Published:Updated:

40 கிராமங்களுக்கு ஒரு பஸ்!

ஆவுடையார் கோவில் ரோடு சிக்கல்

40 கிராமங்களுக்கு ஒரு பஸ்!

ஆவுடையார் கோவில் ரோடு சிக்கல்

Published:Updated:
##~##
40 கிராமங்களுக்கு ஒரு பஸ்!

'மண்ணு லாரி போனதால, எங்க ஊர் ரோடே நாசமாகிக் கிடக்கு. யாருகிட்ட கேட்டாலும் பதில் கிடைக்கலை. நீங்களாச்சும் இதுக்கு ஒரு முடிவு கட்டுங்களேன்’ - ஜூ.வி. ஆக்ஷன் செல்லுக்கு (044-66808002) புதுக்கோட்டை மாவட்டத்தில் இருந்து வேண்டுகோள். ஆவுடையார் கோவிலில் இருந்து கட்டுமாவடிச் செல்லும் சாலையைப் பற்றித்தான் இப்படி புலம்பி இருந்தார்கள்! 

ஒட்டுமொத்த விகடனுக்கும் ஒரே ஷார்ட்கட்!

பெருமருதூர் ஊராட்சித் தலைவரான ராமசாமி, ''ஆவுடையார்கோவில்ல இருந்து கட்டுமாவடி வரைக்குமான இந்தச் சாலை 25 கி.மீ. தூரம் இருக்கு. 15 பஞ்சாயத்துக்கு உட்பட்ட 40 கிராமங்கள் இந்தச் சாலையை ஒட்டி இருக்கு. 50 ஆயிரம் பேருக்கும் மேல இந்த ரோட்டுலதான் போய் வரணும். எங்க ஊர்களுக்கு மூணு அரசாங்க பஸ்கள் வந்துட்டு இருந்துச்சு. இந்த ரோட்டோட நிலை

40 கிராமங்களுக்கு ஒரு பஸ்!

மையைப் பார்த்துட்டு, இப்போ ஒரே ஒரு பஸ் மட்டும்தான் விடுறாங்க. அந்த ஒரே ஒரு பேருந்தும் திடீர்ன்னு ரிப்பேர் ஆயிட்டா, மக்களுக்கு நடராஜா(!) சர்வீஸ்தான்.

இந்த ஏரியாவுக்கே பெருமருதூர்ல மட்டும் தான் அரசு மருத்துவமனை இருக்கு. பெரிய கேஸ்னா அறந்தாங்கியோ, புதுக்கோட்டையோதான் போக ணும். யாருக்காவது ரொம்ப சீரியஸ்னா, இந்த ரோட்டுல போறதுக்கு பயந்துகிட்டு வாடகை கார் கூட வர மாட்டேங்குறாங்க. எல்லாத்துக்கும் காரணம் ரோட்டை ஒட்டி இருக்குற வெள்ளாறுல மணல் அள்ளுற லாரிகளோட அட்டகாசம்தான்'' என்று வேதனையில் வெடித்தார்.

மஞ்சுளா என்பவரோ, ''அதிகாரிங்க கிட்ட இந்த ரோட்டை சரி பண்ணி கொடுங்கன்னு கேட்டோம். 'அஞ்சு வருஷத்துக்கு ஒருமுறைதான் இந்த ரோட்டை சரி செய்ய முடியும். இன்னும் ரெண்டு வருஷம் காத்திருங்க’ன்னு கூலா சொல்றாங்க. இவ்வளவுக்கும் எங்க எம்.எல்.ஏ. ராஜநாயகம் இந்த ரோட்டு வழியாத்தான் போயாகணும். அவரையாச்சும் இந்த ரோட்டை போட்டுக் கொடுக்கச் சொல்லுங்க'' என்றார்.

40 கிராமங்களுக்கு ஒரு பஸ்!

கிராம மக்களின் வேண்டுகோளை, தொகுதி எம்.எல்.ஏ-வான ராஜநாய கத்திடம் (அ.தி.மு.க.) கூறினோம். ''நானும் இந்த ரோட்டுலதான் போயிட்டு வந்துட்டு இருக்கேன். இந்தப் பகுதி மக்களின் அவஸ்தை எனக்கு நன்றாகத் தெரியும். கடந்த தி.மு.க. ஆட்சியில் தரமில்லாத ரோட்டை போட்டு விட்டார்கள். அதனால்தான்  போட்ட ஒரே வாரத்தில் ரோடு டேமேஜ் ஆகிவிட்டது. இந்த மக்கள் படும் அவஸ்தையை மாண்புமிகு முதல்வர் அம்மாவிடம் எடுத்துச் சொல்லி இருக்கிறேன். சாலையை சீரமைத்துத் தருவதாகச் சொல்லி இருக்கிறார்கள். எனவே, இன்னும் இரண்டே மாதங்களில் இங்கு புதிய சாலை அமைக்கப்படும்'' என்று உறுதி அளித்தார்.

சொல்வதைச் செய்தால் நல்லது!

- வீ.மாணிக்கவாசகம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism