுக்குச் சென்று பார்வையிட்டு, அவர்களுக்குத் தேவையான உதவிகளைச் செய்யச் சொல்லி அதிகாரிகளை முடுக்கி விட்டார். புயலின்போது தங்கள் கட்சியின் செயற்குழுவில் பங்கேற்க சென்னை சென்றிருந்த அமைச்சர் சி.வி.சண்முகம், மறுநாள் விழுப்புரம் வந்து ஆட்சியர் மணிமேகலையிடம் புயலின் சேதங்கள் குறித்தும் பாதுகாப்பு பணிகள் குறித்தும் தீவிர ஆலோசனை நடத்தினார்.

கோர தாண்டவம் ஆடிய 'தானே’ புயலால் மாவட்டத்தில் ஏற்பட்டுள்ள இழப்புகள் எவ்வளவு என்று இதுவரை முழுமையாக கணக்கிட முடியாமல், அரசு அதிகாரிகள் கணக்கு எடுத்துக்கொண்டே இருக்கிறார்கள். பாதிக்கப்பட்ட மக்களின் எண்ணிக்கையும் அதிகரித்துக்கொண்டே இருக்கிறது. வீடுகள், உடமைகள் இழந்து பாதிக்கப்பட்டுள்ள மக்களுக்கு, உடனடித் தேவை ஆறுதல் அல்ல, முழுமையான நிவாரணம்.

- அற்புதராஜ், படங்கள்: ஜெ.முருகன்

 கண்ணீரில் விவசாயிகள்...

கடற்கரை மாவட்டங்களை மட்டுமே சின்னா பின்னமாக்கும் புயல், இந்த முறை திருவண்ணா மலையையும் ஒரு வழி செய்து விட்டது. இங்கு அதிகம் பாதிக்கப்பட்டது விவசாயிகள்தான்!

உயிர் குடித்த புயல்!
உயிர் குடித்த புயல்!

''அறுவடைக்குத் தயாராக இருந்த நெல், கரும்பு, வாழை என்று அத்தனை பயிர்களும் கீழே சாய்ந்து விட்டன. ஆரணி அடுத்த கண்ணமங்கலம் பகுதியில் அதிகளவில் வாழை பயிரிடப்படுவது வழக்கம். இன்னும் சில தினங்களில் வாழைத் தார்கள் வெட்டப்பட இருந்த நேரத்தில், புயலால் அவை சாய்ந்துவிட்டன. அதேபோல் படவேடு பகுதியில் கரும்புகள் முறிந்து விழுந்துள்ளன. இனாம்காரியேந்தல் பகுதியில் சில விவசாய நிலங்களில் நீர் தேங்கி நின்றதால், வாழை பாதிக்கப் பட்டுள்ளது. மேல்செங்கம், கலசப்பாக்கம்  பகுதிகளில் சம்பங்கிப் பூக்கள் பயிரிடப் பட்டு இருந்தன. அவை அனைத்தும் ஒன்றுமில்லாமல் போய்விட்டன. இதையெல் லாம் அரசு அதிகாரிகள் உடனே வந்து பார்வை யிட்டு, எங்களுக்கு உரிய இழப்பீட்டை பெற்றுத்தர வேண்டும்'' என்றார், திருவண்ணாமலை மாவட்ட விவசாயிகள் சங்க தலைவர் பலராமன் கவலையோடு.

மாவட்ட ஆட்சியர் அன்சுல் மிஸ்ராவிடம் பேசியபோது, ''அதிகாரிகள் பாதிப்பைக் கணக் கிட்டு வருகிறார்கள். அதை அரசுக்கு அனுப்பி பாதிக்கப்பட்ட விவசாயிகளுக்கு இழப்பீடு பெற்று தருவோம்'' என்றார்.

- கோ.செந்தில்குமார்

படங்கள்: பா.கந்தகுமார்