Published:Updated:

கொத்தடிமையாக இருக்கிறாரா தமிழரசி?

அரியலூர் அதிர்ச்சி

##~##
கொத்தடிமையாக இருக்கிறாரா தமிழரசி?

'எங்க அம்மா தமிழரசியைக் கடத்திக் கிட்டுப் போய் கொத்தடிமையா வைச்சிருக்காங்க. மீட்டுக் கொடுங்க...’ என்று, ஜூ.வி. ஆக்ஷன் செல்லுக்கு (044-66808002) அழுகையுடன் அழைப்பு விடுத்தார் பாலமுருகன்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அரியலூர் மாவட்டம் தழுதாழைமேடு கிராமத்தைச் சேர்ந்த பாலமுருகனை சந்தித்தோம்.

''செங்கல் சூளை வேலைக்காக எங்க பகுதி கிராமங்களில் இருந்து திருச்சி, தஞ்சைக்கு நிறையப் பேர் போவாங்க. ஒரு செட்டுக்கு (கணவன், மனைவி சேர்ந்த ஜோடி) 30 ஆயிரம், 40 ஆயிரம்னு பேசி மொத்தமா பணம் அட்வான்ஸ் வாங்கிட்டு வேலைக்குப் போவாங்க. அங்கே போய் வேலை செஞ்சு கடனை அடைக்கணும். கும்பகோணத்துக்கு அருகே இருக்கும் கோவிந்தராஜ பெருமாள் கோவிலைச் சேர்ந்த ராஜா என்பவரது சூளைக்கு, விதவையான எங்கம்மா தமிழரசி, மாமா கண்ணப்பன் கூட செட்டு சேர்ந்துக்கிட்டு 30 ஆயிரம் ரூபாய் வாங்கிட்டுப் போனாங்க. அங்கே போய் வேலை செய்ய

கொத்தடிமையாக இருக்கிறாரா தமிழரசி?

முடியாம அம்மா கஷ்டப்பட்டாங்க. அதனால பணத்தைத் திருப்பிக் கொடுத்திடலாம்னு எங்க அம்மா கிளம்பி வந்துட்டாங்க. இதனால் கோபமான ராஜா ஏப்ரல் 25-ம் தேதி எங்க அம்மாவை அடிச்சித் தூக்கிக்கிட்டுப் போய் கொத்தடிமையா வச்சிக்கிட்டு வேலை பார்க்கச் சொல்றார். ஏரியா தி.மு.க. புள்ளியான ராஜா, பணத்தைத் திருப்பிக் கொடுத்தாலும் வாங்க மாட்டேன்னு சொல்றார்'' என்று அழுதார்.

கொத்தடிமையாக இருக்கிறாரா தமிழரசி?

அடுத்துப் பேசிய வழக்கறிஞர் அழகேசன், ''தமிழரசி கடத்தப்பட்டது குறித்து எஸ்.ஐ. மற்றும் எஸ்.பி-க்குப் புகார் கொடுத்தும் நடவடிக்கை எடுக்கவில்லை. அதனால் நீதிமன்றத்துக்குப் போனோம். ஓப்பன் கோர்ட்டிலேயே, 'தமிழரசியை மீட்க உடனே நடவடிக்கை எடுக்க வேண்டும்’ என்று நீதிபதி உத்தரவு பிறப்பித்தும் இன்று வரை நடவடிக்கை இல்லை. அதனால் சென்னை உயர் நீதிமன்றத்தில் ஹேபியஸ் கார்பஸ் மனு தாக்கல் செய்ய இருக்கிறோம்'' என்றார்.

திருப்பனந்தாள் எஸ்.ஐ. வெங்கடேசனிடம் பேசினோம். ''விஷயம் கோர்ட்டுக்குப் போயிருப்பதால், தமிழரசியைக் கோர்ட்டில் ஆஜர்படுத்துவோம்'' என்றார் சிம்பிளாக.

குற்றச்சாட்டுக் குறித்துப் பேசிய சூளை உரிமையாளரான முன்னாள் கவுன்சிலர் ராஜா, ''நாங்கள் தலைமுறை தலைமுறையாக சூளை வைத்து நடத்துகிறோம். நாங்கள் யாரையும் கொத்தடிமையாக நடத்துவது இல்லை. அந்த அம்மா இங்கே பிரச்னை இல்லாமல் வேலை செய்கிறார். ஆனால், அந்த அம்மாவோட மகன்தான் தேவையில்லாமல் பிரச்னை செய்கிறார். போலீஸ் கேட்டுக்கொண்டால் தமிழரசியை அனுப்பி வைக்கிறேன்'' என்று சொன்னார்.

சுதந்திர நாட்டில்தான் நாம் இருக்கிறோமா?

- சி.ஆனந்தகுமார்

படங்கள்: எம்.ராமசாமி