Published:Updated:

அத்துமீறும் கர்நாடகம்... அசையாத தமிழக ஆட்சியாளர்கள்

மேக்கேதாட்டூ விவகாரம்...

பிரீமியம் ஸ்டோரி

மிழக அரசியல்வாதிகள் ‘மியூசிக்கல் சேர்’ விளையாட்டில் மும்முரமாக இருக்கிறார்கள். ஆனால், கர்நாடக அரசோ, ‘மேக்கேதாட்டூ’ என்னும் அபாய மணியைத் தமிழகத்துக்கு அடித்திருக்கிறது. மேக்கேதாட்டூ அணையைக் கட்டுவதற்காக, மத்திய சுற்றுச்சூழல் அமைச்சகத்திடம் அனுமதி கேட்டு விண்ணப்பித்திருக்கிறது கர்நாடக அரசு. இன்னும் சிலநாள்களில் இதற்கான அறிவிப்பை மத்திய அரசு வெளியிடலாம். மன்மோகன் சிங் பிரதமராக இருந்த காலத்தில் தொடங்கிய இந்த விவகாரம் இப்போது இறுதிகட்டத்தை எட்டியிருக்கிறது.

கர்நாடக மாநிலம், சாம்ராஜ் நகர் மாவட்டம், கொள்ளேகாலிலிருந்து 15 கி.மீட்டர் தொலைவில் காவிரி ஆற்றின் குறுக்கே மேக்கேதாட்டூ என்னும் இடத்தில் அணை கட்டவிருக்கிறது கர்நாடக அரசு. இதற்காக அந்த அரசு, கடந்த ஜூன் மாதம் 20-ம் தேதி மத்திய சுற்றுச்சூழல் அமைச்சகத்திடம் அனுமதிகோரிய கடிதத்தில், ‘பெங்க ளூரின் குடிநீர்த் தேவைக்காக 4.15 டி.எம்.சி நீரைத் தேக்கி வைக்கவும் வறட்சியைச் சமாளிக்கவும் மேக்கேதாட்டூ அணை அவசியம். மேலும், இந்த அணையைக் கட்டினால்தான் தமிழகத்துக்குத் தேவை யான தண்ணீரையும் வழங்க முடியும். தவிர, இதன் மூலம் 400 மெகா வாட் மின்சாரம் தயாரிக்க முடியும். மேக்கேதாட்டூ அணை ஒன்பதாயிரம் கோடி ரூபாய் செலவில் கட்டப்பட இருக்கிறது’ என்று தெரிவித்துள்ளது.

அத்துமீறும் கர்நாடகம்... அசையாத தமிழக ஆட்சியாளர்கள்

ஏற்கெனவே கர்நாடகத்தில் காவிரி மற்றும் அதன் துணை ஆறு களின் குறுக்கே நான்கு அணைகள் கட்டப்பட்டுள்ளன. அவற்றின் மொத்தக் கொள்ளளவு 104.59 டி.எம்.சி. மேக்கேதாட்டூவில் 67.16 டி.எம்.சி அளவுக்குப் புதிய அணை கட்டப்பட்டால், கர்நாடக வசமுள்ள காவிரி அணைகளின் மொத்தக் கொள்ளளவு 171.75 டி.எம்.சி-யாக இருக்கும். கர்நாடகத் தரப்பு, இந்த அணையைக் கட்டி னால்தான் தமிழகத்துக்கான தண்ணீரைத் தர முடியும் என்று சொல் கிறது. ஆனால், இந்த அணைக் கட்டப்பட்டால், தமிழ்நாட்டுக்குத் தண்ணீர் கிடைக்குமா என்பது கேள்விக்குறிதான். ஏனெனில், ஏற்கெனவே கர்நாடக அரசு சட்டப்படி தமிழகத்துக்குக் கொடுக்க வேண்டிய தண்ணீரையே முறையாகக் கொடுப்பதில்லை. இந்தநிலையில் மேக்கே தாட்டூவில் அணையைக் கட்டினால் தான் ‘முறையாகத் தண்ணீர் தருவோம்’ என்று கர்நாடக அரசு சொல்வது, ‘அணை கட்ட அனுமதிக்காவிட்டால், தமிழகத்துக்கு முறை யாகத் தண்ணீர் தரமாட்டோம்’ என்று மிரட்டுவதாகத்தான் பார்க்க முடிகிறது.

இதுகுறித்து தமிழக முதல்வர் எடப்பாடி பழனிசாமி, மத்திய அரசுக்குக் கடிதம் எழுதியிருக்கிறார். அணை கட்டப்படுவதை எதிர்த்து, தமிழக அரசு உச்ச நீதிமன்றத்தில் வழக்குத் தொடர்ந்துள்ளது. இதற்கிடையே, ‘கர்நாடக அரசு, காவிரியில் நீர்வரத்தைப் பொறுத்து தமிழகத்துக்குத் தண்ணீர் வழங்க வேண்டும்’ என்று எரியும் வறட்சியில் நெருப்பைப் பற்ற வைத்திருக்கிறது, காவிரி ஆணையம். “ஏற்கெனவே நீர் இருப்பைக் காரணம் காட்டித்தான் அவர்கள் தமிழகத் துக்குத் தண்ணீர் தராமல் வஞ்சிக்கிறார்கள். இப்போது ஆணையமும் அதையே சொல்லி யிருக்கிறது. இதற்காகவா இத்தனை ஆண்டுகள் போராடி ஆணையம் அமைக்கப் பெற்றோம்” என்று குமுறுகிறார்கள் தமிழக விவசாயிகள்.

கர்நாடக அரசு சமர்ப்பித்துள்ள மேக்கேதாட்டூ அணையின் வரைபடம்
கர்நாடக அரசு சமர்ப்பித்துள்ள மேக்கேதாட்டூ அணையின் வரைபடம்

தற்போது மேக்கேதாட்டூ அணை கட்டுமானத்துக்காக கர்நாடக அரசு அனுப்பியுள்ள கடிதத்தைச் சில நாள்கள் கழித்துத்தான் மத்தியச் சுற்றுச்சூழல் துறை பரிசீலிக்கும் என்கிறார்கள் அதிகாரிகள் தரப்பில். அப்போது தமிழகத்தின் தரப்பிலும் பதில் கேட்கப்படும். அதன் பின்பே அனுமதி கொடுப்பது பற்றி மத்திய சுற்றுச்சூழல் துறை பரிசீலிக்கும். அடுத்ததாக மத்திய நீர்வளத் துறை, மத்திய மின்சாரத் துறை ஆகிய இரண்டு துறைகளிடமும் கர்நாடக அரசு அனுமதி பெற வேண்டும். அதன் பின்னர்தான் அணைக் கட்டுமானப் பணிகளைத் தொடங்க முடியும். ‘காவிரியின் குறுக்கே கர்நாடகம் புதிதாக அணை கட்டவேண்டுமானால், அதற்குக் கடைமடை பகுதியான தமிழகம் மற்றும் புதுச் சேரி ஆகிய அரசுகளின் அனுமதியைப் பெற வேண்டும்’ என்பது காவிரி நடுவர் மன்றம், உச்ச நீதிமன்றம் ஆகியவை சொல்லியிருக்கும் அடிப்படை விதிமுறை. ஆனால், மத்திய அரசின் சுற்றுச்சூழல் துறை மேற்கண்ட விதியை ஒரு பொருட்டாகவே எடுத்துக்கொள்ளாமல், கடந்த நவம்பர் மாதம் மேக்கேதாட்டூ பகுதியில், அணை கட்ட ஆய்வு செய்யும் அனுமதியைக் கர்நாடக அரசுக்கு வழங்கியது. இதற்குத் தமிழகத்தில் பலத்த எதிர்ப்பு கிளம்பவே, தமிழக அரசும் உச்ச நீதிமன்றத்தில் வழக்கு தொடர்ந்தது. அந்த வழக்கு இன்னும் நிலுவையில் இருக்கிறது. வழக்கு நிலுவையில் இருக்கும்போது ஆய்வை முடித்து, அணையைக் கட்ட சுற்றுச்சூழல் அனுமதி கேட்டு விண்ணப்பித்திருக்கிறது கர்நாடக அரசு. இது அப்பட்டமான அத்துமீறல்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

“கர்நாடக அரசு மேக்கேதாட்டூ அணைத் திட்டத்தை நிறைவேற்றினால் சேலம், நாமக்கல், கரூர், திருச்சி, தஞ்சை, நாகப்பட்டினம் உள்படக் காவிரி வடி நில மாவட்டங்கள் அனைத்தும் காவிரி நீர்வரத்து இல்லாமல் கடுமையாகப் பாதிக்கப்படும். விவசாயமும் பொய்த்து விடும்” என்று இந்தத் திட்டத்துக்கு விவசாயிகள் கடும் எதிர்ப்பு தெரிவித்து வருகின்றனர்.

இந்த அணை விவகாரத்தில் கர்நாடக முதல்வர், நீர்வளத் துறை செயலாளர் ஆகியோர் மத்திய நீர்வளத் துறை, சுற்றுச்சூழல் துறை அமைச்சர்கள் மற்றும் பிரதமரைச் சந்தித்து கடிதங்கள் கொடுக்கிறார்கள். கர்நாடகத்தின் துறை சார்ந்த அதிகாரிகள் மாதக்கணக்கில் டெல்லியில் முகாமிட்டு, இதற்கானப் பணிகளை மேற்கொள்கிறார்கள். அணை கட்டுவதற்காக முன்னெடுப்பு பணிகள் தீவிரமாக நடைபெறுகின்றன. அதேசமயம் கர்நாடக அரசு, தமிழகத்துக்கு ஜூன் மாதம் வழங்க வேண்டிய 19 டி.எம்.சி தண்ணீரை இன்னமும் வழங்கவில்லை.

இதற்கிடையே தமிழகத்தில் 41 இடங்களில்... குறிப்பாக, காவிரி பாயும் டெல்டாவில் ஹைட்ரோ கார்பன் திட்டத்தைச் செயல்படுத்த மத்திய அரசு அனுமதி வழங்கியிருக்கிறது. இது சம்பந்தம் இல்லாததுபோலத் தோன்ற லாம். ஆனால், இதன் பின்னணியில் கர்நாடக அணை விவகாரத்தையும் ஹைட்ரோ கார்பன் திட்ட அனுமதியை யும் முடிச்சுப் போட்டுப் பார்க்கத் தோன்றுகிறது. நமது ஆட்சியாளர்கள் என்ன செய்துகொண்டிருக்கிறார்கள் என்று தெரியவில்லை!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு