Published:Updated:

காவிரியில் பதுங்கிய கர்நாடகா... காரணம் என்ன?

காவிரியில் பதுங்கிய கர்நாடகா... காரணம் என்ன?
பிரீமியம் ஸ்டோரி
காவிரியில் பதுங்கிய கர்நாடகா... காரணம் என்ன?

காவிரியில் பதுங்கிய கர்நாடகா... காரணம் என்ன?

காவிரியில் பதுங்கிய கர்நாடகா... காரணம் என்ன?

காவிரியில் பதுங்கிய கர்நாடகா... காரணம் என்ன?

Published:Updated:
காவிரியில் பதுங்கிய கர்நாடகா... காரணம் என்ன?
பிரீமியம் ஸ்டோரி
காவிரியில் பதுங்கிய கர்நாடகா... காரணம் என்ன?

காவிரி ஆணையம் அமைக்கப்பட்டு, அதன் முதற்கூட்டம் டெல்லியில் மத்திய நீர் ஆணையம் அமைந்துள்ள சேவா பவனில் ஜூலை 2-ம் தேதி நடைபெற்றது. அதில், ஜூலை மாதம் கர்நாடகம் தமிழகத்துக்கு வழங்க வேண்டிய தண்ணீரை வழங்குமாறு ஆணையம் உத்தரவிட்டது.

காவிரி நதிநீர் வழக்கில், உச்ச நீதிமன்றம் கடந்த பிப்ரவரியில் வழங்கிய இறுதித் தீர்ப்பில், தமிழகத்துக்கு 14.75 டி.எம்.சி தண்ணீரைக் குறைத்துவிட்டது. ஏற்கெனவே ‘தமிழகத்துக்கு 192 டி.எம்.சி தண்ணீர் வழங்க வேண்டும்’ என்று காவிரி நடுவர் மன்றம் உத்தரவிட்டிருந்தது. அதில், தமிழகத்துக்கு மாதா மாதம் வழங்க வேண்டிய தண்ணீரின் அளவும் குறிப்பிடப்பட்டிருந்தது. உச்ச நீதிமன்றத் தீர்ப்பில் 14.75 டி.எம்.சி குறைக்கப்பட்டதால், அதற்கு ஏற்றபடி மாதாந்திரத் தண்ணீர் அளவை இந்தக் கூட்டத்திலேயே மாற்றியமைக்க முடிவு செய்தனர்.

காவிரியில் பதுங்கிய கர்நாடகா... காரணம் என்ன?

அதன்படி, ஜூன் தொடங்கி அடுத்த ஆண்டு மே மாதம் முடியும் பாசன ஆண்டில் ஜூன் முதல் டிசம்பர் வரையிலான மாதங்களில், ஒரு குறிப்பிட்ட டி.எம்.சி தண்ணீரைக் குறைப்பது என முடிவுசெய்யப்பட்டது. அதன் அடிப்படையில், ஒரு புதிய பட்டியலும் ஒருமனதாகத் தயாரிக்கப்பட்டது. மழை பெய்ய வாய்ப்பில்லாத மாதங்களில், அதிக அளவு நீரைக் குறைக்கலாம் என்று கர்நாடக நீர்வளத்துறைச் செயலாளர் ராகேஷ் சிங் வாதிட்டாலும், பின்னர் மத்திய அரசின் உறுப்பினர்களும் ஆணையத் தலைவர் மசூத் உசைனும் தலையிட்டு கர்நாடகாவைச் சம்மதிக்க வைத்தனர். அதன்படி, ஜூன் மாதத்துக்கு முந்தைய கணக்குப்படி இருந்த 10   டி.எம்.சி அளவு ஒன்பது டி.எம்.சி-யாகவும், ஜூலை மாதத்துக்கு 34 டி.எம்.சி என்று இருந்ததை 31 டி.எம்.சி-யாகவும் குறைப்பது என முடிவானது. 

தற்போது ஜூன் மாதம் தமிழகத்துக்கு வழங்க வேண்டிய தண்ணீரின் அளவைவிட அதிகமாகவே திறந்துவிட்டிருப்பதாக கர்நாடகா கணக்குகளை முன்வைத்தது. எனவே, ‘‘கூடுதலாக வழங்கிய தண்ணீரை ஜூலை மாதம் வழங்க வேண்டிய 31 டி.எம்.சி கணக்கில் குறைத்துக்கொண்டு, மீதம் தண்ணீரை வழங்க வேண்டும்’’ என்று ஆணையத் தலைவர் கூறினார். முதலில் கர்நாடகா இதற்கு எதிர்ப்புத் தெரிவித்தது. காவிரி ஒழுங்காற்றுக் குழு ஜூலை 5-ம் தேதி கூடவிருப்பதால், அந்தக் கூட்டம் முடிந்தபின், தண்ணீர் திறப்பது குறித்து முடிவு செய்யலாம் என்று கர்நாடகா தரப்பில் கூறப்பட்டது. ஆனால், ‘அந்தக் கூட்டம் நடந்த பின்னர் அவர்கள் அணைகளை நேரில் சென்று பார்த்து அணைகளின் நீர் இருப்பு, மழை அளவு, பாசனத் தேவை ஆகிய அம்சங்களை ஆராய்ந்து காவிரி ஆணையத்துக்கு அறிக்கை அளிக்கட்டும். பிறகு, அடுத்த  கட்டமாக மீண்டும் ஆணையம் கூடி முடிவு செய்யலாம். தற்போது, ஜூலை மாதத்துக்கான சுமார் 30 டி.எம்.சி தண்ணீரைத் திறந்தே ஆக வேண்டும்’ என்று ஆணையம் இறுதி முடிவுக்கு வந்தது. அதன்பின், ‘தண்ணீரைத் திறக்க இயலாது’ என்று மறுக்காமல், அமைதி காத்தது கர்நாடகா.

கூட்டம் முடிந்த பின்னர் செய்தியாளர்களைச் சந்தித்த ஆணையத்தின் தலைவர் மசூத் உசைனிடம், ‘உச்ச நீதிமன்றத்தில் சீராய்வு மனு தாக்கல் செய்யவிருப்பதாக’ கர்நாடகம் சொல்லிவருவது குறித்த கேள்வி எழுப்பப்பட்டது. ‘அதுபற்றி எனக்குத் தெரியாது’ என்றார் அவர். இந்த ஜூலை 18-ம் தேதி தொடங்கவுள்ள நாடாளுமன்ற மழைக்காலக் கூட்டத்தொடரில், காவிரி ஆணையம் அமைக்கப்பட்டது குறித்து கர்நாடக எம்.பி-க்கள் கேள்வி எழுப்புவார்கள். ஆளும் பி.ஜே.பி கூட்டணி அரசும் அதற்கு ஒப்புதல் கொடுத்து, விவாதிக்க வழிவகுத்துக்கொடுக்கும் சூழ்நிலையே உள்ளது. இதற்காக கர்நாடக முதல்வர் குமாரசாமி கூட்டிய அனைத்துக்கட்சிக் கூட்டத்தில், பி.ஜே.பி-யைச் சேர்ந்த மத்திய அமைச்சர்கள் அனந்தகுமார், சதானந்த கவுடா ஆகிய இருவருமே கலந்துகொண்டது, மத்திய அரசு யார் பக்கம் இருக்கிறது என்பதைத் தெளிவாக உணர்த்தியுள்ளது.

- டெல்லி பாலா