Published:Updated:

எழுதியதால் தீர்ந்த இரண்டு பிரச்னைகள்!

தடுப்புச் சுவர்...

எழுதியதால் தீர்ந்த இரண்டு பிரச்னைகள்!

தடுப்புச் சுவர்...

Published:Updated:
##~##
எழுதியதால் தீர்ந்த இரண்டு பிரச்னைகள்!

மீபத்தில் ஜூ.வி-யில் வெளியான இரண்டு செய்திகளுக்கு அரசுத் தரப்பில் உடனடி நடவடிக்கை எடுக்கப்படவே, பாதிக்கப்பட்ட மக்களின் துயர் துடைக்கப்பட்டு இருக்கிறது.  திருச்சி மாவட்டம் துவாக்குடி பகுதியில் உள்ள குவாரி பள்ளங் களில் அடிக்கடி சிலர் விழுந்து உயிர் இழப்பது பற்றி 20.6.12 தேதியிட்ட ஜூ.வி. இதழில் 'உயிர் குடிக்கும் குவாரிகள்’ என்ற தலைப்பில் கட்டுரை வெளியிட்டு இருந்தோம். இதழ் வெளியான அன்றே  போர்க்கால நடவடிக் கையில் இறங்கினார் திருச்சி கலெக்டரான ஜெயஸ்ரீ முரளிதரன்.

ஒட்டுமொத்த விகடனுக்கும் ஒரே ஷார்ட்கட்!

எழுதியதால் தீர்ந்த இரண்டு பிரச்னைகள்!

முதல்கட்டமாக, 'எந்தவித தடுப்பு நடவடிக்கை களை மேற்கொள்வது?’ என்பது பற்றி ஆராய்ந்து அறிக்கை அளிக்கும்படி, குவாரி பள்ளங்கள் அமைந்துள்ள பகுதிகளுக்கு தாசில்தார் தலைமை யிலான வருவாய்த் துறை அதிகாரிகள் கொண்ட குழுவை அனுப்பி வைத்தார். அந்தக் குழு, அளித்த அறிக்கையின் பேரில், குவாரி பள்ளங்களைச் சுற்றி ஆறுஅடி உயரம் கொண்ட கான்கிரீட் தடுப்புச்சுவர் அமைக்க இரண்டு கோடி ரூபாய் மதிப்பில் ஒரு திட்டம் தீட்டியுள்ளது மாவட்ட நிர்வாகம்.

கலெக்டர் ஜெயஸ்ரீ முரளிதரனிடம் பேசினோம். ''அந்தப் பகுதிகளில் எச்சரிக்கைப் பலகை, கம்பி வேலி, குவாரி நுழைவுப் பகுதிகளில் தடுப்புச் சுவர் கட்டுவதுதான் முதல்கட்ட நடவடிக்கை. கான்கிரீட் சுவர் கட்டுவது நிரந்தரமான தடுப்பு நடவடிக்கை. அதற்கான திட்டமதிப்பீடு அதிகம் என்பதால் எம்.எல்.ஏ. தொகுதி மேம்பாட்டு நிதி, பொதுத் துறை நிறுவனமான பி.ஹெச்.இ.எல் மற்றும் சில நன்கொடையாளர்களின் உதவியுடன் இந்தப் பணியை செய்து முடிப்பேன்'' என்றார்.

 பாலம்...

கரூர் நகரையும் அதை ஒட்டியுள்ள பசுபதி பாளையத்தையும் இரண்டாக பிரிக்கிறது அமராவதி ஆறு. இந்த இரண்டு ஊர்களையும் இணைக்கும் விதமாக அமராவதி ஆற்றின் குறுக்கே பல ஆண்டுகளுக்கு

எழுதியதால் தீர்ந்த இரண்டு பிரச்னைகள்!

முன், ஒரு தரைப்பாலம் கட்டப்பட்டு, போக்குவரத்து நடைபெற்று வந்தது. 'அந்தப் பாலம் பழுதடைந்து வலு இழந்ததால், பாலத்தின் வழியே கனரக வாகனங்கள் செல்ல தடை விதிக்கப்பட்டு, வாகனஓட்டிகள் சுமார் ஐந்து கிலோ மீட்டர் தூரம் சுற்றிக்கொண்டு செல்ல வேண்டி இருக்கிறது’ என்ற அந்தப்பகுதி மக்களின் வேதனையை 'எப்போ வரும் பாலம்?’ என்ற தலைப்பில் 4.9.2011 தேதியிட்ட ஜூ.வி-யில் எழுதி இருந்தோம். இந்தச் செய்தி வெளியான உடனே, நான்கு லட்ச ரூபாய் செலவில் பாலம் பழுது பார்க்கப்பட்டது. இப்போது, அந்தப் பாலத்துக்கு பதிலாக புதிய பாலம் அமைக்க

எழுதியதால் தீர்ந்த இரண்டு பிரச்னைகள்!

12.5 கோடி  நிதி ஒதுக்கி, அறிவிப்பு வெளியிட்டு இருக் கிறார் முதல்வர் ஜெயலலிதா.

''புதிய பாலம் அமைந்தால் கரூர் நகரில் போக்குவரத்து நெரிசல் பெரிதும் குறையும். வாகன ஓட்டிகளுக்கு நேரமும் எரிபொருளும் மிச்ச மாகும். எங்களது பிரச்னையை முதல்வர் கவனத் துக்குக் கொண்டுச் சென்று தீர்த்து வைத்த ஜூ.வி-க்கு நன்றி!'' என்று மக்கள் மகிழ்ச்சியுடன் கடிதம் எழுதி இருக் கின்றனர்.

இது, நம் கடமை தானே!  

- அ.சாதிக் பாட்ஷா, ஞா.அண்ணாமலை ராஜா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism