Published:Updated:

'முரட்டு பக்தன்' ஆட்சி முடிகிறதா?

'முரட்டு பக்தன்' ஆட்சி முடிகிறதா?
பிரீமியம் ஸ்டோரி
'முரட்டு பக்தன்' ஆட்சி முடிகிறதா?

தூத்துக்குடி தி.மு.க-வில் வெடி!திருப்பம்

'முரட்டு பக்தன்' ஆட்சி முடிகிறதா?

தூத்துக்குடி தி.மு.க-வில் வெடி!திருப்பம்

Published:Updated:
'முரட்டு பக்தன்' ஆட்சி முடிகிறதா?
பிரீமியம் ஸ்டோரி
'முரட்டு பக்தன்' ஆட்சி முடிகிறதா?
'முரட்டு பக்தன்' ஆட்சி முடிகிறதா?

டந்த 35 வருடங்களாகத் தூத்துக்குடி மாவட்ட தி.மு.க-வையே தனது கட்டுப்பாட்டுக்குள் வைத்திருக்கும் என்.பெரியசாமிக்கு இப்போது நெருக்கடிகள் துளிர்விடத் தொடங்கியிருக்கின்றன. 

எதிர்காலத்தில் இவர் தனக்கு எதிரியாக வருவார் எனத் தெரிந்தால் அவரை வளரவிடாமல் தடுப்பதும், தனக்கு எப்போதுமே விசுவாசியாக இருப்பார் எனத் தெரிந்தால் அவருக்கு முக்கியப் பொறுப்புகள் கொடுத்து தனது பக்கத்திலேயே வைத்துக்கொள்வதும் தி.மு.க-வின் தூத்துக்குடி மாவட்டச் செயலாளரான என்.பெரியசாமியின் வழக்கம். இவரால் பதவிகள் பெற்றவர்களும் உண்டு... ஓரங்கட்டப் பட்டவர்கள், கட்சியைவிட்டே ஓடியவர்களும் உண்டு.

ஆரம்பகாலம் முதல் தி.மு.க தலைவர் கருணாநிதியின் ஏவல்களுக்கு ஏற்ற தொண்டனாக இருந்து செயல்படுவதால் கருணாநிதியின் அன்பைப் பெற்றவராகக் கருதப்படுகிறார் பெரியசாமி. அவரை, ‘கலைஞரின் முரட்டு பக்தன்’ என்றே அழைப்பார்கள். அந்த அளவுக்கு கருணாநிதியின் மனதில் இடம்பிடித்த பெரியசாமியை இதுவரையிலும் யாராலும் ஒன்றும் செய்திட முடியவில்லை. எதிர்த்து நின்றவர்கள்தான் ஒதுக்கப்பட்டிருக்கிறார்கள்.  

ஆனால், சமீபகாலமாக நிலைமை மெல்லமெல்ல மாறி வருகிறது. அ.தி.மு.க-விலிருந்து தி.மு.க-வுக்குத் தாவி, அங்கு பெரியசாமியிடம் முட்டி மோதி சாதிக்க முடியாமல் மீண்டும் அ.தி.மு.க-வுக்குத் திரும்ப முயற்சி செய்தவர் அனிதா ராதாகிருஷ்ணன். கடந்த சில மாதங்களுக்கு முன்பு நடந்த சட்டமன்றத் தேர்தலில் தி.மு.க சார்பில் போட்டியிட்டு திருச்செந்தூர் எம்.எல்.ஏ-வாகவும் ஆனார் அனிதா.     

அவரை அடக்கிவிட்ட தைரியத்தில் இருந்த பெரியசாமிக்கு, ம.தி.மு.க-விலிருந்து தி.மு.க-வுக்குத் தாவி மாநில இளைஞர் அணித் துணைச்செயலாளர் பொறுப்புக்கு வந்திருக்கும் ஜோயல் மூலம் மீண்டும் தலைவலி வந்திருக்கிறது. கூட்டங்களில் பெயரை உச்சரிப்பது, இருட்டடிப்பு செய்வது உள்ளிட்ட தனது வழக்கமான அரசியல் மூலம் ஜோயலை அடக்கிப் பார்த்தார் பெரியசாமி. ஆனாலும் பெரியசாமியால் ஒதுக்கப்பட்டவர்கள், விரட்டப் பட்டவர்கள் என ஒரு டீம், ஜோயல் பக்கம் அணி சேர்ந்துவிட்டது. பெரியசாமியின் தீவிர பக்தர்களான மாவட்ட இளைஞர் அணி அமைப்பாளர்

ஏ.கே.பூபதி, முன்னாள் தூத்துக்குடி யூனியன் சேர்மன் வி.எஸ்.கருணாகரன் உள்ளிட்டவர்கள்கூட இப்போது அனிதா, ஜோயல் ஆகியோர் கொண்ட புதிய அணியைத் தாங்கிப் பிடிக்கத் தொடங்கியி ருக்கிறார்கள்.

ஏ.கே.பூபதி, அனிதா, ஜோயல், கருணாகரன் உள்ளிட்ட பெரியசாமியின் எதிர்ப்பாளர்கள் ஒன்று சேர்ந்து பெரியசாமிக்கு மாற்று வேண்டும் எனப் பேசியிருக்கிறார்கள். அதன் தொடர்ச்சியாகக் கடந்த 6-ம் தேதி தூத்துக்குடியில் மாவட்ட இளைஞர் அணி சார்பில் ஆலோசனைக் கூட்டத்தைக் கூட்டினார் பூபதி. ஜோயல் தலைமை வகித்தார். அனிதா உள்ளிட்ட எதிர்ப்பாளர்கள் அதில் கலந்துகொண்டனர். 

'முரட்டு பக்தன்' ஆட்சி முடிகிறதா?

ஜோயல் பேசும்போது, ‘‘வரும் உள்ளாட்சித் தேர்தலில் அனைத்து இடங்களிலும் தி.மு.க-வே ஜெயிக்க வேண்டும். அதுகுறித்துப் பேசி முடிவெடுக்கவே இந்த ஆலோசனைக் கூட்டத்தைக் கூட்டியிருக்கிறோம். முறையாக அழைப்பு கொடுத்தும் சிலர் வராமல் இருப்பதோடு, இங்கே வருகிற இளைஞர் அணி நிர்வாகிகளை வரவிடாமல் தடுக்கிறார்கள். தளபதியின் கீழ் இயங்கும் இளைஞர் அணி நிர்வாகிகளைத் தடுக்கும் அதிகாரம் இவர்களுக்கு யார் கொடுத்தார்கள்? சரிந்துகிடக்கும் தூத்துக்குடி மாவட்டத்தில் தி.மு.க-வைத் தூக்கி நிறுத்துவதற்குத் தளபதி எங்களுக்கு ஆணையிட்டு உள்ளார். அவரின் உத்தரவை நிறைவேற்றுவதே எங்கள் லட்சியம். அதற்குத் தடையாக இருக்கும் யாரையும் நாங்கள் பொருட்படுத்த வேண்டிய அவசியம் இல்லை’’ என்றார் ஆவேசமாக.

இதுகுறித்து பெரியசாமியிடம் விளக்கம் கேட்டோம். ‘‘என் பெயரைக் கெடுத்து முக்கிய இடத்துக்கு வர ஒரு குரூப் செயல்படுகிறது. நான் என் தலைவருக்கும் தளபதிக்கும் மட்டுமே பயப்படுவேன். வேறு யாருக்கும் பயப்படமாட்டேன். இவர்கள் செய்யும் சில்லரை அரசியல் மூலம் என்னை முடக்க முடியாது. 7-ம் தேதி கூட்டம் நடத்துகிறோம் எனச் சொல்லிவிட்டு, நான் இலக்கிய அணிக் கூட்டத்தில் கலந்துகொண்ட 6-ம் தேதியே கூட்டத்தை நடத்தியிருக்கிறார்கள். அதுமட்டுமில்லாமல், அழைப்பிதழில் கடைசியாக சிறப்பு அழைப்பாளர் எனப் போட்டு என்னை அவமானப்படுத்தி இருக்கிறார்கள். நான் யாரையும் கூட்டத்துக்குப் போகாதீர்கள் என்று சொல்லவில்லை. அப்படியொரு அரசியல் செய்யவேண்டிய அவசியம் எனக்கு இல்லை. 10 பேரைக்கூட முழுதாய் அழைத்துவர முடியாதவர்களை நம்பி அரசியல் பண்ண ஆசைப்படும் இவர்கள். காணாமல் போய் விடுவார்கள். கோவில்பட்டியில், வைகோ தேர்தலில் நிற்காமல் போனதற்குக் காரணம் நான்தான். தேர்தலில் வேட்பாளர் வாய்ப்புக் கிடைக்கவில்லை என்பதால், இப்படி ஒண்ணு சேர்ந்து என்னை எதிர்க்கிறார்கள்’’ என்றார் பக்குவமாக.

எதிரிகளை முளையிலே கிள்ளும் அண்ணாச்சி, இவர்களை என்ன செய்யப் போகிறாரோ? 

- எஸ்.சரவணப்பெருமாள், படங்கள்: ஏ.சிதம்பரம்