Published:Updated:

வர்ர்ரும்... ஆனா வராது!

முதியோரை அலைக்கழிக்கும் பென்ஷன் விவகாரம்

##~##
வர்ர்ரும்... ஆனா வராது!

'பெரம்பலூர் மாவட்டம் செட்டிக்குளம், மாவிலிங்கை கிராமங்களைச் சேர்ந்த 129 முதியவர்களுக்கு, கடந்த இரண்டு வருடங்களாக முதியோர் உதவித் தொகை அனுப்பிக் கொண்டு இருப்பதாக தாசில்தார் ஆபிஸில் சொல்கிறார்கள். ஆனால், பயனாளிகளுக்குப் பணம் கிடைக்கவே இல்லை’ என்று ஜூ.வி. ஆக்ஷன் செல்லைத் (044-42890005) தொடர்பு கொண்டார் செட்டி​குளம் கிராமத்தைச் சேர்ந்த சமூக ஆர்வலர் துரைராஜ். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அவரிடம் பேசினோம், ''கடந்த 2009 டிசம்பர் 15-ம் தேதி செட்டிக்குளத்தில் நடைபெற்ற சிறப்பு முகாமில் பென்ஷனுக்காக மனு கொடுத்தோம். பணம் கிடைக்கவே இல்லை. ஆபிஸுக்குப் போய் கேட்டோம். சரியான பதில் இல்லை. அதனால் தகவல் அறியும் உரிமைச் சட்டத்தின் மூலம் கேட்டோம்.

வர்ர்ரும்... ஆனா வராது!

'கொடுக்கப்பட்ட 266 மனுக்களில் 129 பேருக்கு பணம் அனுப்பிக்கொண்டு இருக்​கிறோம்’ என்று பதில் வந்தது. உடனே பயனா​ளிகள் பட்டியலைக் கேட்டுப் பெற்றோம். இந்தக் காலத்தில்... மனு செய்திருந்த நான்கு பேர் செத்தே போயிட்டாங்க. மத்தவங்​களுக்குப் பணம் கிடைக்க வழி செய்யுங்க சார்'' என்றார்.

வர்ர்ரும்... ஆனா வராது!

பென்ஷனுக்காகக் காத்திருக்கும் வேம்பு அம்மாள், ''எங்க வீட்டுக்காரர் இறந்து 10 வருஷங்களாச்சு. அதுக்குப் பிறகு மூணு பொண்​ணுகளையும் ரொம்பக் கஷ்டப்பட்டு கட்டிக் கொடுத்தேன். வயசானதால கூலி வேலைக்கும் போக முடியலை. பென்ஷன் தொகை கிடைச்​சா உதவியா இருக்கும்னு மனு கொடுத்து, பணத்துக்கு நாயாய் நடந்துக்கிட்டு இருக்கேன்'' என்றார்.

வேம்பு அம்மாளைவிட பிச்சாயி பாட்டியின் வலி இன்னும் வேதனையானது. ''என்னோட மூத்த பையன் ராணுவத்துல இறந்து போயிட்டான். இன்னொரு பையன் புள்ளகுட்டியோட குடும்பமா இருக்கான். எனக்கு ஆதரவுன்னு யாருமே இல்லை. நடக்க முடியுறவங்க ஆபிஸுகளுக்குப் போய் மனு கொடுத்துட்டு வர்றாங்க. என்னால நடக்கவும் முடியலை... எதுவும் போய் கேட்க முடியலை... எனக்குப் பணம் வருமா'' என்று கேட்டார்.  

மாவிலிங்கை கிராமத்தில் முதியவர் சுப்பிரமணி, ''எனக்கு பணம் அனுப்பிக்கிட்டு இருக்கிறதாச் சொல்றாங்க.  ஆனா, நான் இதுவரைக்கும் ஒரு பைசாகூட வாங்கலை. உதவித் தொகைக்காக பெரம்​பலூர் கலெக்டர் ஆபிஸுக்கும் குன்னம் தாசில்தார் ஆபிஸுக்கும் நடந்து நடந்து செருப்பு தேய்ஞ்சதுதான் மிச்சம்'' என்றார் துயரத்துடன்.

குன்னம் தாலுக்காவின் சமூகப் பாதுகாப்புத் திட்ட தாசில்தார் ரெங்கராஜிடம் இந்தக் குற்றச்சாட்டு குறித்துக் கேட்டபோது, ''இந்த விவகாரம் 2009-ம் ஆண்டு சம்பந்தப்பட்டது. நான் ஆறு மாதங்களுக்கு முன்புதான் இந்தப் பணிக்கு வந்துள்ளேன். அதனால் என்ன நடந்தது என்பதை விசாரித்து, இரண்டு வார காலங்களில் சரியான நடவடிக்கை எடுக்கிறேன்'' என்றார்.

மாவட்ட ஆட்சியர் தாரேஸ் அகமதுவிடம் முழுமையான ஆதாரங்களைக் கொடுத்து விவரம் கேட்டோம். ''நான் உடனடி​யாக விசாரணைக்கு உத்தரவிடுகிறேன். யார் தவறு செய்திருந்தாலும் கண்டிப்பாக நடவடிக்கை எடுக்கப் படும். உண்மையான பயனாளிகளுக்குக் கண்டிப்பாக நியாயம் கிடைக்கும்'' என்றார்.

- சி.ஆனந்தகுமார், படங்கள்: எம்.ராமசாமி