Published:Updated:

ஊழல்... முறைகேடு... போலி ஆவணங்கள்!

இது சேலம் 'பஞ்சாயத்து'!

ஊழல்... முறைகேடு... போலி ஆவணங்கள்!

இது சேலம் 'பஞ்சாயத்து'!

Published:Updated:
ஊழல்... முறைகேடு... போலி ஆவணங்கள்!

அரசாங்கம் செயல்படுத்தும் திட்டங்களை அடித்தட்டு மக்கள் வரை கொண்டு சேர்ப்பதற்காகத்தான் உள்ளாட்சி அமைப்புகள். அந்த அமைப்புகளில் பதவிகளில் உள்ள சிலர் சுயலாபத்துக்காக பணத்தைச் சுரண்டி மக்கள் திட்டங்களைக் கேள்விக்குறியாக ஆக்குகிறார்கள்.

செய்யாத வேலையை செய்ததாகச் சொல்லி அரசாங்கத்திடமிருந்து பணம்பெற்றது..., போலி கான்ட்ராக்டர்களாக செயல்பட்டது... எனப் பல குற்றச்சாட்டுகள் சேலம் மாவட்டம் தேக்கம்பட்டி

ஒட்டுமொத்த விகடனுக்கும் ஒரே ஷார்ட்கட்!

பஞ்சாயத்துத் தலைவர் சின்னபாப்பா பெரியசாமியின் மீது சொல்லப்பட, இப்போது அந்தப் பஞ்சாயத்தின் வங்கிக் கணக்கு முடக்கப்பட்டுள்ளது. தி.மு.க-வைச் சேர்ந்த பஞ்சாயத்துத் தலைவரின் செயல்பாடுகள் பிடிக்காமல் அதே கட்சியைச் சேர்ந்த வார்டு உறுப்பினர்கள் சிலரே முறைகேடுகளை வெளிக்கொண்டு வந்துள்ளனர்.

ஊழல்... முறைகேடு... போலி ஆவணங்கள்!

இது தொடர்பாக பேசிய தேக்கம்பட்டி 4-வது வார்டு உறுப்பினரும் தி.மு.க-வைச் சேர்ந்தவருமான ஜெயபிரகாஷ், ''மொத்தம் 10-க்கும் மேற்பட்ட குக்கிராமங்கள் இருக்கும் இந்தப் பஞ்சாயத்தில், பெரியசாமி வைத்ததுதான் சட்டம். பெரியசாமியின் மனைவி சின்னபாப்பா பெயரளவில்தான் பஞ்சாயத்துத் தலைவர். ஆனால், எல்லாமே பெரியசாமிதான், மொத்தமிருக்கும் 15 வார்டு உறுப்பினர்களில் 8 வார்டு உறுப்பினர்களைத் தன்பக்கம் இழுத்துக்கொண்டு ஊருக்கு வரும் எந்தத் திட்டங்களையும் நிறைவேற்றுவது கிடையாது, தாய்த்திட்டத்தில் மொத்தம் ரூ.32 லட்சத்துக்கான பணிகள் எங்க

பஞ்சாயத்துக்கு ஒதுக்கப்பட்டது. ஆனால், இவர்கள் அந்தப் பணத்தைச் சுருட்டுவதற்காக ஏற்கெனவே இருந்த போர்வெல், கழிவறைகளை இப்போது கட்டியது போல கணக்குக் காட்டியிருக்கிறார்கள். அப்புறம் தாய்த்திட்டத்தின்படி ஊத்தோடையில கட்ட வேண்டிய மேல்நிலை நீர்த்தொட்டியை மனைவிற்பனை

ஊழல்... முறைகேடு... போலி ஆவணங்கள்!

பிரிவுக்காக காந்திநகரில் கட்டியிருக்கிறார்கள். அதில்கூட தொட்டியை மட்டும் கட்டிவிட்டு பழைய போர்வெல்லை வைத்து கணக்குக் காட்டியிருக்கிறார்கள். அதுமட்டுமல்ல, இவ்வளவு நாட்கள் இந்த ஊரில் நடந்த கான்ட்ராக்ட் பணிகள் அனைத்தும் சிவக்குமார் என்பவரின் பெயரில் செய்யப்பட்டிருக்கிறது. ஆனால், சிவக்குமார் 2009-க்குப் பிறகு தன்னுடைய கான்ட்ராக்டர் லைசென்ஸைப் புதுப்பிக்கவில்லை, அதோடு அவர் இப்போது இந்த ஊரிலேயே இல்லை. சிவக்குமார் தன்னுடைய கான்ட்ராக்ட் லைசென்ஸுக்காக டிப்ளமோ சர்டிஃபிகேட்டைத்தான் சமர்ப்பித்திருக்கிறார். சட்டப்படி அவர் பெயரில் கொடுத்தால்கூட ரூ.50 ஆயிரத்துக்கும் அதிகமான பணிகளைக் கொடுக்க முடியாது. அதுகூட தெரியாமல் தங்களது அதிகாரத்தைப் பயன்படுத்தி அவர் பெயரில் பல லட்ச ரூபாய்க்கு கான்ட்ராக்ட் விடப்பட்டிருக்கிறது. இந்த விஷயம் சிவக்குமாருக்கு தெரியவரவும் எனது பெயரைப் பயன்படுத்தி மோசடி நடந்துள்ளதாக  வட்டார வளர்ச்சி அலுவலரான பொன்னப்பனிடம் புகார் கொடுத்திருக்கிறார். அடுத்து, கலெக்டரிடம் புகார் கொடுத்த பிறகுதான் பஞ்சாயத்தின் வங்கிக் கணக்கை முடக்கியிருக்கிறார்கள். அதுமட்டும் போதாது தீர விசாரித்து முறையான நடவடிக்கை எடுக்கவேண்டும்'' என்றார்.

அடுத்து பேசிய இன்னொரு வார்டு உறுப்பினரும் தி.மு.க-வைச் சேர்ந்தவருமான சுரேஷ்குமார், ''அரசு பணிகளுக்கான காசோலைகள் யார் யாருக்கு எந்த முறையில் தரப்பட்டிருக்கிறது என்பதை விசாரித்தாலே, பல உண்மைகள் தெரியவரும். பஞ்சாயத்துக்குத் தேவையான பொருட்கள் வாங்கியதாக பில் வைத்திருக்கும் ஒரு கடை மூடப்பட்டு மூன்று வருடங்கள் ஆகிறது. இன்னொரு கடையில் கடந்த ஆண்டு நடந்த மொத்த விற்பனைத்தொகை எவ்வளவோ, அதற்கு சரிசமமாக அந்தக் கடையில் பொருட்கள் வாங்கியதாகக் கணக்குக் காட்டியிருக்கிறார்கள். அவர்களை எதிர்க்கும் உறுப்பினர்களை மிரட்டி கட்டபஞ்சாயத்து பண்ணுகிறார். சில தீர்மானங்களை நாங்கள் எதிர்த்தால், எங்களது கையெழுத்தை அவர்களே போட்டுக்கொண்டு தீர்மானங்கள் நிறைவேற்றப்பட்டதாகச் சொல்லி வேலையை ஆரம்பித்துவிடுகிறார்கள். தாய்த் திட்டத்துக்கு இவர்கள் முறையாக வேலை செய்யவே இல்லை. இதை உடனடியாக ஆய்வு நடத்தி தவறு செய்தவர்களை தண்டிக்க வேண்டும்'' என்றார்.

ஊராட்சிமன்றத் தலைவர் சின்னபாப்பாவை தொடர்பு கொண்டபோது,  அவரது கணவர் பெரியசாமிதான் நம்மிடம் பேசினார். ''இப்போது எங்கள் மீது புகார் சொல்லும் உறுப்பினர்களும் முன்பு அதே சிவக்குமார் பெயரில் வேலைசெய்திருக்கிறார்கள். இப்போது அவர்களுக்கு கான்ட்ராக்ட் கிடைக்கவில்லையென்பதற்காக அதையெல்லாம் மறைத்துவிட்டு என் மீது பழி சுமத்துகிறார்கள், யாரோ கான்ட்ராக்ட் எடுக்கிறார்கள் அதிகாரிகள் எல்லாம் கையெழுத்திட்ட பிறகுதான் ஃபைல் எனக்கு வரும். அதிகாரிகள் எல்லாம் கையெழுத்திட்டதால்தான், நானும் கையெழுத்துப் போட்டேன். எனக்கும் இதற்கும் சம்பந்தம் கிடையாது'' என்றார்.

இது தொடர்பாக வட்டார வளர்ச்சி அலுவலர் பொன்னப்பனிடம் பேசினோம், ''தவறு நடந்திருப்பது உண்மைதான், எவ்வளவு ஊழல் நடந்திருக்கிறது என்பதைக் கணக்கிட்டு கலெக்டருக்கு அறிக்கை அளித்துள்ளோம் நடவடிக்கை எடுக்கப்பட்டு வருகிறது'' என்றார்.

ஒரு பஞ்சாயத்துக்குள்ள இவ்வளவு

'பஞ்சாயத்தா’?

-  எம்.புண்ணியமூர்த்தி

படங்கள்: எம்.விஜயகுமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism