Published:Updated:

புதிய அரசு என்ன செய்யவேண்டும்?

புதிய அரசு என்ன செய்யவேண்டும்?
பிரீமியம் ஸ்டோரி
புதிய அரசு என்ன செய்யவேண்டும்?

கோ.பாலச்சந்திரன்

புதிய அரசு என்ன செய்யவேண்டும்?

கோ.பாலச்சந்திரன்

Published:Updated:
புதிய அரசு என்ன செய்யவேண்டும்?
பிரீமியம் ஸ்டோரி
புதிய அரசு என்ன செய்யவேண்டும்?

மிழகத்தில் நாடாளுமன்றத் தேர்தல் முடிந்துவிட்டாலும், இந்தியாவில் பல மாநிலங்களில் பல கட்டங்களாகத் தேர்தல் நடைபெற்றுக்கொண்டிருக்கிறது. அடுத்து அமையப்போவது காங்கிரஸ் அரசா, பா.ஜ.க. அரசா, கூட்டணி அரசா என்பதற்கான விடை, மே 23-ல் தெரிந்துவிடும். எந்த அரசாக இருந்தாலும், புதிய அரசு கவனம் செலுத்தவேண்டிய விஷயங்கள் எவை என்பது குறித்து அலசும் மினி தொடர் இது. இந்த வாரம் ஆட்சி நிர்வாகம் குறித்து அலசுகிறார், மேற்கு வங்க அரசின் முன்னாள் கூடுதல் தலைமைச் செயலாளர், மத்திய அரசின் சுற்றுச்சூழல் துறை, இஸ்ரோவின் பொருளாதார ஆலோசகர் எனப் பல்வேறு பொறுப்புகளில் இருந்த  ஓய்வுபெற்ற ஐ.ஏ.எஸ். அதிகாரி கோ.பாலச்சந்திரன்.

புதிதாக அமையவுள்ள மத்திய அரசிடம் மக்களின் எதிர்பார்ப்பைவிட மாநில அரசுகளின் எதிர்பார்ப்புகள் அதிகமிருக்கின்றன. அவை மக்கள் எதிர்பார்ப்புகளை உள்ளடக்கியவைதாம். அவற்றில் முக்கியமானது, இந்திய அரசியலமைப்புச் சட்டம் வழங்கியுள்ள அதிகாரத்தின்படி, நிர்வாக அமைப்பு மற்றும் நிதிநிலை நிர்வாகத்தில் மாநிலங்களுக்கான உரிமைகள் மதிக்கப்படுவது உறுதிசெய்யப்பட வேண்டும் என்பது. இது  மத்திய அரசுக்கும் மாநில அரசுகளுக்குமிடையிலான வேறுபாடுகளைக் களையும். இணக்கத்தை உருவாக்கும். அதேநேரத்தில் மாநில அரசுகளுடன் மத்திய அரசு இணைந்து போவது மட்டுமே இந்தியா என்ற நாட்டினை வலிமையுள்ளதாக மாற்றிவிடாது. இவற்றையும் தாண்டி, குறிப்பாக மத்திய அரசுத்துறைகளான  பாதுகாப்புத்துறை, வெளியுறவுத்துறை போன்றவற்றில் அதிக கவனம் செலுத்த வேண்டும்.

புதிய அரசு என்ன செய்யவேண்டும்?

எது நிர்வாகம்?

மத்திய அரசும் மாநில அரசும் இயல்பாகவே இணைந்து செயலாற்ற வேண்டும். அதில் தயக்கமோ வேறுபாடுகளோ இருக்கக் கூடாது. அதேநேரத்தில் சொந்தமுயற்சியால் வளர்ந்து விட்ட மாநிலங்களை மத்திய அரசு கூடுதலாக ஊக்குவிக்க வேண்டும். வளர்ச்சியடையாத மாநிலங்களை முன்னேறச் செய்வதற்கான சிறப்புத்திட்டங்களையும் வகுக்க வேண்டும்.

வேற்றுமையில் ஒற்றுமையே இந்தியாவின் பலம் என்பதை உணர்ந்து, இந்தியாவில் உள்ள அனைத்து மாநில மக்களின் மொழி, இன, மத உரிமைகளைப் பாதுகாப்பதில் மத்திய அரசு கவனம் செலுத்த வேண்டும். இந்தியா உலக அரங்கில் வலிமை பெற்ற நாடாகத் திகழ்வதற்கு உள்ளார்ந்த இந்த ஒற்றுமையும் பகிர்வும் மிக அவசியம்.

நம் நாட்டின் அரசியலமைப்பு நிர்ணயச் சட்டம் மத்திய அரசுக்கு வழங்கியுள்ள அதிகாரம் மிகப்பெரியது. நமது அரசியலமைப்பு கூட்டாட்சி என்று கூறப்பட்டாலும் அதன் உண்மையான சாராம்சம், மைய அரசை வலுப்படுத்துவதே.

ஒட்டுமொத்த விகடனுக்கும் ஒரே ஷார்ட்கட்!

புதிய அரசு என்ன செய்யவேண்டும்?

அரசியலமைப்புச் சட்டத்தின்படி மாநிலப் பட்டியல் (State list) மத்தியப்பட்டியல் (Central list) பொதுப்பட்டியல் (Concurrent List ) என்று மூன்று வகை உள்ளன. இதில் மத்தியப்பட்டியலில் உள்ள விஷயங்கள் குறித்து மத்திய அரசு மட்டுமே சட்டம் இயற்றும் அதிகாரம் படைத்தது. அதேபோன்று மாநிலப்பட்டியலில் உள்ள விஷயங்களுக்கு மாநில அரசு மட்டுமே சட்டம் இயற்றலாம். ஆனால், அசாதாரணமான சில நேரங்களில் மாநில அரசுப் பட்டியலில் உள்ள விஷயங்களுக்கும் மத்திய அரசே சட்டம் இயற்றும் அதிகாரத்தை நமது அரசியலமைப்புச் சட்டம் வழங்கியுள்ளது. அதேபோன்று பொதுப் பட்டியல் சார்ந்த விஷயங்களுக்கு மத்திய அரசும், மாநில அரசும் சட்டங்களை இயற்றலாம்.

மாநில அரசின் சட்டங்கள் மத்திய அரசின் கண்காணிப்புக்கு உட்பட்டவை என்பதே இந்திய அரசியலமைப்புச் சட்டத்தின் வெளிப்படைத்தன்மை. சட்டம் இயற்றுவது, நிர்வாகம், நிதி ஆதாரக் கொள்கைகள் இந்த மூன்றும்தாம் மத்திய, மாநில அரசுகளுக்கு அரசியலமைப்புச் சட்டம் தரும் அதிகார வரம்பு. இதில்தான் இந்தியாவில் பல சிக்கல்கள் உருவாகி வருகின்றன. உதாரணமாக மத்திய - மாநில அரசுகள் சட்டம் இயற்றும் பொதுப்பட்டி யலில் கல்வி இருப்பது அவசியமற்ற ஒன்று. அவற்றை மாற்றுவதற்கு எந்த முயற்சியும் இதுவரை மாநிலங்கள் எடுக்கவில்லை. உதாரணமாக, கல்வி பொதுப்பட்டியலில் இருந்த காரணத்தால்தான் நீட் போன்ற சட்டத்தை மத்திய அரசு இயற்றியது.

புதிய அரசு என்ன செய்யவேண்டும்?

