Published:Updated:

மோதிக் கொள்ளும் பனியன் சங்கங்கள்!

திருப்பூர் தி.மு.க. திகுதிகு

பிரீமியம் ஸ்டோரி
##~##
மோதிக் கொள்ளும் பனியன் சங்கங்கள்!

'திருப்பூர் மாவட்ட தி.மு.க-வில் கோஷ்டி பூசல் உச்சக் கட்டத்தை எட்டி விட் டது. உடனே நடவடிக்கை எடுக்கவில்லை என்றால், வெடித்துச் சிதறிவிடும்’ - ஜூ.வி. ஆக்ஷன் செல்லில் (044-66808002) இப்படி ஒரு புலம்பல்!   

இந்த விவகாரம் குறித்து தி.மு.க-வின் முன்னாள் ஒன்றியச் செயலாளர் நாச்சி முத்துவை சந்தித்தோம். ''தொழில் நகரமான திருப்பூரில் உட்கட்சிப் பூசலால் தொழிலாளர் மத்தியில் கட் சிக்குப் பெரும் பின்னடைவு ஏற்பட்டு உள்ளது. இரண்டு வருடங்களுக்கு முன் மார்க்சிஸ்ட் கம்யூனிஸ்ட் கட்சி எம்.எல்.ஏ-வாக இருந்த கோவிந்தசாமி, 10 ஆயிரம் பேருடன் தி.மு.க-வில் இணைந்தார். அப்போது தொ.மு.ச. தலைமையின் அனுமதியுடன், 'பனியன் டையிங் பொது தொழிலாளர் முன்னேற்ற சங்கம்’ என்ற பெயரில் ஒரு சங்கத்தைத் தொடங்கினார். அதில் இருந்துதான் பிரச்னை ஆரம்பம் ஆனது.

ஏற்கெனவே தி.மு.க. சார்பில் ராமகிருஷ்ணன் தலைமையில், 'பனியன் தொழிலாளர் முன்னேற்ற சங்கம்’ பல ஆண்டுகளாகவே இயங்கி வருகிறது. அதனால், கோவிந்தசாமி புதிய சங்கம் ஆரம்பித்ததில் ராமகிருஷ்ணனுக்கு வருத்தம். அதனால் இருவரும் ஒருவரை ஒருவர் புறக்கணித்தனர்.  கடந்த மாதம் ராமகிருஷ்ணன் அணி சார்பாக நடந்த மே தின ஊர்வலம் மற்றும் பொதுக் கூட்டத்தில் கோவிந்தசாமி ஒதுக்கப்பட்டார். அதனால் கோவிந்த சாமி தனியாக ஒரு கொடியேற்று விழா நடத்தினார். இந்த

மோதிக் கொள்ளும் பனியன் சங்கங்கள்!

கோஷ்டி கானத் தால் தொழிலாளர்கள் அதிர்ச்சி அடைந்து நிற்கிறார்கள். இவர்களின் மோதலை தலைமை இனியும் கண்டுகொள்ளாமல் இருந்தால், கட்சிக்கு மிகுந்த பாதிப்பை ஏற்படுத்திவிடும். தலைமை வேகமாகச் செயல்பட்டு இரண்டு சங்கங்களையும் இணைத்து கட்சியை வலிமைப்படுத்த வேண்டும்!'' என்றார் அக்கறையோடு.

கோவிந்தசாமியிடம் பேசினோம். ''மே தினத்தில் அனைவரும் இணைந்து ஊர்வலம் நடத்த வேண்டும் என்று தலைமை கூறியது. அதனை அவர்தான் பின்பற்றவில்லை. கட்சித் தலைமை கட்டளை இட்டால் மகிழ்ச்சியாக இணைந்து செயல்படத் தயாராக இருக்கிறேன்'' என்றார்.

ராமகிருஷ்ணனிடம் பேசியபோது, ''அவர் தனியாக சங்கம் நடத்தும்போது, நான் எப்படி அவரை அழைக்க முடியும்? அவர் தி.மு.க-வில் இணைந்தபோது, ஏற்கெனவே தி.மு.க-வில் உள்ள சங்கத்தில் இணைந்து செயல்பட்டு இருக்க வேண்டும். ஆனால், தலைமையிடம் ஏதேதோ சொல்லி, தனியாக ஒரு சங்கம் துவங்கினார். அவர் சங்கம் ஆரம்பித்தபோதும் எங்களை அழைக்கவில்லை. தலைமை சொன்னால் இரண்டு சங்கங்களையும் இணைத்து செயல்பட நான் தயார்'' என்றார்.

தொ.மு.ச. மாநில பொதுச் செயலாளர் செ.குப்புசாமியிடம் பேசி னோம். 'அவர்கள் இருவரையும் அழைத்து பேச்சுவார்த்தை நடத்த உள்ளோம். இன்னும் ஒரு வாரத்தில் முடிவு எடுக்கப்படும்'' என்றார்.

மோதல் ஏற்படும் முன் நடவடிக்கை எடுத்தால் சரிதான்!

- ம.சபரி, படங்கள்: க.ரமேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு