Published:Updated:

‘ஸ்மார்ட் சிட்டி’க்காக ஊருக்கு வெளியே போகும் மார்க்கெட்!

‘ஸ்மார்ட் சிட்டி’க்காக ஊருக்கு வெளியே போகும் மார்க்கெட்!
பிரீமியம் ஸ்டோரி
News
‘ஸ்மார்ட் சிட்டி’க்காக ஊருக்கு வெளியே போகும் மார்க்கெட்!

‘ஸ்மார்ட் சிட்டி’க்காக ஊருக்கு வெளியே போகும் மார்க்கெட்!

திருச்சியில் 150 ஆண்டுகள் பழைமையான காந்தி மார்க்கெட்டை இடமாற்றம் செய்யும் விவகாரம் பூதாகரமாகியுள்ளது. திருச்சியின் மையப்பகுதியில் சுமார் 25 ஏக்கரில் காந்தி மார்க்கெட் அமைந்துள்ளது. போக்குவரத்து நெரிசல், சரக்கு வாகனங்களின் நெருக்கடியால் இது சிக்கித் திணறுகிறது. இதை இடமாற்றம் செய்து, திருச்சி - மதுரை தேசிய நெடுஞ்சாலையில் உள்ள கள்ளிக்குடியில் அமைக்க முன்னாள் முதல்வர் ஜெயலலிதா உத்தரவிட்டார்.  கள்ளிக்குடியில் 10 ஏக்கரில், ரூ.77 கோடி மதிப்பீட்டில் கட்டப்பட்ட புதிய மார்க்கெட் கட்டடங்களை 2017 செப்டம்பர் 5-ம் தேதி முதல்வர் எடப்பாடி பழனிசாமி காணொளி மூலம் திறந்துவைத்தார்.

‘ஸ்மார்ட் சிட்டி’க்காக ஊருக்கு வெளியே போகும் மார்க்கெட்!

இப்போது காந்தி மார்க்கெட் உள்ள இடத்தில் ஸ்மார்ட் சிட்டி திட்டத்தின் கீழ் கட்டமைப்புப் பணிகளை மேற்கொள்ள உள்ளதாக திருச்சி மாநகராட்சி அதிகாரிகள் கூறியுள்ளனர். இதையடுத்து, ஜூன் 30-ம் தேதி முதல் காந்தி மார்க்கெட்டில் இருக்கும் வியாபாரிகளை கள்ளிக்குடியில் உள்ள புதிய மார்க்கெட்டுக்குச் செல்லுமாறு அதிகாரிகள் கூறினர். கள்ளிக்குடியில் திருச்சி கலெக்டர் ராசாமணி, எம்.பி குமார், அமைச்சர்கள் வெல்லமண்டி நடராஜன் மற்றும் வளர்மதி ஆகியோர் விற்பனையைத் தொடங்கிவைத்தார்கள். மேலும், காந்தி மார்க்கெட்டுக்கு வந்த லாரிகளும் ஜூன் 29-ம் தேதி இரவு முதல் உள்ளே அனுமதிக்கப்படவில்லை.

‘காந்தி மார்க்கெட், திருச்சி நகரின் மையப்பகுதியில் இருப்பதால் வியாபாரிகள், பொதுமக்கள் இருதரப்புக்குமே வசதியாக இருக்கிறது. திருச்சியில் இருந்து 15 கி.மீ தொலைவில் உள்ள கள்ளிக்குடிக்கு மார்க்கெட்டை மாற்றுவதால் வியாபாரம் பாதிக்கும்’ என்று வியாபாரிகள் கூறுகின்றனர். இடமாற்றத்துக்கு எதிர்ப்புத் தெரிவித்து அடுத்தடுத்து போராட்டங்களை வியாபாரிகள் நடத்திவந்தனர்.  

உருளை மற்றும் வெங்காய வியாபாரிகள் சங்கச் செயலாளர் வெங்கடாசலம், “காந்தி மார்க்கெட்டில் 2,000 கடைகள் உள்ளன. இதை நம்பி 25 ஆயிரம் தொழிலாளர்கள் உள்ளனர். மார்க்கெட்டுக்குள் வருவதற்கு 12 வழிகள் உள்ளன. ஆனால், கள்ளிக்குடியில் இரண்டே வழிகள்தான் உள்ளன. மேலும், அங்கு ஆயிரம் கடைகள் மட்டுமே உள்ளன. இடமாற்றம் தொடர்பாக அரசு எங்களிடம் ஆலோசனை நடத்தவில்லை. பல போராட்டங்கள் நடத்தியும், பலனில்லை. புதிய மார்க்கெட்டில் இருந்து காந்தி மார்க்கெட்டுக்குக் காய்கறிகளைக் கொண்டுவர, கிலோவுக்கு ஒரு ரூபாய் கூடுதலாகக் கேட்கிறார்கள். இதனால், காய்கறிகளின் விலை கூடும். வியாபாரிகள், பொதுமக்கள் பாதிப்புக்கு உள்ளாவார்கள். ஸ்மார்ட் சிட்டிக்காக எங்கள் வாழ்வாதாரத்தைப் பறிப்பது நல்லதல்ல” என்றார் ஆதங்கத்துடன்,

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
‘ஸ்மார்ட் சிட்டி’க்காக ஊருக்கு வெளியே போகும் மார்க்கெட்!

வணிகர் சங்கத்தலைவர் வெள்ளையன், “காந்தியால் அடிக்கல் நாட்டப்பட்ட மார்க்கெட் என்கிற பெருமை இதற்கு உண்டு. போக்குவரத்து பிரச்னையைத் தீர்க்க மாவட்ட, மாநகராட்சி நிர்வாகங்கள் உரிய வழிகளை ஆராய வேண்டும். மார்க்கெட்டை மாற்றினால் வியாபாரிகள் மட்டுமல்லாமல், விவசாயிகளும் பாதிக்கப்படுவார்கள். சில்லறை வியாபாரிகளைக் காந்தி மார்க்கெட்டில் வியாபாரம் செய்ய அனுமதிக்க வேண்டும். அனுமதிக்காவிட்டால், போராட்டம் நடத்தி சிறை செல்லவும் தயாராக இருக்கிறோம்” என்றார் உறுதியுடன்.

மார்க்கெட்டை மாற்றுவதற்கு எதிராக தமிழ்நாடு முத்தரையர் முன்னேற்ற சங்கத் தலைவர் விஸ்வநாதன் இடத்தில் வெங்காய மண்டி திறக்கப்பட்டது. அந்த விழாவில் அமைச்சர்கள் வளர்மதியும் வெல்லமண்டி நடராஜனும்பங்கேற்றனர். அரசுக்கு எதிரான மார்க்கெட்டை அமைச்சர்களே திறந்தது சர்ச்சைகளைக் கிளப்பியுள்ளது.

- சி.ய.ஆனந்தகுமார்
படங்கள்: என்.ஜி.மணிகண்டன்