Published:Updated:

வேலம்மாள் இப்படிச் செய்யலாமா?

முகப்பேர் கல்வி அதிர்ச்சி

##~##
வேலம்மாள் இப்படிச் செய்யலாமா?

''10-ம் வகுப்பு பொதுத் தேர்வில் 475 மதிப்பெண்களுக்கு மேல் வாங்கும் மாணவர்களுக்கு ப்ளஸ் ஒன் படிப்பு இலவசம் என்று, சென்னை முகப்பேரில் இருக்கும் வேலம்மாள் பள்ளியில் அறிவித்து இருந்தார்கள். அப்படி வாங்கிய மாணவர்களிடம் கூட  இப்போது ஃபீஸ் கட்டச் சொல்லி வற்புறுத்துகிறார்கள்’ என்று ஜூ.வி. ஆக்ஷன் செல் (044-66808002) அலறியது. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பாதிக்கப்பட்ட பெற்றோர்களிடம் பேசினோம். ''பத்தாம் வகுப்பு தேர்வில் 475 மதிப்பெண்களுக்கு மேல் எடுத்தால் ப்ளஸ் ஒன் சேரும் மாணவர்கள் ஃபீஸ் கட்ட வேண்டியது இல்லை என்று பள்ளியில் கொடுத்திருக்கும் டைரியில் தெளிவாகவே அறிவித்து இருக்கிறார்கள். அந்த நம்பிக்கையில் சந்தோஷமாக அட்மிஷனுக்குப் போனோம். எங்கள் பிள்ளைகளின் மதிப்பெண்களைப் பார்த்த பிறகும், ஃபீஸ் கட்டச் சொன்னார்கள். '475 மதிப்பெண்களுக்கு மேல் எடுத்து இருப்பதால் எதற்காக ஃபீஸ் கட்டவேண்டும்?’ என்று கேட்டோம்.  இன்டர்வியூ நடத்தியவர்களோ, 'விருப்பம் இருந்தால் ஃபீஸ் கட்டுங்கள் இல்லை என்றால் நிர்வாகத்திடம் பேசிக்கொள்ளுங்கள்’ என்று அலட்சியமாக பதில் சொன்னார்கள். இப்போது வேறு பள்ளிக்குத் திடீரென மாற முடியாத சூழ்நிலை. அதனால் வேறுவழி இன்றி ஃபீஸைக் கட்டிச் சேர்த்திருக்கிறோம். வேலம்மாள் பள்ளி எங்களை ஏமாற்றும் என்று நாங்கள் கனவிலும் நினைக்கவில்லை'' என்று கொந்தளித்தார்கள்.

வேலம்மாள் இப்படிச் செய்யலாமா?
வேலம்மாள் இப்படிச் செய்யலாமா?

பெற்றோர்களின் மனக் குமுறலை பள்ளியின்  முதல்வர் ஸ்டெல்லா ஜெபகுமாரி யிடம் சொன்னோம். ''475 மார்க் எடுத்தால் இலவசக் கல்விக்கான ஸ்காலர்ஷிப் என்று குறிப்பிட்டது, மெட்ரிகுலேஷன் தேர்வுக்குத்தான். 11 பாடங்கள் கொண்ட மெட்ரிக் தேர்வுக்கு வைத்த 475 மார்க் என்ற தேர்ச்சி இலக்கு. ஆனால், இந்த ஆண்டு நடந்த தேர்வு என்பது, ஐந்து பாடங்கள் மட்டுமே கொண்ட சமச்சீர்க் கல்வி முறைப்படி நடந்தது. எனவே, அது இந்த  தேர்வுக்கு எப்படிப் பொருந்தும்? பாடச் சுமை குறையும்போது தேர்ச்சி இலக்கையும் கூட்டித்தானே ஆக வேண்டும். அதனால்தான், 485 மதிப்பெண்களுக்கு மேல் எடுத்து தேர்ச்சி பெறுபவர்களுக்கு இலவசக் கல்விக்கான ஸ்காலர் ஷிப் வழங்கப்படும் என்று பள்ளி நிர்வாகம் அறிவித்து இருக்கிறது. கடந்த ஆண்டு சமச்சீர்க் கல்வித் திட்டம் அறிவிப்பதற்கு முன்பாகவே, பிள்ளைகளுக்கான டைரி அச்சடிக்கப்பட்டு விட்டது. அதனால்தான்தான் ஸ்காலர்ஷிப் பற்றி குழப்பம் ஏற்பட்டு விட்டது. இந்த ஸ்காலர்ஷிப் என்பது,  பள்ளி நிர்வாகம் தனது விருப்பத்துடன் பிள்ளைகளை ஊக்குவிக்கும் நோக் கத்தோடு அறிவித்து இருக்கிறது. அதனால் இதைக் குறை சொல் வதில் அர்த்தம் இல்லை'' என்றார்.

நல்ல மதிப்பெண்கள் பெற்று பள்ளிக்கு மரியாதையை வாங்கிக் கொடுத்த  குழந்தைகளுக்கு இப்படி ஓர் ஏமாற்றத்தை கல்வி நிர்வாகம் கொடுத்திருக்கத் தேவை இல்லை!

- ரியாஸ்