Published:Updated:

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

Published:Updated:
கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

''எங்கள் தொகுதியில் தி.மு.க ஆட்சியில் கொண்டுவந்த திட்டங்களும் நிறைவேற்றப்படவில்லை; அ.தி.மு.க ஆட¢சியில் புதிதாக எந்தத் திட்டங்களும் கொண்டுவரப்படவில்லை'' - இப்படி புலம்பிக்கொண்டிருப்பவர்கள் முன்னாள் முதல்வர் கருணாநிதியின் திருவாரூர் தொகுதி மக்கள்.

திருவாரூர் மாவட்ட தி.மு.க இளைஞர் அணியின் துணை அமைப்பாளர் ரஜினி ஜின்னா, ''இந்தத் தொகுதியின் சட்டமன்ற உறுப்பினர் என்கிற முறையில் தலைவர் பெயரைப் போட வேண்டும் என்பதற்காக, அரசு நிகழ்ச்சிகள் அனைத்தையும்  அழைப்பிதழ்கள் அச்சிடாமலேயே நடத்துகின்றனர். கடந்த தி.மு.க ஆட்சியில் புதிய பேருந்து நிலையம் அமைப்பதற்கு இடம் தேர்வுசெய்யப்பட்டு ந¤தியும் ஒதுக்கப்பட்டது. ஆனால், அந்தப் பேருந்து நிலையத்தின் கட்டமைப்புப் பணிகள் இன்னும் 20 சதவிகிதத்தைக்கூட எட்டவில்லை. திருவாரூரைச் சுற்றி ரிங் ரோடு அமைக்க இடம் கையகப்படுத்தி, நிதியும் ஒதுக்கப்பட்டது.பணிகள் தொடங்கப்படவில்லை.  

ஒட்டுமொத்த விகடனுக்கும் ஒரே ஷார்ட்கட்!

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

மிகப்பெரிய உணவுக் கிடங்கு திருவாரூரில் இருக்கிறது. உணவுத் துறை அமைச்சராக இருக்கும் இந்த மாவட்டத்தைச் சேர்ந்த காமராஜ், ஒருமுறையாவது உணவுக் கிடங்கை போய் பார்த்திருப்பாரா? ஏனென்றால், அது தி.மு.க ஆட்சிக் காலத்தில் கொண்டுவரப்பட்டது. கொரடாச்சேரி அருகேயுள்ள கமுககுடி அபிவிருத்திப் பாலம் கட்ட எம்.பி கனிமொழியின் தொகுதி மேம்பாட்டு நிதியில் இருந்து பணம் ஒதுக்கப்பட்டது. நிதி ஒதுக்கியும் பாலத்தின் பணிகள் தொடங்கப்படாததால், அந்தப் பாலத்தின் அருகே எம்.பி உண்ணாவிரதம் இருந்தார்கள். ஒரு மாதத்தில் பாலத்தின் வேலைகளைத் தொடங்கிவிடுவோம் என்று வாக்குறுதி அளித்தார்கள் அதிகாரிகள். இதுவரை  தொடங்கவில்லை. திருவாரூரில் 2010-ல் உள்விளையாட்டு அரங்கம் கட்டி முடிக்கப்பட்ட நிலையில், பூட்டியே கிடக்கிறது. மின்சார சுடுகாடு கட்டி முடிக்கப்பட்ட நிலையில் திறக்கப்படாமல் இருக்கிறது. கடந்த இரண்டு ஆண்டுகளுக்கு நடைபெற்ற பட்ஜெட் கூட்டத்தில் மனுநீதி சோழனுக்கு மணிமண்டபம் கட்டுவதாகச் சொன்னார்கள். கட்டுவதற்கான எந்த முகாந்திரமும் இல்லை'' என்றார்.

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

தி.மு.க நகராட்சி கவுன்சிலர் அசோகன், ''இது கலைஞர் தொகுதி என¢பதாலே திட்டங்கள் முடக்கப்படுகின்றன. தி.மு.க ஆட்சியில்தான் திருவாரூர் ஆழித் தேரை சரிசெய்வதற்கு 2 கோடி நிதி ஒதுக்கப்பட்டது. அ.தி.மு.க ஆட்சிக்கு வந்ததும் அந்தப் பணி மந்தமாக நடைபெற்று வருகிறது.

கருணாநிதிக்கு வாக்களித்ததால் ஒதுக்கப்படுகிறதா திருவாரூர்?

அதனால், புகழ்பெற்ற தியாகராஜர் ஆழித் தேரோட்டம் வீதியுலா வந்து நான¢கு வருடங்கள் ஆக¤விட்டன. கும்பாபிஷேகத்துக்காக கடந்த தி.மு.க ஆட்சியில்தான் 10 கோடி ரூபாய் ஒதுக்கப்பட்டது. கோயில் திருப்பணிகள் முழுமை பெறாமல் மந்தமாக நடைபெற்று வருவதால், கும்பாபிஷேகம் நடைபெறவில்லை.

தி.மு.க ஆட்சிக் காலத்தில் கட்டப்பட்ட அரசு அலுவலகங்கள் திறக்கப்படாமல் பூட்டியே கிடக்கின்றன. தி.மு.க எம்.பி-யான ஏ.கே.எஸ்.விஜயன், கடந்த சட்டமன்றத் தேர்தலுக்கு முன்பு பல்வேறு பணிகளுக்காக நிதிகளை ஒதுக்கினார். அவை பயன்படுத்தப்படவில்லை. தி.மு.க ஆட்சிக் காலத்தில் தவிடு தொழிற்சாலை தொடங்கப்பட்டு செயல்பட்ட நிலையில், அ.தி.மு.க ஆட்சிக்கு வந்ததும் இழுத்து மூடப்பட்டுவிட்டது. இப்போது மீண்டும் தவிட்டு எண்ணெய் தொழிற்சாலை அமைப்பதற்கு 16 கோடி ரூபாய் ஒதுக்கியுள்ளது ஜெயலலிதா அரசு. சென்ற ஆண்டு நடைபெற்ற பட்ஜெட் கூட்டத்தில் திருவாரூர் கமலாலயம் குளம் தூர்வாரப்படும் என¢று அறிவித்தார்கள். குளம் தூர்வாரப்படவே இல்லை'' என்று கோபத்தில் வெடித்தார்.

அமைச்சர் காமராஜிடம் பேசினோம். ''கருணாநிதி சட்டமன்றத்துக்கு வந்து தொகுதி மக்களுக்கு இதுவரை ஏதாவது கேட்டிருக்கிறாரா? அப்புறம் எப்படி கருணாநிதி தொகுதியை நாங்கள் புறக்கணிக்கிறோம் என்று சொல்கிறார்கள். 234 தொகுதியையும் முதல்வர் ஒரே மாதிரியாகத்தான் பார்க்கிறார்கள். அது ஜனநாயகக் கடமை. ஆசியாவிலே புகழ்பெற்ற ஆழித் தேர் அம்மாவின் ஆட்சியில்தான் ஓடப்போகிறது. அரசு விழாக்களில் அவருடைய (கருணாநிதி) பெயரைப் போட்டுத்தான் அச்சடிக்கிறோம். மனுநீதி சோழனுக்கு மணிமண்டபம் கட்டுவதற்காக இடம் தேர்வு செய்யப்பட்டுள்ளது. அதற்கான பணிகள் தொடங்கப்படும்'' என¢றார்.

மொத்தத்தில் பொதுமக்கள்தான் பாவம்!  

- ஏ.ராம்

படங்கள்: கே.குணசீலன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism