Published:Updated:

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்
பிரீமியம் ஸ்டோரி
"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

கே.பாலசுப்பிரமணி - படங்கள்: சொ.பாலசுப்ரமணியன், ஆ.முத்துக்குமார்

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

கே.பாலசுப்பிரமணி - படங்கள்: சொ.பாலசுப்ரமணியன், ஆ.முத்துக்குமார்

Published:Updated:
"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்
பிரீமியம் ஸ்டோரி
"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்
"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

ரு தொகுதி... இரண்டு ஆண்டுகள்... மூன்றாவது முறையாக தேர்தல்... என ஆர்.கே நகர் மீண்டும் பரபரப்பாகி விட்டது.

`இது நீங்கள் விரும்பாத இடைத்தேர்தல்' என்று 2015-ம் ஆண்டு ஜூன் மாதம் ஆர்.கே நகர் தொகுதி மக்களைச் சந்தித்தபோது சொன்னார் ஜெயலலிதா. இப்போது அவரின் மரணத்துக்குப் பிறகு, மீண்டும் மக்கள் விரும்பாத ஓர் இடைத்தேர்தலைச் சந்திக்கிறது ஆர்.கே நகர் தொகுதி.

`ஓட்டுக்கு அஞ்சாயிரம் குடுக்கிறாங்களாம்... இல்லப்பா பத்தாயிரம்... இல்ல இருபதாயிரம். அய்யோ சொக்கா... நமக்கு இல்லை நமக்கு இல்லை...' என வெளியாள்கள் எல்லாம் வாக்குகளுக்கு ரேட்கார்டுகளைப் போட்டுக்கொண்டிருக்க, ஆர்.கே நகர் தொகுதி மக்களோ குடிநீர் கிடைக்காமலும், சாக்கடை வெளியேறும் வசதிகளின்றியும் திண்டாடிக்கொண்டிருக்கிறார்கள். அவர்களை நேரடியாகச் சந்திக்கக் கிளம்பினேன்.

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

ஒட்டுமொத்த விகடனுக்கும் ஒரே ஷார்ட்கட்!

எங்கு பார்த்தாலும் அன்றாடக் கூலிகள். இரும்புத்தகடுகளை வெட்டும் சத்தமும் வெல்டிங் சத்தமும் கேட்டுக்கொண்டேயிருக்கின்றன. சுற்றிச்சுற்றி பீரோக்கள், கட்டில்கள் தயாராகின்றன. சில்வர்பாத்திரங்கள் பளபளப்பாக உருவாகின்றன. மடாங்... மடாங் என இரும்படிக்கும் சத்தம் காதுகளை நிரப்புகிறது.

மறைந்த முதலமைச்சர் ஜெயலலிதா, இந்தத் தொகுதியில் எம்.எல்.ஏ-வாக இருந்தது வெறும் 18 மாதங்கள்தான். ஜெயலலிதா உயிரோடு இருந்தவரை, ஆர்.கே நகரில் பல வேலைகள் அதிரடியாக நடந்திருக்கின்றன. ஆனால், அவருடைய மறைவுக்குப் பிறகு, எல்லாமே தலைகீழாகிவிட்டன.

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

``அவர் உயிரோடு இருந்தவரை, தெருவில் இருக்கும் குப்பைத்தொட்டிகள் நிரம்பியதே இல்லை. மாநகராட்சி வாகனங்கள் தினம் தினம் வந்து குப்பைகளை அள்ளிக்கொண்டு சென்றுவிடும். ஆனால், இப்போது நிரம்பி வழியும் குப்பைகள் அள்ளுவதில் அலட்சியம் காட்டுகிறார்கள்'' என்கிறார் தொகுதிவாசி ரவி.

`முதலமைச்சர் தொகுதி' என்ற அந்தஸ்தை இப்போது ஆர்.கே நகர் இழந்துவிட்டது. தொகுதிவாசிகளிடம் இந்த வருத்தம் நிறையவே இருக்கிறது. `அம்மா இல்லாத தொகுதி ஒரு தொகுதியாகவே இல்லை' என்ற புலம்பல்களை நிறைய பேரிடம் கேட்க முடிகிறது.

ஆர்.கே நகர் தொகுதியில் பெண் வாக்காளர்களே அதிகம். பெரும்பாலும் பெண் வாக்காளர்களிடம் அதிகப்படியான எரிச்சலைப் பார்க்க முடிகிறது.

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

``இன்னிக்கும் மாநகராட்சித் தண்ணி லாரிங்க எப்ப வரும்னு பார்த்துக்குனே குடத்தைத் தூக்கினு ஓடுறோம். சரியான பாத்ரூம் வசதிகூட இல்லை. அம்மா இருந்தப்ப 500 டாஸ்மாக் கடைகளும், இப்ப 500 டாஸ்மாக் கடைகளும் மூடப்போறதா சொன்னாங்க. வெறும் நாலு கடைகளைத்தான் எங்க தொகுதியில மூடியிருக்காங்க. இங்கே இருக்கிற பெரிய பிரச்னையே டாஸ்மாக்தான். சம்பாதிக்கிற பணம் பூராவும் அதுக்கே போயிடுது. வீட்டுக்கு வர்றதில்லை'' என்கிறார் கீதா.

ஆர்.கே நகர் தொகுதிக்கு எனச் சிறப்பான திட்டங்களை ஜெயலலிதா செய்யாவிட்டாலும், தமிழகத்துக்கான திட்டங்கள் அறிவிக்கும்போது, அவற்றை முதன்முதலில் ஆர்.கே நகரில்தான் செயல்படுத்தினார். அது வாக்காளர்களின் மனதில் இப்போதும் இருக்கிறது. ஆனால், அதையும் தாண்டி பல தேவைகளை அடுக்குகிறார்கள் தொகுதி மக்கள். அதில் முதன்மையானது வேலைவாய்ப்பு.

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

``குப்பைகளை அள்ளுவதும், கால்வாய் அடைப்பைச் சரிசெய்வது மட்டுமே தொகுதியை நன்றாகக் கவனித்துக்கொண்டதாக அர்த்தம் இல்லை. இந்தத் தொகுதியில் உண்மையிலேயே வளர்ச்சியை முன்னெடுக்கும் ஒருவர் தேவை. தொழிலாளர்கள் நிறைய பேர் வருகிறார்கள். `ஏதாவது ஒரு வேலை கொடுங்கள்’ எனக் கேட்கிறார்கள். எத்தனை பேருக்குத்தான் நாங்கள் வேலை கொடுப்பது? பின்தங்கிய இந்தத் தொகுதிக்குள் அரசு ஒரு பெரிய ஸ்டீல் தொழிற்சாலை தொடங்கினால் ஆயிரக்கணக்கானோருக்கு வேலை கிடைக்கும்'' என்கிறார் கே.ஜி கார்டன் பகுதியைச் சேர்ந்த முருகன்.

சென்னையின் பிரதான குப்பைமேடான கொடுங்கையூர் குப்பைக்கிடங்கு, ஆர்.கே நகர் தொகுதிக்குள்தான் இருக்கிறது. கொடுங்கையூர் குப்பைக்கிடங்கு குறித்து, மாநகராட்சி ஆய்வறிக்கை மேற்கொண்டது. அதில், இங்கு கொட்டப்படும் குப்பைகள் காரணமாக அந்தப் பகுதியில் வசிக்கும் மக்களுக்கு இதயம், நுரையீரல் பாதிக்கப்படுகின்றன. நிலத்தடிநீர் விஷமாகிறது என்பனவெல்லாம் நிரூபிக்கப்பட்டுள்ளன.ஆனாலும், எந்த நடவடிக்கையும் இதுவரை எடுக்கப்படவில்லை.

ஆர்.கே நகர் தொகுதியில் சற்றே வளர்ச்சியடைந்த பகுதிகளாக இருப்பவை தண்டையார்பேட்டையின் சில பகுதிகளும், திருவள்ளுவர் காலனியும் மட்டும்தான். மற்ற எல்லாமே பின்தங்கிய பகுதிகள். தொகுதியின் பல பகுதிகளில் பல ஆண்டுகளுக்கு முன்பு போடப்பட்ட கழிவுநீர்க் குழாய்கள் எந்தவித பராமரிப்பும் இல்லாமல் இருக்கின்றன.

"வாக்குக்குப் பணம் வாங்கப்போவதில்லை!” - ஆர்.கே. நகரில் நம்பிக்கை குரல்கள்

``ஆர்.கே நகர் தொகுதிக்குள் 12-ம் வகுப்புக்கு மேல் படிப்பவர்கள் மிக மிகக் குறைவு. இத்தனைக்கும் வடசென்னையில்தான் ஸ்டான்லி மருத்துவக் கல்லூரி இருக்கிறது. சென்னை மருத்துவக் கல்லூரியும் வடசென்னையில்தான் இருக்கிறது. ஆனால், இங்கு இருக்கும் மக்கள் நல்ல கல்லூரிகளில் படிக்கவோ, உயர்கல்வி கற்பதற்கான சூழலோ இல்லை'' என்கிறார்கள் தொகுதி மக்கள்.

யார் வெற்றிபெற்றாலும், தொகுதிக்குச் செய்வதாகச் சொல்லும் வாக்குறுதிகளில் பாதியையாவது செய்தால் போதும் என்பதே எதிர்பார்ப்பாக இருக்கிறது.

`வி.ஐ.பி-க்கள் போட்டியிடும் தொகுதியில் எப்படியும் வெற்றிபெற்றே தீர வேண்டும் என்ற கட்டாயத் தேவையிருக்கிறது. அதற்காகத்தான் எங்களைப் போன்ற உழைக்கும் வர்க்கத்தினர் ஏழைமக்கள் வசிக்கும் தொகுதியைத் தேர்வுசெய்கிறார்கள். எங்களின் எல்லா பிரச்னைகளையும் மறக்கடிக்கும் வகையில் பணத்தைக் கொடுத்து எங்களை விலைக்கு வாங்குகிறார்கள்' என்ற வருத்தமான குரலும் தொகுதிக்குள் ஒலிக்கிறது. அதனாலேயே இந்த முறை வாக்குக்குப் பணம் வாங்கப்போவதில்லை என்கிற நம்பிக்கை தரும் குரல்களும் தொகுதிக்குள் பரவலாகக் கேட்கின்றன.

இப்படிச் சொன்னால் போதாது, சொன்னபடி நடக்க வேண்டும் மக்களே! இதனால்தான் தலைவர்களைத் திருத்த முடியும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism