Published:Updated:

கொங்குச் சீமையை சீண்டாதீர்கள்

கேரளத்துக்கு எதிராக சீறிய வைகோ!

கொங்குச் சீமையை சீண்டாதீர்கள்

கேரளத்துக்கு எதிராக சீறிய வைகோ!

Published:Updated:
##~##
கொங்குச் சீமையை சீண்டாதீர்கள்

முல்லை பெரியாறு பிரச்னையில், மக்கள் போராட்டம் மூலம் கேரளத்தை அதிர வைத்த வைகோ, அடுத்த போராட்டத்தில் தீவிரமாக களம் இறங்கி விட்டார். 

ஒட்டுமொத்த விகடனுக்கும் ஒரே ஷார்ட்கட்!

அமராவதி ஆற்றின் நீர்ஆதாரமான பாம் பாற்றின் குறுக்கே 440 மீட்டருக்கு

கொங்குச் சீமையை சீண்டாதீர்கள்

460 கோடியில் அணை கட்ட கேரள அரசு திட்டமிட்டு ஆய்வு நடத்தி உள்ளது. இந்த அணை கட்டப் பட்டால் கோவை, திருப்பூர், ஈரோடு பாசன விவசாயி கள் மற்றும் பொதுமக்கள் கடும் பாதிப்புக்கு உள்ளாவார்கள். பவானிசாகர் அணைக்கு வரும் நீரும் தடுக்கப்படுவதால், கீழ்பவானி பாசனத்தைச் சேர்ந்த 2.10 லட்சம் ஏக்கர், காலிங்கராயன் பாசனத்தை பெறும் 12 ஆயிரம் ஏக்கர், அரக்கன்கோட்டை பாசனத்தைச் சேர்ந்த 18 ஆயிரம் ஏக்கர் விளைநிலங்கள் தரிசு ஆகி விடும். மூன்று மாவட்டங்களைச் சேர்ந்த 524 கிராமங்கள் மட்டுமின்றி கோவை மாநகரும் குடிநீர்ஆதாரத்தை இழக்க நேரிடும்.

கொங்குச் சீமையை சீண்டாதீர்கள்

இந்த விவகாரத்தில், கேரள அரசைக் கண்டித்து திருப்பூரில் நடந்த செயல் வீரர்கள் கூட்டத்தில் பேசிய வைகோ, ''தமிழகம் இப்போது மிகக்கடும் சோதனையான காலத்தில் இருக்கிறது. தமிழகத்தின் வாழ்வாதாரங்களை அழிக்க பக்கத்து மாநிலங்கள் தீவிரமாக இயங்கி வருகின்றன. முல்லை பெரியாறில் வால்ஆட்டிய கேரள அரசு, இப்போது கொங்குச் சீமையின் நீர்ஆதாரத்தை அழிக்க நினைக்கிறது. கேரள மக்களுக்கு ஒன்றைச் சொல்லிக் கொள்கிறோம். 'எங்களுக்குக் கேடு செய்கிறோம் என்று நினைத்து... உங்களுக்குக் கேடு ஏற்படுத்திக் கொள்ளாதீர்கள். எப்போதும் அமைதியாக இருக்கும் கொங்குச் சீமையைச் சீறி எழ வைத்து விடாதீர்கள்’. எங்கள் மாநிலத்தின் வழியாக வரும் தண்ணீரைத் தேக்குவதற்குத்தான் அணை கட்டுகிறோம் என்று நியாயம் பேசுகிறது கேரளம். ஒரு தேசத்தில் இருந்து அடுத்த தேசத்துக்குச் செல்லும் தண்ணீரைத் தடுக்கவே உரிமை கிடையாது. அப்படி இருக்கும்போது, ஒரு மாநிலத்தில் இருந்து பக்கத்து மாநிலத்துக்குச் செல்லும் தண்ணீரைத் தடுக்க யாருக்கும் உரிமை இல்லை. கேரள அரசின் கள்ளத்தனத்துக்கு மத்தியஅரசும் துணை போகிறது. இது தொடர்ந்தால் இந்தியாவின் ஒருமைப்பாடு உடைந்து போகும். 100-வது சுதந்திரத்தை இந்தியா கொண்டாடும் போது இந்தியாவில் பல மாநிலங்கள் இருக்காது. அப்படி ஒரு நிலைமை ஏற்படாமல் தடுக்க வேண்டும் என்றால், மத்திய அரசின் சுற்றுச்சூழல் துறை, கேரள அரசுக்கு அணை கட்ட அனுமதி அளிக்கக் கூடாது. மாநிலங் களுக்கு இடையே ஓடும் அனைத்து நதிகளையும் தேசிய மயமாக்க வேண்டும்'' என்று வேண்டுகோள் வைத்தார்.

பாதிக்கப்படும் கிராமங்களை இணைக்கும் வண்ணம்,  அமராவதி தொடங்கி கரூர், சின்ன தாராபுரம் வரையிலான 120 கிலோ மீட்டர் பிரசாரப் பயணம் மேற்கொண்டார் வைகோ. அடுத்தடுத்த போராட்டங்களால் உஷ்ணத்தில் தவிக்கிறது கொங்குநாடு.

- ம.சபரி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism