Published:Updated:

ஜெயக்குமார் கொண்டுவந்த நண்டு சூப்... ரசித்து ருசித்த தி.மு.க உறுப்பினர்கள்!

சட்டசபை
பிரீமியம் ஸ்டோரி
சட்டசபை

சட்டசபை கலகல காட்சிகள்

ஜெயக்குமார் கொண்டுவந்த நண்டு சூப்... ரசித்து ருசித்த தி.மு.க உறுப்பினர்கள்!

சட்டசபை கலகல காட்சிகள்

Published:Updated:
சட்டசபை
பிரீமியம் ஸ்டோரி
சட்டசபை

ட்டப்பேரவையில் வழக்கமாக மதியம் இரண்டு மணியைக் கடந்துவிட்டாலே சேர்கள் பல காலியாகிவிடும். ‘‘சுகர் இருப்பதால் சாப்பிடாமல் ரொம்ப நேரம் இருக்கமுடியாது” என்று ஓபனாகவே பல எம்.எல்.ஏ-க்கள் சொல்லிவிட்டுக் கிளம்பிவிடுவார்கள். ஆனால், தற்போதைய சட்டசபை கூட்டத்தொடர் இரவு ஒன்பது மணி வரை விறுவிறுப்பாக நடைபெற்றுவருகிறது. பத்து மணி நேரத்துக்கும் மேல் நீடிக்கும் சட்டமன்றக் கூட்டத்தில் பல்வேறு சுவாரஸ்யங்களும் சேர்ந்தே நடக்கின்றன.

முதல்வரும் ஆன்ட்ராய்டு போனும்!

அ.தி.மு.க-வைச் சேர்ந்த ராதாபுரம் சட்டமன்ற உறுப்பினர் இன்பதுரை பேசும்போது, ‘‘முதல்வர் எடப்பாடியைப் பொறுத்தவரை, எளியவர் கையிலும் தவழக்கூடிய ஆன்ட்ராய்டு போனைப் போன்றவர். பணக்காரர்கள் பாக்கெட்டில் தவழும் ஐ போன் கிடையாது. எளிமையாக அணுகக்கூடியவர், கடைக்கோடி மக்களும் எளிதில் சந்தித்துப் பேச முடியும். மிக வேகமாகச் செயல்படக் கூடியவர். அதேபோல் நீண்ட நேரம் தாக்குப்பிடிக்கும் பேட்டரி போன்றவர். அதனால்தான், இரண்டு மாதங்களில் சென்றுவிடுவார் எனச் சொன்னவர்கள் மத்தியில், இரண்டு ஆண்டுகளுக்கு மேல் ஆட்சி செய்து தனது திறனைக் காட்டியுள்ளார்’’ என்று முதல்வரை ஆன்ட்ராய்டு போனோடு ஒப்பிட்டுப் பேச, அனைவரும் சிரித்துவிட்டனர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

வரும்... ஆனா, வராது!

சமூக நலத்துறை மானியக்கோரிக்கையில் தி.மு.க சார்பில் சேகர்பாபு பேசியபோது, சமூகநலத் துறைகளின் பல்வேறு திட்டங்கள் குறித்தும், அதில் உள்ள குறைபாடுகள் குறித்தும் பட்டியலிட்டார். இறுதியில், ‘‘திட்டங்களில் உள்ள குறைகளை விரைவில் வரவுள்ள தி.மு.க ஆட்சி பூர்த்திசெய்யும்’’ என்று பேசி முடித்தார். இதற்குப் பதிலளித்த அமைச்சர் ஜெயக்குமார், ‘‘உறுப்பினர் சேகர் பாபு, ‘தி.மு.க ஆட்சி விரைவில் வரும்’ என்று சொன்னார். ஆட்சி வரும்... ஆனா, வராது’’ என வடிவேல் பாணியில் பதில் அளிக்க, அவையில் அ.தி.மு.க உறுப்பினர்கள் மத்தியில் சிரிப்பலை எழுந்தது.

ஜெயக்குமார் கொண்டுவந்த நண்டு சூப்... ரசித்து ருசித்த தி.மு.க உறுப்பினர்கள்!

இதற்கான பதிலடியை மறுதினமே தி.மு.க தரப்பு கொடுத்தது. உலக முதலீட்டாளர்கள் மாநாட்டில் போடப்பட்ட ஒப்பந்தங்கள் தொடர்பாக வெள்ளை அறிக்கை வெளியிட வேண்டும் என்று தி.மு.க உறுப்பினர் கே.கே.எஸ்.எஸ்.ஆர் வலியுறுத்தினார். இதற்கு அமைச்சர் சம்பத், தமிழகத்தில் தொழில் தொடங்கப் போடப்பட்ட ஒப்பந்தங்களைப் பட்டியலிட்டார். இந்த விவாதத்தில் குறுக்கிட்ட ஸ்டாலின், ‘‘ஒப்பந்தங்கள் போடப்பட்டு நான்கு ஆண்டுகள் முடிந்துவிட்டன. இது எப்படி இருக்கிறது என்றால், அமைச்சர் ஜெயக்குமார் சொன்னதுபோல வரும்... ஆனா வராது’’ என்று சொல்ல, தி.மு.க உறுப்பினர்கள் மேஜையைத் தட்டி ஆரவாரம் செய்தனர்.

சட்டமன்றத்தில் எதிரும் புதிருமாக தி.மு.க, அ.தி.மு.க உறுப்பினர்கள் இருந்த காலம் போய், இரு தரப்பினரும் அவைக்குள்ளும் உணவகத்திலும் ஒன்றாக அமர்ந்து பேசும் நிலைக்கு மாறியிருக்கிறது. அமைச்சர் ஜெயக்குமார் சார்பில் உறுப்பினர்களுக்கு கொண்டுவரப்பட்ட நண்டு சூப்பை, தி.மு.க உறுப்பினர்களும் ஒரு கை பார்த்ததே அதற்கு நல்ல உதாரணம்.