Published:Updated:

நான் விவசாயி... ராமகிருஷ்ணன் வியாபாரி

கொந்தளிக்கும் கொளத்தூர் மணி

நான் விவசாயி... ராமகிருஷ்ணன் வியாபாரி

கொந்தளிக்கும் கொளத்தூர் மணி

Published:Updated:
##~##
நான் விவசாயி... ராமகிருஷ்ணன் வியாபாரி

பெரியார் திராவிடர் கழகத்தில் கொளத்தூர் மணிக்கும் கோவை ராமகிருஷ்ணனுக்கும் கருத்து வேறுபாடு ஏற்பட்டு இருவரும் முட்டிமோதினர். அதனால், பெரியார் திராவிடர் கழகத்தில் இருந்து வெளியேறினார் கொளத்தூர் மணி. அடுத்தகட்ட நடவடிக்கையை முடிவு செய்வதற்காக கடந்த 12-ம் தேதி ஈரோட்டில் கொளத்தூர் மணி தலைமையில் அவரது ஆதரவாளர்கள் கூடினர்.  அதில், 'திராவிடர் விடுதலைக் கழகம்’ என்ற புதிய அமைப்பைத் தொடங்கி விட்டார் கொளத்தூர் மணி. 

ஒட்டுமொத்த விகடனுக்கும் ஒரே ஷார்ட்கட்!

இந்தக் கூட்டத்தில், ராமகிருஷ்ணனைத்தான் அதிகமாக விமர்சித்தனர். முதலில் பேசிய விடுதலை ராஜேந்திரன், ''நாம் செய்யும் எல்லா வேலைகளையும் கோவை ராமகிருஷ்ணன் குறை சொல்லிட்டே இருந்தார். தனி ஆவர்த்தனம் நடத்தினார். அதனால் இனியும் அவருடன் இணைந்து செயல்பட முடியாது என்ற நிலை ஏற்பட்டது. அப்போதும் தலைவர் மணி, நாகரிகமாகப் பிரிஞ்சுடலாம்னு ராமகிருஷ்ணனிடம் பேசினார். 'வீர மணியை எதிர்த்துப் பேசக்கூடாது’ என்று தலைவர் மணிக்குக் கட்டளை போடுகிறார் ராமகிருஷ்ணன். பெரியாரின் சொத்துக்கள் வீரமணி வசம் சென்றபோது, பெரியார் கொள்கைதான் நமக்கு வேண்டும்... சொத்து தேவை இல்லை என்று தெளிவாகவே சொன்னோம். ஆனால் ராமகிருஷ்ணன், பெரியார் சொத்தை வீரமணி எடுத்துச் செல்கிறார் என்று போராட்டம் நடத்தினார். எங்களுக்கு எப்போதும் கொள்கைதான் முக்கியம். தளியைச் சேர்ந்த தோழர் பழனி கொலையில், கொளத்தூர் மணி கொலையாளிகளிடம் இருந்து 10 கோடி ரூபாய் வாங்கிட்டாருன்னு ராம கிருஷ்ணன் அணியைச் சார்ந்த தமிழரசன் என்பவர் எல்லோருக்கும் குறுஞ்செய்தி அனுப்பினார். அந்தத் தமிழரசன் மீது நடவடிக்கை எடுக்கணும்னு நாங்க சொன்னோம். ராமகிருஷ்ணன் முடியாதுன்னு சொல்லிட்டார். அப்படிப்பட்டவர்கூட எப்படிங்க தொடர்ந்து இருக்க முடியும்?'' என்று கொந்தளித்து அமர்ந்தார்.

நான் விவசாயி... ராமகிருஷ்ணன் வியாபாரி

மற்ற சில நிர்வாகிகள் பேசிய பிறகு கொளத்தூர் மணி பேச ஆரம்பித்தார். ''ராஜேந்திரன் பேசிய

நான் விவசாயி... ராமகிருஷ்ணன் வியாபாரி

செய்திகளை தோழர்கள் ஆராய்ந்து பார்க்க வேண்டும். தலைமைச் செயற்குழுவில் நான், ராமகிருஷ்ணன் மீது கடுமையான குற்றச்சாட்டுகளை வைத்தாகச் சொன்னார்கள். எனக்கு மனதில் என்ன பட்டதோ அதை வெளிப்படையாகப் பேசுவேன். எதையும் மறைத்துப் பேச எனக்குத் தெரியாது. ஏனென்றால் நான் விவசாயி.

