Published:Updated:

செவி கொடுப்போம்!

செவி கொடுப்போம்!
பிரீமியம் ஸ்டோரி
செவி கொடுப்போம்!

அ.சையது அபுதாஹிர்

செவி கொடுப்போம்!

அ.சையது அபுதாஹிர்

Published:Updated:
செவி கொடுப்போம்!
பிரீமியம் ஸ்டோரி
செவி கொடுப்போம்!

பிறவியிலேயே செவித்திறனும் பேசும் திறனுமின்றி  குழந்தைகள் பிறப்பதில் இந்தியாவிலேயே தமிழகம் முதலிடத்தில் உள்ளது.தமிழகத்தில்  பிறக்கும் ஆயிரம் குழந்தைகளில் ஆறு குழந்தைகளுக்கு  இந்தக் குறைபாடு இருப்பதாக ஆய்வில் தெரியவந்துள்ளது. இதைக் களைவதற்காக 2013ல்  ஜெயலலிதா அரசு மருத்துவக் காப்பீட்டில் காப்ளியர் இம்ப்ளண்ட் சிகிச்சையும் அளிக்கப்படும் என்று அறிவித்தார்.

இப்போது அடுத்த கட்டமாக அறுவை  சிகிச்சைக்குப் பிறகு, பேச்சுப்பயிற்சியும் ஓராண்டுக்கு இலவசமாக வழங்கப்படுகிறது. மேலும் அறுவை  சிகிச்சை செய்த குழந்தைகளுக்குக் காதில் பொருத்தப்பட்ட கருவிகள் பழுதடைந்தால், அதையும் அரசின் செலவிலேயே மாற்றித்தர தமிழக சுகாதாரத் துறை 1.81 கோடி ரூபாய் ஒதுக்கீடு செய்தது.

செவி கொடுப்போம்!

இந்தத் திட்டம் குறித்து நம்மிடம் பேசிய அமைச்சர் விஜயபாஸ்கர் “சமீபத்தில் கிருஷ்ணகிரி மாவட்டத்தில் சுற்றுப்பயணம் சென்றபோது, டீக்கடை ஒன்றில் டீ சாப்பிடச் சென்றோம். அந்தக் கடையில் இருந்த குழந்தைக்கு இந்த சிகிச்சை மேற்கொள்ளப்பட்டதை அறிந்தேன். ஆனால், அதனால் பேச முடியவில்லை. காரணம் கேட்டபோது முன்பு பொருத்தப்பட்ட மிஷின் ரிப்பேர் ஆகிவிட்டது, வாங்க வசதியில்லை என்று கடைக்காரர் சொன்னார். அதன்பிறகுதான் அறுவை சிகிச்சை  செய்த குழந்தைகளுக்குக் கருவிகளை மாற்றும் திட்டம் உருவாகி நிதியும் ஒதுக்கப்பட்டது.தனியார் மருத்துவமனையில் லட்சக்கணக்கில் இந்தச் சிகிச்சைக்குக் கட்டணம் வசூலிக்கப்படுகிறது. அதை அரசே இலவசமாக செய்துகொடுத்து, பேச்சுப் பயிற்சியும் கொடுக்கிறோம். இன்னும் பல கிராமங்களில் இந்த சிகிச்சை பற்றிய விழிப்பு உணர்வு இல்லாமல் இருப்பதால்,  கிராமம்தோறும் விழிப்புஉணர்வை ஏற்படுத்த தனிக்குழு உருவாக்கப்பட்டுள்ளது” என்கிறார் புன்னகையோடு.

ஆனால், மூன்று வயதுக்குள் இந்த அறுவை  சிகிச்சை மேற்கொள்ளப்பட்டால்தான் நூறு சதவிகித வெற்றி உறுதியாம்.

ஒட்டுமொத்த விகடனுக்கும் ஒரே ஷார்ட்கட்!