Published:Updated:

யார் இந்த கிருஷ்ணமூர்த்தி?

நிர்மலா சீதாராமன் - கிருஷ்ணமூர்த்தி
பிரீமியம் ஸ்டோரி
நிர்மலா சீதாராமன் - கிருஷ்ணமூர்த்தி

‘செபி’யின் நிர்வாக கமிட்டியிலும், ரிசர்வ் வங்கியின் கார்ப்பரேட் நிறுவனங்களின் மறுசீரமைப்பு கமிட்டியிலும் பொறுப்பு வகித்துள்ளார் கிருஷ்ணமூர்த்தி.

யார் இந்த கிருஷ்ணமூர்த்தி?

‘செபி’யின் நிர்வாக கமிட்டியிலும், ரிசர்வ் வங்கியின் கார்ப்பரேட் நிறுவனங்களின் மறுசீரமைப்பு கமிட்டியிலும் பொறுப்பு வகித்துள்ளார் கிருஷ்ணமூர்த்தி.

Published:Updated:
நிர்மலா சீதாராமன் - கிருஷ்ணமூர்த்தி
பிரீமியம் ஸ்டோரி
நிர்மலா சீதாராமன் - கிருஷ்ணமூர்த்தி
மத்திய அரசின் அதிகார வட்டத்தில் இருப்பவர்களால் சமீபமாக அதிகம் உச்சரிக்கப்படும் பெயர், கிருஷ்ணமூர்த்தி சுப்பிரமணியன். கொரோனா ஊரடங்கால் உலகமும் குறிப்பாக இந்தியாவும் கடுமையான பொருளாதார நெருக்கடியைச் சந்தித்துவரும் சூழலில், அதிலிருந்து மீள்வதற்கான திட்டங்களை வகுப்பதில் முக்கியப் பங்காற்றுவது இந்தத் தமிழர்தான் என்கிறார்கள் டெல்லிக்காரர்கள்.

மே 3-ம் தேதி வரை ஊரடங்கு அறிவிக்கப்பட்டிருக்கும் நிலையில், மாநில அரசுகளின் நிதிக்கோரிக்கை, தொழில் அமைப்புகளின் வேண்டுகோள், ஊரடங்கால் பணி மற்றும் ஊதியத்தை இழந்துள்ள பல கோடி மக்களின் எதிர்பார்ப்புகள் என எல்லாவற்றையும் சமாளிக்க வேண்டிய கட்டாயத்தில் மத்திய அரசு இருக்கிறது. இந்த நிலையில், நிதிச்சுமை, பொருளாதார நெருக்கடியிலிருந்து நாட்டை மீட்பதற்கான திட்டங்களை வகுக்கும் பொறுப்பு ஆகியவை மத்திய அரசின் தலைமைப் பொருளாதார ஆலோசகர் கிருஷ்ணமூர்த்தி சுப்பிரமணியனிடம் ஒப்படைக்கப்பட்டுள்ளன.

‘‘ஊரடங்கு தொடர்ந்தாலும் குறு, சிறு தொழில் நிறுவனங்களை தேவைப்படும் இடங்களில் இயங்க அனுமதிக்க வேண்டும். முதலில் கொஞ்சமாவது பணப்புழக்கத்தை அதிகரித்தால் மட்டுமே இந்தச் சிக்கலில் இருந்து நாம் மீள முடியும். கொரோனா தாக்கம் அதிகரித்தால், வங்கிகளின் இருப்பில் இருக்கும் பணத்தை, கடனாக பல்வேறு திட்டங்களுக்கு வழங்க வேண்டும்’’ என்று பல ஆலோசனைகளையும் வழங்கியுள்ளார் அவர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

கிருஷ்ணமூர்த்தி குறித்து மத்திய அரசு வட்டாரங்களில் விசாரித்தோம்...

“கிருஷ்ணமூர்த்தியின் பூர்வீகம் தமிழ்நாடு. இந்தியாவின் மதிப்புமிக்க உயர் கல்வி நிறுவனங்களில் பயின்றவர். அதாவது, ஐ.ஐ.டி கான்பூரில் பி.டெக் படிப்பையும், ஐ.ஐ.எம் கொல்கத்தாவில் எம்.பி.ஏ படிப்பையும் முடித்தவர். பிறகு அமெரிக்காவில் உள்ள சிகாகோ பல்கலைக்கழகத்தில் முனைவர் பட்டம் பெற்றுள்ளார். முனைவர் பட்டத்துக்கான ஆய்வில் கிருஷ்ணமூர்த்திக்கு வழிகாட்டியாக இருந்தவர் ரிசர்வ் வங்கியின் முன்னாள் கவர்னர் ரகுராம் ராஜன்.

கிருஷ்ணமூர்த்தி
கிருஷ்ணமூர்த்தி

‘செபி’யின் நிர்வாக கமிட்டியிலும், ரிசர்வ் வங்கியின் கார்ப்பரேட் நிறுவனங்களின் மறுசீரமைப்பு கமிட்டியிலும் பொறுப்பு வகித்துள்ளார் கிருஷ்ணமூர்த்தி. சில வங்கிகளுக்கு நிதி ஆலோசகராகவும் இருந்துள்ளார்.

2018-ம் ஆண்டில் மத்திய நிதி அமைச்சராக அருண் ஜெட்லி இருந்த நேரத்தில், அப்போது பொருளாதார ஆலோசகராக இருந்த அரவிந்த் சுப்பிரமணியன் ராஜினாமா செய்யவே, அந்த இடத்துக்கு யாரை தேர்வுசெய்வது என்ற குழப்பம் மத்திய அரசுக்கு இருந்தது. அருண் ஜெட்லிதான் கிருஷ்ணமூர்த்தி பெயரை மோடிக்குப் பரிந்துரை செய்துள்ளார். அதற்குப் பிறகுதான் வங்கிகளில் வாராக்கடனை வசூலிப்பது, கார்ப்பரேட் நிறுவனங்களுக்கும் வங்கிகளுக்கும் இடையே இருந்த சிக்கல்களைக் களைவது உள்ளிட்ட பணிகளை இவர் தீவிரப்படுத்தியுள்ளார்’’ என்கிறார்கள்.

நிர்மலா சீதாராமன் - கிருஷ்ணமூர்த்தி
நிர்மலா சீதாராமன் - கிருஷ்ணமூர்த்தி

அடுத்த மூன்று மாதங்களுக்கு நிதித்துறை மற்றும் வங்கிகளின் செயல்பாடுகளில் கிருஷ்ண மூர்த்தியின் ரோல் பிரதான இடம் வகிக்கப்போகிறது என நம்புகிறார்கள் பொருளாதார நிபுணர்கள்.