Published:Updated:

“அலுவலர்கள் ஒழுங்காக வேலை பார்க்காததால் கோபம் வருகிறது!”

பயனாளிகள் குறித்த ஆய்வில் கலெக்டர் கந்தசாமி...
பிரீமியம் ஸ்டோரி
பயனாளிகள் குறித்த ஆய்வில் கலெக்டர் கந்தசாமி...

கலெக்டர் கந்தசாமி பொளேர்

“அலுவலர்கள் ஒழுங்காக வேலை பார்க்காததால் கோபம் வருகிறது!”

கலெக்டர் கந்தசாமி பொளேர்

Published:Updated:
பயனாளிகள் குறித்த ஆய்வில் கலெக்டர் கந்தசாமி...
பிரீமியம் ஸ்டோரி
பயனாளிகள் குறித்த ஆய்வில் கலெக்டர் கந்தசாமி...

திருவண்ணாமலை மாவட்ட ஆட்சியர் கந்தசாமியின் கர்ஜனைதான் கடந்த வார ஹாட் டாப்பிக். பிரமரின் இலவச வீடு வழங்கும் திட்டத்தில் பயனாளிகளுக்கு வீடு வழங்காமல் இழுத்தடிக்கும் வட்டார வளர்ச்சி அலுவலர்களை எச்சரித்த கந்தசாமியின் நேர்மை நிறைந்த துணிச்சலை, பொதுமக்கள் கொண்டாடித்தீர்த்தனர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

சொந்த வீடு என்பது, வீடு இல்லா மக்களின் வாழ்நாள் கனவு. ஏழை மக்களின் சொந்த வீட்டுக் கனவை நிறைவேற்றுவதற்காக உருவானதுதான் ‘பிரதான் மந்திரி ஆவாஸ் யோஜனா’ திட்டம். 2011-ல் எடுக்கப்பட்ட சமூகப் பொருளாதாரக் கணக்கெடுப்பின் அடிப்படையில் இந்தத் திட்டத்துக்கான பயனாளிகள் தேர்வுசெய்யப்படுகின்றனர். ஒவ்வொரு பயனாளிக்கும் வட்டார வளர்ச்சி அலுவலர் மூலம் 2.8 லட்சம் ரூபாய், நான்கு தவணைகளாக வரவுவைக்கப்படுகிறது. அற்புதமான இந்தத் திட்டத்தில், பல முறைகேடுகள் நடப்பதுதான் வேதனையான விஷயம்.

பயனாளிகள் குறித்த ஆய்வில் கலெக்டர் கந்தசாமி...
பயனாளிகள் குறித்த ஆய்வில் கலெக்டர் கந்தசாமி...

‘‘ `பயனாளியாகத் தேர்வு செய்வதற்கே 20,000 ரூபாய் கொடு; 30,000 ரூபாய் கொடு’ என்று பஞ்சாயத்துச் செயலாளர்கள் முதல் வட்டார வளர்ச்சி அலுவலர்கள் வரை ஈவு இரக்கமில்லாமல் பேரம் பேசுகிறார்கள். கிடைத்த ஒற்றை வாய்ப்பையும் விட்டுவிடக் கூடாது என, அவர்கள் கேட்கும் பணத்தை பெரும்பாலானோர் கொடுத்துவிடுகின்றனர். அப்படிக் கொடுக்கவில்லையெனில், தகுதிநீக்கம் செய்து விடுகிறார்கள்” என்று குமுறுகின்றனர் அடித்தட்டு மக்கள். தமிழகம் முழுவதும் இந்த முறைகேடு வெளிப்படையாகத் தெரிந்தாலும், தவறு செய்யும் அதிகாரிகளைக் கண்டிக்கவும் தண்டிக்கவும் ஆட்சியாளர்கள் தயக்கம் காட்டுகிறார்கள்.

இந்தச் சூழலில்தான் சாட்டையைச் சுழற்றியிருக்கிறார், திருவண்ணாமலை மாவட்ட ஆட்சியர் கந்தசாமி. ‘எல்லோருக்கும் வீடு ஒதுக்கலைன்னா, யாரா இருந்தாலும் எத்தனை பேரா இருந்தாலும் அவங்களை சஸ்பெண்ட் செய்ய நான் தயாரா இருக்கேன். தப்புப் பண்றதுக்கு காவல் காப்பவன் நான் இல்லை. தவற்றைச் சரிசெய்யணும். என் உச்சக்கட்ட கோபம் இது’ என்று வட்டார வளர்ச்சி அலுவலர்களை வாட்ஸ்-அப் வாய்ஸ் மெசேஜ் மூலம் கடுமையாக எச்சரித்திருந்தார் கலெக்டர் கந்தசாமி. இந்த ஆடியோவை வைத்து கலெக்டரைச் சிக்கவைக்க வேண்டும் என நினைத்த அலுவலர்கள் சிலர், ‘கலெக்டர் எங்களை மிரட்டு கிறார்’ என்றபடி அந்த ஆடியோவை சமூக வலை தளங்களில் பகிர்ந்தனர். அலுவலர்களின் எண்ணத்துக்கு நேர்மாறாக அடுத்தடுத்த விஷயங்கள் நடந்தன. ஆடியோவைக் கேட்டவர்கள், கலெக்டரின் நேர்மையையும் துணிச்சலையும் கொண்டாடினர்.

