Published:Updated:

சின்னவர்... பெரியவர்!

சேலம் அ.தி.மு.க. கூத்து!

##~##
சின்னவர்... பெரியவர்!

சேலம் ஆத்தூர் பகுதியைச் சேர்ந்த அ.தி.மு.க. நிர்வாகி களிடம் இருந்து, அமைச்சர் எடப்பாடி பழனிச்சாமி மீதும், சேலம் புறநகர் மாவட்ட ஜெ. பேரவை செயலாளருமான இளங்கோவன் மீதும் ஏகப் பட்ட புகார்கள். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பெத்தநாயக்கம் பாளை யம் ஒன்றிய அ.தி.மு.க. மாணவரணிச் செயலாளர் சரவணனிடம் பேசி னோம். ''நெடுஞ்சாலைத் துறை அமைச்சர் எடப்பாடி பழனிச்சாமியும், ஜெ. பேரவைச் செயலாளர் இளங்கோவனும் கை கோத்துக்கொண்டு, சொந்த கட்சிக்காரர்களுக்கு துரோகம் செய்கிறார்கள். ஒரு மாதத்துக்கு முன், திருமண உதவித் தொகை யாக 52 பேருக்கு 4 கிராம் தங்கமும், 50 ஆயிரம் ரூபாய் பணமும் கொடுத்தார்கள். இதில் ஆளுக்கேற்ற மாதிரி 10 ஆயிரம் முதல் 15 ஆயிரம் ரூபாய் வரை வாங்கிக் கொண்டுதான் நலத்திட்ட உதவிகளைக் கொடுத்தார்கள்.  

சின்னவர்... பெரியவர்!

எங்கள் பகுதியில் நடக்கும் எந்த ஒரு கான்ட்ராக்ட் வேலையையும் அ.தி.மு.க-வினருக்குக் கொடுப்பதே இல்லை.  தி.மு.க-வைச் சேர்ந்தவர்களுக்கும் பா.ம.க-வைச் சேர்ந்தவர்களுக்கும் பணம் வாங்கிக்கொண்டு கொடுக்கிறார்கள். அவர்களிடம் இருந்து 20 சதவிகிதம் கமிஷன் வாங்கிக் கொள்கிறார்கள். இத்தனை சதவிகிதம் கமிஷன் கொடுத்தால், கண்டிப்பாக அவர்கள் செய்யும் வேலை தரமானதாக இருக்காது. அதனால் அம்மாவின் ஆட்சிக்குத்தான் கெட்டபெயர் ஏற்படும். இதை எல்லாம் அமைச்சர் பழனிச்சாமி யிடம் புகாராகச் சொன்னால், 'நீ சின்னவரைப் போய் பார்’ என்று இளங்கோவனை நோக்கியே கைகாட்டுகிறார். நடப்பதைப் பார்த்தால், அமைச்சர் எடப்பாடி பழனிச்சாமிக்கு பணம் வாங்கிக்கொடுக்கும் புரோக்கராக இளங்கோவன் செயல்படுகிறாரோ என்று சந்தேகம் வருகிறது'' என்றார் காட்டமாக.

அ.தி.மு.க. முன்னாள் நகரச் செயலாளர் முத்து சாமி, ''நான் தலைவர் எம்.ஜி.ஆர். காலத்தில் இருந்தே அ.தி.மு.க-வில் இருக்கிறேன். கட்சிக்காக உழைத்தவர்களை எல்லாம் உதாசினப்படுத்தி விட்டு, மாற்றுக்  கட்சியில் இருந்து நேற்று வந்தவர்களுக்கு எல்லாம் உள்ளாட்சித் தேர்தலில் ஸீட் கொடுத்தார் இளங்கோவன். இதை எதிர்த்து

சின்னவர்... பெரியவர்!

இளங்கோவனிடம் கேட்டால், 'பெரியவரை போய் பாரு...’ என்கிறார். அமைச்சரிடம் கேட்டால், 'நீ சின்னவரைப் போய் பாரு...’ என்கிறார். இவர்கள் மீது புகார் அனுப்பியதற்காக என்னை கட்சியில் இருந்தே நீக்கி விட்டார்கள். இதை நான் சும்மா விடமாட்டேன். அம்மாவைநேரில் சந்தித்து இளங்கோவனின் செயல்பாடுகளைச் சொல்வேன்'' என்றார் வேதனையோடு.

புகார் குறித்து இளங்கோவனிடம் கேட்டோம். ''எவனோ ஒருத்தன் சொல்வதைக் கேட்டு என்னிடம் விசாரிக்கக் கூடாது. நான் திருமண உதவித் தொகை வழங்கியதில் பணம் வாங்கி இருக்கிறேன் என்று நிரூபித்தால், நான் கட்சியை விட்டே போய் விடுகிறேன். எந்த டெண்டரும் எங்கள் பகுதியில் விடப்படவில்லை'' என்று சொன்னார்.

நெடுஞ்சாலைத் துறை அமைச்சர் எடப்பாடி பழனிச்சாமி சார்பாக நம்மிடம் பேசிய அவரது உதவியாளர் கார்த்தி, ''கான்ட்ராக்ட் மற்றும் நலத்திட்ட விவகாரங்களில் அமைச்சருக்கு எந்தத் தொடர்பும் கிடையாது. அனைத்துத் தொண்டர்களையும் சமமாகவே நடத்துகிறார். தன்னுடைய பிரதிநிதியாக யாரையும் அவர் சொல்வது இல்லை... அவர் மீது சொல்லப்படுவது எல்லாமே பொய்யான குற்றச்சாட்டுகள்'' என்றார்.

இனி, கட்சி மேலிடம் பார்த்துக்கொள்ளும்!

- வீ.கே.ரமேஷ்

படங்கள்: க.தனசேகரன்