மாநில அரசுகளுக்கு மத்திய அரசு கடிவாளம் போடுகிறது, கண்காணிக்கிறது. மத்திய அரசைக் கண்காணிக்க யார் இருக்க வேண்டும் என்ற கேள்வி எழுகிறது. மத்திய அரசைக் கண்காணிக்க நீதித்துறை இருக்க வேண்டும் என்பது பொதுவாக ஏற்றுக்கொள்ளப்பட்டது. ஆனால், மாநிலங்களுக்கிடையே நதிகளைப் பற்றிய தாவாக்களில் நீதிமன்றங்கள் தலையிடக் கூடாது என்று சட்டம் இயற்றும் அதிகாரம் நமது அரசியலமைப்புச் சட்டத்தின்படி மத்திய அரசுக்கு இருக்கிறது. இப்படிப்பட்ட சூழலில் மத்திய அரசு தனக்குள்ள வானளாவிய அதிகாரங்களைப் பயன்படுத்த வேண்டும் என்று எண்ணாமல், அனைத்து மாநில மக்களுக்கும் பொதுவானது மத்திய அரசு என்ற எண்ணத்தில் நிர்வாகம் நடத்தினால் மட்டுமே, இந்தியா இன்னும் வலுவான நாடாகும். புதிய அரசு முதலில் கவனம் செலுத்த வேண்டியது இதில்தான். அதற்கு இணையாக வெளியுறவு விவகாரங்களிலும் புதிய அணுகுமுறைகளைக் கையாள வேண்டிய கட்டாயம் புதிய அரசுக்கு இருக்கிறது.

உலக அரசியலில் பெரும்பங்கு வகிப்பவை இந்தியாவும் சீனாவும். புதிய மத்திய அரசு நாட்டிற்கு எந்த வளர்ச்சிமுறை சிறந்தது என்பதைக் கண்டறிந்தால் மட்டும் போதாது...உலக அளவிலான நோக்கு மற்றும் போக்குகள் குறித்து நன்கு ஆராய்ந்து அதில் எது இந்தியாவுக்கு நன்மையைத் தரும் என்பதை உணர்ந்து செயல்படுத்த வேண்டும்.

புதிய அரசு என்ன செய்யவேண்டும்?

இந்தியா இன்றைக்கு ஒரு சிரமமான காலகட்டத்திற்குள்தான் இருக்கிறது. குறிப்பாக நம் அண்டை நாடுகளில் ஒன்றான பூட்டானைத் தவிர வேறு எந்த நாடும் நெருக்கமாகவோ  நட்புடனோ இருக்கிறது என்று சொல்ல முடியாத நிலை. கால அளவில் சற்றுப் பின்னோக்கிச் சென்று பார்த்தால், இலங்கையில் பண்டாரநாயகா ஆட்சிக்காலத்தி லிருந்தே இலங்கையுடன் நட்பு பாராட்ட சீனா முயற்சி செய்ததையும் அதில் முன்னேற்றம் ஏற்பட்டதையும் நாம் அறிய முடியும். இலங்கைத் தமிழர்களுக்கும், சிங்களர்களுக்கும் ஏற்பட்ட போராட்டத்தைத் தொடர்ந்து, சீனா தனது நட்பை விரிவுபடுத்த எண்ணி இலங்கைக்கு நேரடியாகவும் மறைமுகமாகவும் உதவிகள் செய்து வந்தது மறக்க முடியாத உதாரணம்.

புதிய அரசு என்ன செய்யவேண்டும்?

மாலத்தீவுடனும்  மனக்கசப்பு...

அந்தச் சூழலில் இந்திய அரசு, இலங்கைக்கு உதவிகள் செய்திருந்தாலும், அதை ஓரமாக ஒதுக்கி வைக்கும் அளவிற்கு, சீனா தனது நட்பை ஆழமாக்கிக்கொண்டதை இந்தியா அறியும். இலங்கையுடனான இந்தியாவின் நட்பு இவ்வாறிருக்க, பாகிஸ்தான் இந்தியாவை எப்போதும் விரோதியாகவே பார்க்கும் நிலை தொடர்கிறது. காஷ்மீர்ப் பிரச்னை தீர்ந்தால் உள்நாட்டு அரசியல் நடத்துவது சிரமம் ஆகிவிடும் என்ற காரணத்தால், தங்கள் ஆதாயத்திற்காக அங்குள்ள அரசியல்வாதிகள் இன்னும் காஷ்மீர்ப் பிரச்னையை உயிர்ப்போடே வைத்திருக்கிறார்கள். இப்படியான சூழ்ச்சி ஒரு புறம் என்றால், இந்தியா - பாகிஸ்தான் என்ற இரு நாடுகளுக்கிடையே பிரிவினையால் ஏற்பட்ட மனக்காயங்கள் இன்னும் ஆறாத வடுவாக உள்ளன.

புதிய அரசு என்ன செய்யவேண்டும்?

1965 போரில் வெற்றி யாருக்கு என்பதைப் பற்றிய வேறுபாடுகள் இருந்தபோது, 1971 போரில் திட்டவட்டமாக இந்தியா வெற்றிபெற்றுள்ளது என்பதை உலக நாடுகள் அறிந்தபோதும், அதை  பாதிப்பாக எடுத்துக் கொண்ட பாகிஸ்தான், இன்னும் அந்த பாதிப்பிலிருந்து மீளாமல் இருக்கிறது.

இந்த நிலையில்தான் பாகிஸ்தான் இந்தியாவை ஒரு நிரந்தர எதிரிநாடாகவே  வரித்துக் கொண்டுள்ளது. பாகிஸ்தான் - இந்தியா என்ற இரு நாடுகளின் நட்பு நிலைப்பாடு இவ்வாறிருந்தால், பங்களாதேஷின் நிலைப்பாடும் இந்தியாவை வசைபாடும் வஞ்சக  நிலைப்பாடாகவே உள்ளது. ‘பங்களாதேஷ் விடுதலை பெறுவதற்கு நாம்தான் காரணம்’ என இந்தியா பெருமை பேசிக்கொண்டிருந்தாலும் அங்குள்ள அரசியல்வாதிகளின் எண்ண ஓட்டம்  வேறு மாதிரியாக இருக்கிறது.

‘நாங்கள் சுதந்திரத்திற்காகப் போராடிக் கொண்டிருந்த நிலையில் இறுதிக்கட்டத்தில் வந்து சேர்ந்துகொண்டு இந்தியாவால்தான் பங்களாதேஷ் வெற்றி பெற்றது என்ற ஒரு மாயத்தோற்றத்தை உருவாக்கிவிட்டது இந்தியா’ என்ற மனக்கசப்போடு  அங்குள்ளவர்கள் பேசத் தவறவில்லை. அடுத்து  மிகவும் குட்டி நாடான மாலத்தீவு. அங்கு  இந்தியாவிற்கும் சீனாவிற்கும் இடையே தொடர்ந்து எதிர்ப்பு நிலைப்பாடு இருந்துவருகிறது. அங்கு ஒரு தரப்பினர் சீனத்தை ஆதரிப்பவர்களும், மற்றொரு தரப்பினர் இந்தியாவை ஆதரிப்ப வர்களும் இருக்கிறார்கள்.இப்படியான சூழ்நிலையில் சிறிய நாடான மாலத்தீவு நம் நட்புநாடுகளிலிருந்து அகன்றாலும் அது நம்முடைய தேசப்பாதுகாப்புக்கு அச்சுறுத்தலாக அமையும் என்பது உண்மை.

இப்படியான சிக்கலுக்கு நடுவில்தான் இந்திய இறையாண்மையையும், தேசத்தின் பாதுகாப்பையும் ஒருசேரப் பாதுகாக்க வேண்டிய பொறுப்பு, புதிய அரசுக்கு இருக்கிறது.

யார் வரப்போகிறார்களோ, என்ன செய்யப் போகிறார்களோ?

- ஓவியம்: ஹாசிப்கான்