இதுகுறித்து தமிழ்நாடு ஊரக வளர்ச்சித் துறை அலுவலர்கள் சங்க மாநிலப் பொதுச்செயலாளர் பாரியிடம் பேசினோம். “இப்போதைய விலைவாசியில் அரசாங்கம் கொடுக்கும் சிறிய தொகையை வைத்து எப்படி வீடு கட்ட முடியும் என நினைக்கும் பலரும், ‘எங்களுக்கு வீடு வேண்டாம்’ என்கிறார்கள். பல பயனாளிகளுக்கு, பட்டா இல்லை. இப்படி பல்வேறு சிக்கல்கள் உள்ள நிலையில், வட்டார வளர்ச்சி அலுவலர்கள் என்ன செய்வார்கள்? கலெக்டரே இப்படிப் பேசியது வேதனையாக இருக்கிறது. மற்றபடி லஞ்சம் வாங்கும் அலுவலர்கள்மீது நடவடிக்கை எடுப்பதை நாங்கள் வரவேற்கிறோம்’’ என்றார்.

கலெக்டர் கந்தசாமியிடம் பேசினோம். ‘‘வீடு இல்லாத ஏழை மக்களுக்கு வீடு கட்டிக் கொடுப்பதுதான் என்னுடைய எண்ணமே தவிர, அலுவலர்களை தண்டிப்பது அல்ல. திருவண்ணாமலை மாவட்டத்தில் சுமார் 35,000 பேர் குடிசையில் வசிக்கிறார்கள் என்கிறது சமூகப் பொருளாதாரக் கணக்கெடுப்பு. இதுவரை 8,000-க்கும் மேற்பட்ட வீடுகளைக் அரசு கட்டிக் கொடுத்திருக்கிறது. பல அலுவலர்கள் அருமையாக வேலை பார்க்கிறார்கள். சில அலுவலர்கள் ஒழுங்காக வேலைபார்க்காததால் கோபம் வருகிறது.

பயனாளிகள் குறித்த ஆய்வில் கலெக்டர் கந்தசாமி...
பயனாளிகள் குறித்த ஆய்வில் கலெக்டர் கந்தசாமி...

பயனாளிகள், புறம்போக்கு நிலத்தில் இருக்கின்றனர். `பட்டா இல்லை’ என்று அலுவலர்கள் காரணம் சொல்கின்றனர். வருவாய்த் துறை மூலம் அந்த இடத்தை ஆய்வுசெய்து, ஆட்சேபனைக்குரிய நிலமாக இருந்தால் மாற்று இடம் ஒதுக்கி வீடு கட்டிக் கொடுக்கிறோம். ஆட்சேபனை இல்லாத அரசு புறம்போக்கு நிலமாக இருந்தால், குடியிருக்கும் நிலத்துக்கே பட்டா கொடுத்து வீடு கட்டிக் கொடுக்

கிறோம். மணல் விலை அதிகமாகிவிட்டது என்ற காரணத்தையும் அலுவலர்கள் சொல்கிறார்கள். மணலுக்கு மாற்றாக `எம் சாண்ட்’ இருக்கிறது. அதைப் பயன் படுத்தலாம் அல்லவா? வீடு கட்டிக் கொடுப்பதற்கு சில அலுவலர்கள் முன் வரவில்லை என்பதுதான் குற்றச்சாட்டு.

வீடு அற்றக் குடும்பங்களின் பட்டியல் நீண்டுகொண்டே செல்லும் சூழலில், ஏழை மக்களுக்கு வீடு கட்டிக் கொடுக்க அலுவலர்கள் தயங்கலாமா? திங்கள்தோறும் நடக்கும் மாவட்ட குறைதீர் கூட்டத்தில், வீடு கேட்டு வரும் பயனாளியின் மனுக்களை, வாங்கிய ஒரு மணி நேரத்துக்குள் பரிசீலனைசெய்து... சம்பந்தப்பட்ட வட்டார வளர்ச்சி அலுவலர்களை வரவழைக்கிறேன். அன்று மாலைக்குள் வீடு கட்டுவதற்கான ஆணையை வழங்கி அனுப்புகிறோம். அப்படி இருந்தும், இந்தத் திட்டத்தைச் செயல்படுத்துவதில் பெரிய தொய்வு ஏற்பட்டுள்ளது. ஒரு பயனாளிக்கு வீடு வழங்குவதற்கான ஆணை வழங்க பத்து நிமிடம்தான் செலவாகும். அந்தப் பத்து நிமிடத்தில் அந்தப் பயனாளியின் வாழ்வே மாறிவிடும். அதை ஒவ்வோர் அலுவலரும் உணர வேண்டும். இந்தத் திட்டத்தின்கீழ் கடைசி வீடு ஒதுக்கப்பட்டு கட்டி முடிக்கும் வரை நான் இதே கறாரோடுதான் இருப்பேன்” என்றார் உறுதியாக.

சபாஷ் கலெக்டர்!