Published:Updated:

சமத்துவ புரமா? சல்லாப புரமா?

விழுப்புரம் வேதனை

பிரீமியம் ஸ்டோரி
##~##
சமத்துவ புரமா? சல்லாப புரமா?

'எங்கள் பகுதியில் கட்டி முடிக்கப்பட்ட சமத்துவபுரம் ஆறு மாதங்களுக்கு மேலாகியும் திறக்கப்படாததால், அது சமூக விரோதிகளின் கூடாரமாகிவிட்டது’ என்று விழுப்புரம் மாவட்டத்தில் இருந்து ஜூ.வி. ஆக்ஷன் செல்லுக்கு ஒரு  (044-66808002) தகவல். 

கள்ளக்குறிச்சி அருகே உள்ள சிறுவாங்கூரில் அமைந்துள்ளது அந்த சமத்துவபுரம். மனித உரிமைப் பாதுகாப்பு மைய மாநில பொதுச் செயலாளர் செல்வராஜ் நம்மிடம், ''2010-ம் ஆண்டு ஆகஸ்ட் மாதம் இந்த சமத்துவபுரக் கட்டடப் பணியைத் துவக்கினாங்க. ஒரு வருடத்துக்குள் பணியை முடித்து பயனாளிகளிடம் வீடுகளை ஒப்படைக்க வேண்டும் என்பது அரசின் நிபந்தனை. ஆனால், இன்று வரை இந்த வீடுகள் பயனாளிகளிடம் ஒப்படைக்கப்படவில்லை.

சமத்துவ புரமா? சல்லாப புரமா?

முக்கால்வாசிப் பணிகள் நிறைவடைந்த நிலையில் ஆட்சி மாற்றம் ஏற்பட்டதால், வீடு கட்டும் பணி

சமத்துவ புரமா? சல்லாப புரமா?

சில மாதங்கள் நிறுத்தப்பட்டது. நீண்ட இடைவெளிக்குப் பின்னர் பணிகள் மீண்டும் தொடங்கப்பட்டு, தற்போது வீடுகள் முழுமையடைந்துவிட்டன. சின்னச் சின்ன வேலைகள் மட்டுமே பாக்கி. இருப்பினும், இந்த வீடுகளின் கதவுகளுக்குப் பூட்டுப் போடாத காரணத்தால், சமூக விரோதிகள், இவற்றை லாட்ஜ்போன்று பயன்படுத்தத் தொடங்கிவிட்டார்கள். கள்ளத் தொடர்பு வைத்திருப்பவர்களும் விபசாரத்தில் ஈடுபடுபவர்களும் இந்த வீடுகளைப் பயன்படுத்திக்கொள்கிறார்கள். குடிகாரர்களும் கூட்டமாக அமர்ந்து மது அருந்துகின்றனர். இவை எல்லாம் வெளிப்படையாக நடக்கும் தவறுகள். இவைதவிர கண்ணுக்குத் தெரியாமல் இன்னும் என்னென்ன நடக்கிறதோ தெரியவில்லை. இதை யாருமே கண்டுகொள்ளவில்லை என்பதுதான் வேதனை'' என்றார் கோபத்தோடு.

கள்ளக்குறிச்சி எம்.எல்.ஏ. அழகுவேலுவின் கவனத்துக்கு இந்த விவரங்களைக் கொண்டுசென்றோம். ''அப்படியா... உடனடியாக இது குறித்து விசாரிக்கிறேன்'' என்று ஒரே வரியில் பதில் அளித்தார்.

மாவட்ட ஆட்சியர் சம்பத்தை சந்தித்துப் பேசினோம். அவரும், ''அப்படியா... உடனடி யாக நடவடிக்கை எடுக்கச் சொல்கிறேன்'' என்றார்.

'கடந்த ஆட்சியில் தொடங்கப்பட்ட நலத் திட்டம் என்பதாலே யாரும் கண்டு கொள்ளவில்லை’ என்று ஆளும் கட்சியினரே வருத்தப்படுகிறார்கள்.

இனியாவது நல்லதே நடக்கட்டும்!

- அற்புதராஜ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு