Published:Updated:

தனியார் மருத்துவர்களைப் பயன்படுத்திக்கொள்ளுமா அரசு?

கொரோனா சிகிச்சை...
பிரீமியம் ஸ்டோரி
கொரோனா சிகிச்சை...

கொரோனா சிகிச்சை...

தனியார் மருத்துவர்களைப் பயன்படுத்திக்கொள்ளுமா அரசு?

கொரோனா சிகிச்சை...

Published:Updated:
கொரோனா சிகிச்சை...
பிரீமியம் ஸ்டோரி
கொரோனா சிகிச்சை...
கொரோனோவுக்கு எதிரான போரில் அரசு மருத்துவர்கள் இரவுபகல் பாராமல் உழைத்துக்கொண்டிருக்கின்றனர். அவர்களின் பணிச்சுமையைக் குறைக்கும் வகையில், அரசு மருத்துவமனைகளில் பணியாற்ற தனியார் மருத்துவர்களையும் அழைக்க வேண்டும் என்ற கோரிக்கை, தற்போது வலுத்துவருகிறது.

கொரோனா வைரஸ் தொற்று தமிழகத்துக்குள் பரவத் தொடங்கியதும் தமிழகத்தில் உள்ள 21 அரசு மருத்துவக் கல்லூரி மருத்துவமனை களிலும் கொரோனாவுக்கு எனப் பிரத்யேக வார்டுகளை அமைத்தது தமிழக அரசு. பல்வேறு மாவட்டங்களுக்கும் நோய்த்தொற்று வேகமாகப் பரவ ஆரம்பித்ததையடுத்து தனியார் மருத்துவமனைகள் மற்றும் தனியார் ஆய்வகங்களும் கொரோனா நோயாளிகளைக் கையாள அனுமதியளித்தது. தற்போது தமிழகத்தில் 26 தனியார் மருத்துவக் கல்லூரி மருத்துவமனைகள் மற்றும் 112 தனியார் மருத்துவமனைகள் கொரோனா நோயாளி களுக்கு சிகிச்சையளித்து வருகின்றன.

ரெக்ஸ் சற்குணம் - ஜெயலால்
ரெக்ஸ் சற்குணம் - ஜெயலால்

இருந்தாலும், அரசு மருத்துவமனைகளில் சிகிச்சை பெறுவோரின் எண்ணிக்கைதான் அதிகமாக இருக்கிறது. இதனால், அரசு மருத்துவமனைகளில் பணியாற்றும் மருத்துவர்கள் மற்றும் செவிலியர்களுக்கு கூடுதல் பணிச்சுமை ஏற்பட்டுள்ளது. அவர்களுக்கு நோய்த்தொற்று ஏற்படுவதற்கான வாய்ப்புகளும் அதிகமாகவுள்ளன. எனவே, தற்போது தமிழகத்தில் அமல்படுத்தப்பட்டுள்ள கொள்ளைநோய்கள் சட்டம் 1897-ஐ பயன்படுத்தி, கொரோனா நோயாளி களுக்கு அரசு மருத்துவமனைகளில் சிகிச்சையளிக்கும் பணியில் தனியார் மருத்துவர்களையும் ஈடுபடுத்த வேண்டும் என்று மருத்துவச் செயற் பாட்டாளர்கள் குரல் எழுப்புகின்றனர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இதுதொடர்பாக மருத்துவச் செயற்பாட்டாளரும் மக்கள் நலவாழ்வு இயக்கத்தின் தலைவருமான மருத்துவர் ரெக்ஸ் சற்குணத்திடம் பேசினோம். ‘‘கேரளத்தில் கொரோனா நோயாளிகளுக்கு சிகிச்சையளிக்க, ‘3 டயர் சிஸ்டம்’ என்பதைப் பின்பற்றுகின்றனர். அதாவது மருத்துவர்கள், செவிலியர்கள், மருத்துவப் பணியாளர்களை மூன்றாகப் பிரித்துவிட்டனர். ஒரு பகுதியினர், கோவிட்-19 வார்டுகளில் பணியாற்றுகின்றனர். ஒரு பகுதியினர், கோவிட் அல்லாத பிற நோய்களுக்கான வார்டுகளில் பணியாற்றுகின்றனர். மீதம் உள்ள ஒரு பகுதியினர், வீடுகளில் ஓய்வில் உள்ளனர். இந்தப் பணியாளர்களை சுழற்சி முறையில் பயன்படுத்துகின்றனர். அதனால் அனைத்து வகையான பிரச்னைகளுக்கும் மருத்துவ சிகிச்சை கிடைக்கிறது.

ஆனால், தமிழகத்தில் அப்படியில்லை. பிரபல அரசு மருத்துவமனையில் இதயவியல் துறையில் சிலருக்கு கொரோனா தொற்று பரவியதும் அந்தத் துறையே மூடப்பட்டுள்ளது. இதனால் அவசரக்கால சிகிச்சைக்காக வருவோர் பாதிக்கப்படுகின்றனர்.

கொரோனாவுக்கு மட்டுமல்ல, அனைத்து நோய்களுக்கும் சிகிச்சையளிக்க வேண்டிய பொறுப்பு மருத்துவமனைகளுக்கு உள்ளது.

தனியார் மருத்துவர்களைப் பயன்படுத்திக்கொள்ளுமா அரசு?

இந்தப் பிரச்னையைத் தீர்க்க, தனியார் மருத்துவர்களையும் அரசு மருத்துவமனைகளில் பணியாற்ற அழைக்க வேண்டும். தமிழ்நாடு மருத்துவ கவுன்சிலில் 1,10,000 மருத்துவர்கள் பதிவுசெய்துள்ளனர். அவர்களில் அரசு மருத்துவமனைகளில் பணியாற்றுவோர் 18,000 பேர் மட்டுமே. மிகவும் வயதான மருத்துவர்களை நீக்கிவிட்டுப் பார்த்தாலும், அரசு மருத்துவமனைகளில் பணியாற்றும் மருத்துவர்களின் எண்ணிக்கையைவிட மூன்று, நான்கு மடங்கு அதிகமாக தனியார் மருத்துவர்கள் இருப்பார்கள்.

பல தனியார் மருத்துவமனைகள் தற்போது செயல்படாத காரணத்தாலும், அரசு மருத்துவமனைகளுக்கு அதிக பளு ஏற்பட்டுள்ளது. இந்தப் பளுவைக் குறைக்க அரசு மருத்துவமனைகளின் கொரோனா வார்டு அல்லது பற்றாக்குறையுள்ள பிற துறைகளில் தனியார் மருத்துவர்களைப் பணியாற்ற வைக்க வேண்டும். இதனால் அனைத்து வகையான மருத்துவப் பிரச்னைகளுக்கும் எளிதில் தீர்வு காண முடியும். மருத்துவர்களுக்கான கூடுதல் பணிச்சுமையையும் குறைக்க முடியும்’’ என்றார்.

தனியார் மருத்துவர்களின் மனநிலை என்ன என்பதுகுறித்து, இந்திய மருத்துவச் சங்கத்தின் (ஐ.எம்.ஏ) அகில இந்திய துணைத்தலைவர் மருத்துவர் ஜெயலாலிடம் பேசினோம். ‘‘தமிழகத்தைப் பொறுத்தவரை, 90 சதவிகிதம் தனியார் மருத்துவமனைகள் செயல்பட்டுவருகின்றன. மாரடைப்பு, எலும்பு முறிவு, தொற்றா நோய்கள் போன்ற மருத்துவ அவசரங்களை தனியார் மருத்துவமனைகள் கையாண்டு வருகின்றன. சில இடங்களில் தனியார் மருத்துவர்கள் முற்றிலும் இலவசமாக சமூக காய்ச்சல் கிளினிக்குகள் அமைத்து, கொரோனா சமூகப் பரவலாக மாறாமல் தடுத்துவருகின்றனர். அதுமட்டுமல்லாது, வீடியோ கான்ஃபரன்ஸிங் மூலம் நோயாளிகளுக்கு இலவச மருத்துவ ஆலோசனைகளையும் வழங்கிவருகிறோம்.

தமிழக முதல்வரின் விரிவான காப்பீட்டுத் திட்டத்தைச் செயல்படுத்தும் தனியார் மருத்துவமனைகளில் உள்ள 25 சதவிகிதப் படுக்கைகள், கோவிட்-19 சிகிச்சைக்கு என ஒதுக்கப்பட்டுள்ளன. தமிழகத்தில் தற்போது நோயாளிகளின் எண்ணிக்கை மிகவும் குறைவாகத்தான் உள்ளது. அதனால் இந்தச் சூழலில் தனியார் மருத்துவர்கள் அரசு மருத்துவமனைகளில் பணியாற்ற வேண்டிய அவசியம் ஏற்படவில்லை. கொள்ளைநோய்கள் சட்டத்தைப் பயன்படுத்தி ஆந்திர அரசு தனியார் மருத்துவர்களை கோவிட்-19 சிகிச்சைக்காகப் பணியாற்றவைக்க முயன்றனர். பல்வேறு நடைமுறைச் சிக்கல்களால் அதை அமல்படுத்த முடியவில்லை.

சட்டம் என்ற விஷயத்துக்குள் செல்லாமல், மனிதாபிமானத்தின் அடிப்படையில் தமிழகத்தில் ஐ.எம்.ஏ-வைச் சேர்ந்த 2,000 மருத்துவர்கள் அரசின் கோவிட்-19 வார்டுகளில் பணியாற்ற தயாராக இருப்பதாகத் தெரிவித்துள்ளனர். அவர்களின் ஒப்புதலைப் பெற்று 2,000 மருத்துவர்களின் பட்டியலையும் அரசிடம் சமர்ப்பித்திருக்கிறோம். நோயாளிகள் அதிகரித்து தேவை ஏற்படும்பட்சத்தில், கோவிட்-19 வார்டில் பணியாற்ற தயாராகவே இருக்கிறோம்’’ என்றார்.

தன்னார்வத்துடன் சிகிச்சையளிக்கத் தயாராக இருக்கும் தனியார் மருத்துவர்களின் சேவையை, அலட்சியம் செய்யாமல் அரசு பயன்படுத்திக்கொள்ள வேண்டும். அதைவிட முக்கியமாக, அனைவருக்கும் தேவையான பாதுகாப்பை உறுதிசெய்ய வேண்டும்.