Published:Updated:

சட்டசபை: `பாஜக எப்போவுமே நிக்குறீங்களே...'; `காங்கிரஸா டாஸ்மாக் பத்திப் பேசுறீங்க?' - `கலகல’ அப்பாவு

தமிழ்நாடு சட்டப்பேரவை ( கோப்புப் படம் )

சட்டப்பேரவையில் நேற்று (10-04-2023) செய்தி மற்றும் விளம்பரம், வணிகவரி மற்றும் பத்திரப்பதிவுத்துறை, சட்டத்துறை ஆகிய மூன்று துறைகளுக்கான மானியக் கோரிக்கை விவாதம் நடந்தது.

Published:Updated:

சட்டசபை: `பாஜக எப்போவுமே நிக்குறீங்களே...'; `காங்கிரஸா டாஸ்மாக் பத்திப் பேசுறீங்க?' - `கலகல’ அப்பாவு

சட்டப்பேரவையில் நேற்று (10-04-2023) செய்தி மற்றும் விளம்பரம், வணிகவரி மற்றும் பத்திரப்பதிவுத்துறை, சட்டத்துறை ஆகிய மூன்று துறைகளுக்கான மானியக் கோரிக்கை விவாதம் நடந்தது.

தமிழ்நாடு சட்டப்பேரவை ( கோப்புப் படம் )

சட்டப்பேரவையில் நேற்று (10-04-2023) செய்தி மற்றும் விளம்பரம், வணிகவரி மற்றும் பத்திரப்பதிவுத்துறை, சட்டத்துறை ஆகிய மூன்று துறைகளுக்கான மானியக் கோரிக்கை விவாதம் நடந்தது. அப்போது உறுப்பினருடைய பேச்சுகளுக்கு ஒன் மேன் ஆர்மியாக ‘அவைத்தலைவர் அப்பாவு’ கொடுத்த கவுன்ட்டர்கள் அல்டிமேட் ரகமாக இருந்தன.

சபாநாயகர் அப்பாவு
சபாநாயகர் அப்பாவு

சட்டசபையில்  ஆளுநருக்கு எதிராகத் தனித்தீர்மானம் கொண்டுவரப்பட்டது. இந்தத் தீர்மானம் கொண்டுவருவதற்கு முன்னதாகவே, எதிர்க்கட்சித் தலைவர் எடப்பாடி பழனிசாமி 'இருக்கை தொடர்பாக கவன ஈர்ப்பு தீர்மானம் கொண்டுவர கோரிக்கை வைத்தார். இதை ஏற்றுப் பேச அனுமதித்த பிறகு, தி.மு.க சார்பாக  குறுக்கீடு செய்ததால் ’சட்டப்பேரவை வெளிப்படத்தன்மையுடன் செயல்படவில்லை’ எனக் கூறி அதிமுக-வினர் வெளிநடப்பு செய்தனர். `நீங்கள் ஏதோ உள்நோக்கத்தோடதான் வெளியேறுறீங்க’ என ஆளுநருக்கு எதிரான தனித்தீர்மானத்தில் அ.தி.மு.க உறுப்பினர் பங்கேற்காமல் சென்றதைச் சுட்டிக்காட்டி நக்கலடித்தார்.

அதேபோல், தனித் தீர்மானம் எண்ணிக்கைக் கணக்கு முறையில் வாக்கெடுப்பு எடுக்கப்பட்டது. முதலில் தீர்மானத்தை ஆதரிப்பவர்களை எழுந்து நிற்க சொன்னார் சபாநாயகர். அப்போது பாஜக எம்.எல்.ஏ காந்தி தவறுதலாக எழுந்து நின்று, பின்னர் சுதாகரித்து உட்காந்துவிட்டார். பின்னர், `யாரு தீர்மானத்துக்கு எதிர்க்கிறீர்களோ அவர்கள் எழுந்து நிற்க வேண்டும்’ என்றார் அப்பாவு. அப்போது தீர்மானத்தை எதிர்த்த பாஜக உறுப்பினர்கள் எம்.ஆர்.காந்தி, சரஸ்வதி ஆகியோர் எதிர்ப்பு தெரிவித்து எழுந்து நின்றனர். உடனே அவைத்தலைவர் அப்பாவு, "என்னப்பா நீங்க எல்லாத்துக்கும் எழுந்து நிக்குறீங்களே... எனக் கலாய்த்தது உறுப்பினர்கள், பாஜக-வினர் உட்பட அனைவரையும் சிரிக்கவைத்தது.

தளவாய் சுந்தரம்
தளவாய் சுந்தரம்

சட்டத்துறை மானியக் கோரிக்கை விவாதத்தின்போது பேசிய அ.தி.மு.க உறுப்பினர் தளவாய் சுந்தரம், கச்சத்தீவை மீட்டெடுக்க சட்டப் போராட்டம் நடத்த வேண்டுமெனக் கோரினார். அவருக்கு கொடுக்கப்பட்ட நேரம் முடிந்ததால், அப்பாவு, ``போதும். நன்றி சொல்லி அமருங்க’’ என்றார். அதற்கு சுந்தரம் 'இல்லை தலைவரே...' எனக் கூறியது அவையில் சிரிப்பலையை ஏற்படுத்தியது.

மேலும் தொடர்ந்தவர், "வேறு எந்த ஆட்சியிலும் இல்லாத வகையில் அதிமுக ஆட்சியில்தான் சட்டப்பிரிவு ’162’ பயன்படுத்தப்பட்டு, சட்டங்கள் சட்டசபையில் கொண்டுவரப்பட்டன. அதனடிப்படையில்தான், `நீட்’ தேர்வில் ஏழை மாணவர்களுக்கு 7.5% இட ஒதுக்கீடு வழங்கப்பட்டது. ஆனால், தற்போது நிறைய கோப்புகள் கிடப்பில் இருக்கின்றன” எனக் கூறினார்.

இதற்கு பதிலளித்த சட்டத்துறை அமைச்சர் ரகுபதி, "எதிர்க்கட்சி உறுப்பினர் சொல்வது தீர்மானங்கள். அதற்கு அரசாணை வெளியிட்டாலே போதுமானது. ஆனால், ஆளுங்கட்சி கொண்டுவருவது சட்டமுன்வடிவுகள். அதற்கு ஆளுநர்தான் ஒப்புதல் வழங்க வேண்டும்” என்றார்.

அமைச்சர் ரகுபதி
அமைச்சர் ரகுபதி

தொடர்ந்து கன்னியாகுமரி மாவட்டத்தில் அதிமுக சார்பாக பெயரிடப்பட்ட ’அவ்வை சண்முகி சாலையைப் பெயர் மாற்ற’ நகராட்சிக் கூட்டத்தில் தீர்மானம் கொண்டுவந்ததைக் குறித்துப் பேசினார். `நகராட்சியில் கொண்டுவந்த தீர்மானத்தை சட்டசபையில் எப்படி விவாதிக்க முடியும்?’ என அப்பாவு கூறினார். இதை ஏற்க மறுத்து அதிமுக உறுப்பினர்கள் கூச்சலிடத் தொடங்கினர்.

அப்பாவு
அப்பாவு

இடையிலே, தளவாய் சுந்தரம், `சாலையைப் பெயர் மாற்றம் செய்யக் கூடாது’ என்றார். அதற்கு, `உங்க பெயர் மாறாது. தளவாய்னுதான் இருக்கும்’ என்றார் அப்பாவு.

அடுத்ததாக சட்டத்துறை மானியக் கோரிக்கை விவாதத்தின்போது பேசிய மனிதநேய மக்கள் கட்சித் தலைவர் ஜவாஹிருல்லா, 'இஸ்லாமிய சிறைவாசிகளை விடுவிக்க வேண்டும்' எனத் தன் கோரிக்கைகளைக் குறிப்பிட்டுப் பேசினார். அப்போது, `இன்னும் மிச்சம் ஒரு நிமிடம் இருக்கு’ என அப்பாவு நினைவுபடுத்தினார். அதற்கு ஜவாஹிருல்லா, ’’அது எதுக்கு... அப்படியே உக்காந்துக்கிறேன்” என மறைமுகமாக நேரமின்மையைச் சுட்டிக்காட்டியது அவையில் சிரிப்பலையை ஏற்படுத்தியது.

மனிதநேய மக்கள் கட்சித் தலைவர் ஜவாஹிருல்லா
மனிதநேய மக்கள் கட்சித் தலைவர் ஜவாஹிருல்லா

மதுவிலக்கு மற்றும் ஆயத்தீர்வு மானியக் கோரிக்கை விவாதத்தின்போது பேசிய காங்கிரஸ் உறுப்பினர் ரூபி மனோகரன், ``பனைமர வளர்ப்பை ஊக்குவித்து, கள் உற்பத்தி செய்வது தொடர்பாக தமிழக அரசு யோசிக்க வேண்டும்” என்றவர், கேரளாவில் அரசு சார்பாக கள் உற்பத்தி மேற்கொள்ளப்பட்டுவருவதைச் சுட்டிக்காட்டினார்.

உடனே, அவைத்தலைவர் அப்பாவு, "காங்கிரஸ்தான் பேசுறீங்களா... கேரளாவை வேற சொல்லுறீங்களே” என்றார் நக்கலாக. அதற்கு ரூமி மனோகரோ, "திருநெல்வேலி மாவட்டத்துல பனை மரம் எண்ணிக்கை அதிகம். அதனால சொன்னேன்” என்றார்.

அதற்கு அப்பாவுவோ, "எங்க விக்கணும்னு கேட்கலை. மதுக் கொள்கையில உடன்படுறீங்களான்னு கேட்குறேன்” என்றார். அதற்கு பதிலளித்த ரூபி மனோகரன், "கொள்கையைத் தாண்டி டாஸ்மாக்கை விட பனங்கள்ளு பெட்டரா இருக்கும்னு நினைக்கிறேன்" என்றார்.