ஆனால் ராமகிருஷ்ணன் ஒரு வியாபாரி. முத்துக் குமாருக்கு எதற்கு நினைவேந்தல் கூட்டம் நடத்த வேண்டும்? அவர் என்ன பெரியாரிஸ்ட்டா? என்று நான் கேட்டதாகக் கூறுகிறார். அவர் செய்தியைத் திரிக்கிறார். முல்லை பெரியாறு போராட்டத்தில் நம் கழகத்தைச் சார்ந்த மாணவர்கள் மலையாளிகளின் கடையை அடைக்கச் சொல்லிப் போராட்டம் நடத்தினர். அந்தப் போராட்டத்துக்குள் புகுந்த, 'நாம் தமிழர்’ கட்சியினர் மலையாளிகள் கடைகளின் மீது கற்களை வீசினர். அதனால், போராட்டத்தில் ஈடுபட்டிருந்த நம் இயக்க மாணவர்களை போலீஸ் கைது செய்தது. அப்போது 22 மாணவர்களை ஜாமீன் எடுக்க இரண்டே கால் லட்சம் பணம் தேவைப்பட்டது. இயக்கத்தின் வழக்கு நிதியாக ராமகிருஷ்ணனிடம் ஒன்றரை லட்சம் இருந்தது. அதைக் கேட்டதற்கு, தான் நடத்தி வரும் கடையில் அந்தப் பணத்தைப் போட்டுவிட்டதாகச் சொல்லி விட்டார். ராமகிருஷ்ணனுக்கு 50 கோடி சொத்து இருக்கிறது. அவருக்கு இது ஒரு பணமே கிடையாது. ஆனாலும், அவர் கொடுக்கவே முடியாதுன்னு மறுத்து விட்டார்.

1,200 சாதி மறுப்புக் கல்யாணம் செஞ்சு வச்சதா சொல்லிக்கிட்டு இருக்கிறார். காதலித்து வீட்டுக்குத் தெரியாம ஓடி வர்றவங்களைத்தான், கூட்டிட்டுப் போய் திருமணத்தைப் பதிவு செய்து வைத்திருக்கிறார். இப்படிக் கணக்குப் பார்த்தால் சப் ரிஜிஸ்தரார்தான் அதிக எண்ணிக்கையில் திருமணம் நடத்தி வைத் தவர்.

ராமகிருஷ்ணன் நடத்தி வைத்த ஒரு சாதி மறுப்புத் திருமணம் இப்போது நீதிமன்றத்தில் இருக்கு. அந்தப் பெண் பெயர் ரம்யா. அந்தப் பெண்ணோட விருப்பம் இல்லாமலேயே கல்யாணத்தை நடத்தி வைத்து விட்டார். இனியும் நாம் அவரைப் பத்தி பேசுவது நல்லா இருக்காது. நம் புதிய இயக்கத்துக்கு, 'திராவிடர் விடுதலைக் கழகம்’ என்று பெயர் சூட்டுகிறோம். இனி நம் பணியை எந்த இடையூறும் இல்லாமல் எப்போதும்போல் தொடர்வோம்'' என்று நம்பிக்கையுடன் முடித்தார்.

இதுதொடர்பாக கோவை ராமகிருஷ்ணனிடம் பேசினோம்.''ராணுவ வண்டி அடித்து நொறுக்கப் பட்ட வழக்கு விரைவில் விசாரணைக்கு வர இருக்கிறது. அந்த வழக்குக்காகப் பணம் தேவைப் படுகிறது. அதுவும் இல்லாமல் புதிதாக இயக்கத்தில் இணைந்த 12 வயது சிறுவர்கள்தான், எங்களிடம் அனுமதியே பெறாமல் போராட்டம் நடத்திக் கைதாகி இருக்கிறார்கள். ஆனாலும், நாங்கள் கடன் வாங்கி  அவர்களை ஜாமீனில் எடுத்தோம். என்கிட்ட 50 கோடி ரூபாய் சொத்து இருப்பது உண்மைதான். அது எங்களோட பரம்​பரைச் சொத்து. இயக்கத்துக்கும் அந்தச் சொத்துக்கும் எந்த சம்பந்தமும் கிடையாது. சாதிமறுப்பு பற்றி பேசுற கொளத்தூர் மணியோட ஊர்ல போய் விசாரிச்சு பாருங்க. அவரைப் பற்றி தெரியும்'' என்று சூடானார்.

- ம.சபரி, படங்கள்: க.ரமேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism