Published:Updated:

நண்பரைச் சந்திக்கச் சென்ற சிறுமி 5 பேரால் பாலியல் வன்கொடுமை!- பொள்ளாச்சியில் அடுத்த அதிர்ச்சி

பாதிக்கப்பட்ட சிறுமிக்கு தாய் இல்லை; தந்தை மட்டும்தான் இருக்கிறார். பாட்டி வீட்டில் வளர்ந்து வருகிறார் என்று முதல்கட்ட தகவல்கள் வெளியாகியுள்ளன.

பாலியல் வன்கொடுமை
பாலியல் வன்கொடுமை

பொள்ளாச்சி குமரன் நகரைச் சேர்ந்த அமானுல்லா என்ற நபர், இந்தச் சிறுமிக்கு நண்பராக இருந்துள்ளார். அமானுல்லாவைச் சந்திக்கச் சென்றபோது, அந்தச் சிறுமியை கூட்டு பாலியல் வன்கொடுமை செய்துள்ளனர்.

பாலியல் வன்கொடுமை
பாலியல் வன்கொடுமை

இதைத்தொடர்ந்து, போக்ஸோ சட்டத்தின் கீழ் வழக்குப் பதிவு செய்து, அமானுல்லா உள்ளிட்ட ஐந்து பேரைக் கைதுசெய்து, போலீஸார் விசாரித்து வருகின்றனர். கோவை மாவட்ட போலீஸ் எஸ்.பி சுஜீத்குமார் பொள்ளாச்சிக்கு நேரடியாகச் சென்று விசாரணை நடத்தி வருகிறார்.

இந்த வழக்கில் மேலும் சிலர் சம்பந்தப்பட்டிருக்கலாம் என்பதால், கைது எண்ணிக்கையும் அதிகரிக்கக் கூடும் என்று போலீஸ் வட்டாரங்கள் தெரிவிக்கின்றன. பாதிக்கப்பட்ட சிறுமிக்கு தாய் இல்லை. தந்தை மட்டும்தான் இருக்கிறார். பாட்டி வீட்டில் வளர்ந்து வருகிறார் என்று முதல்கட்ட தகவல்கள் வெளியாகியுள்ளன.

சேலம் அருகே மாணவிக்கு பாலியல் தொல்லை கொடுத்த ஆசிரியர் - கொதித்தெழுந்த உறவினர்கள்!

கடந்த சில மாதங்களுக்கு முன்பு நாட்டையே அதிரவைத்த பொள்ளாச்சி பாலியல் வழக்கின் பாதிப்பு அடங்குவதற்குள், தற்போது 16 வயது சிறுமி பாலியல் வன்கொடுமை செய்யப்பட்டுள்ள வழக்கு மீண்டும் அதிர்ச்சியை ஏற்படுத்தியுள்ளது.