Published:Updated:

கழுகார் பதில்கள்

கழுகார் பதில்கள்

கழுகார் பதில்கள்

ஐ.எஸ்.சீனிவாசன், சென்னை-82

கழுகார் பதில்கள்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

  பால் விலையை உயர்த்திவிட்டார். பஸ் கட்டணத்தையும் அதிகமாக்கி விட்டார். இந்த உயர்வு தவிர்க்க முடியாததா?

##~##

  தவிர்க்க முடியாததுதான். ஆனால்... அதிகப்படியானது.

'2 ரூபாய் கூட்டினாலும் அதே எதிர்ப்புதான், 20 ரூபாய் கூட்டினாலும் அதே எதிர்ப்புதானே’ என்று ஆட்சியாளர்கள் நினைக்கிறார்கள். அடுத்த தேர்தல், அதாவது நாடாளுமன்றத் தேர்தலுக்கு இன்னும் இரண்டு ஆண்டுகள் இருக்கின்றனவே, அதற்குள் மக்கள் மறந்துவிடுவார்கள் என்று நினைக்கிறார்.

எந்த விலையையும் கூட்டாமல் நாட்டின் நிதி நிலைமையைக் கெடுத்தார் கருணாநிதி. எல்லாவற்றையும் கூடுதலாகவே கூட்டி மக்களுக்கு நிதி நெருக்கடி ஏற்படுத்துகிறார் ஜெயலலிதா. இரண்டு பேரின் 'பொருளாதார சிந்தனை’களும் ஆபத்தானவை!

 மணி சுதந்திர குமார், சென்னை-112

கழுகார் பதில்கள்

  அரசியலில் செல்வாக்கு  இல்லாத மன்மோகன்சிங் பிரதமராக தொடர்ந்து இருப்பது எதனால்? யாரால்?

காந்திய வழியில் நடப்பதால்! 'தீயது எதையும் பார்க்காதே’ என்றார் காந்தி. இவரும் ஆட்சியில் நடக்கும் தீயது எதையும் பார்ப்பது இல்லை. நான் காந்தி என்பது, மகாத்மா காந்தியை அல்ல... சோனியா காந்தியை!

 என்.சண்முகம், திருவண்ணாமலை

கழுகார் பதில்கள்

'ராமராஜ்யம் அமைப்போம்’ என்கிறாரே பா.ஜ.க. தலைவர் நிதின் கட்காரி?

  ராமராக யார் என்பதுதானே பிரச்னை?

 எம்.கல்யாண சுந்தரம், கோயம்புத்தூர்

கழுகார் பதில்கள்

  உத்தரப் பிரதேசத்தை நான்காகப் பிரிக்க மாயாவதி ஆசைப்படுவதின் நோக்கம்?

  அடுத்த ஆண்டு நடக்கப்போகும் உ.பி. மாநில சட்டசபைத் தேர்தலில் வெற்றிபெற மாயாவதி கண்டுபிடித்திருக்கும் மாய வழி இது. பூர்வாஞ்சல், அவத் பிரதேசம், பஸ்சிம் பிரதேசம், புந்தேல்கண்ட் என நான்கு மாநிலமாகப் பிரிக்கும் யோசனையில் மக்கள் மயங்கிவிடுவார்கள் என அவர் நினைக்​கிறார். மற்ற கட்சிகள் இதை ஏற்கவும் முடியாமல், எதிர்க்கவும் முடியாமல் திணறுகின்றன. இந்தத் தீர்மானம் உ.பி. சட்டமன்றத்தில் நிறைவேறினாலும் நாடாளுமன்றத்தில் நிறைவேறுவது கஷ்டம்தான். ஆனால், மாயா​வதியின் வெற்றி எளிமையாகி இருக்கிறது!

 தி.முருகேசன், கோவில்பட்டி

கழுகார் பதில்கள்

  காவல் துறைதான் எல்லாக் குற்றவாளி​களையும் கைது செய்கிறது. விசாரிக்கிறது. பிறகு ஏன், நீதிமன்றக் காவல், காவல் துறைக் காவல் என்று பிரித்துச் சொல்கிறார்கள்?

  ஒருவரைக் கைது செய்து 24 மணி நேரம்தான் காவல் துறை வைத்திருக்க முடியும். இதற்கு காவல் துறைக் காவல் என்று பெயர். குற்றவாளியை நீதிமன்றத்தில் ஆஜர்படுத்தியதும், நீதிபதிதான் அந்தக் குற்றவாளியை சிறைவைக்க உத்தரவிடுகிறார். இதற்கு நீதிமன்றக் காவல் என்று பெயர்.

காவல்துறை காவலில் எதுவும் நடக்க​லாம். நீதிமன்றக் காவலில் இருப்பவர் மீது எது நடந்தாலும்... பதில் சொல்லியாக வேண்டும்!

 பொன்விழி, அன்னூர்

கழுகார் பதில்கள்

பெரியார், அண்ணா இருவருக்கும் இடையே விரிசலை ஏற்படுத்திய விஷயம் என்ன?

  மணியம்மையை பெரியார் திருமணம் செய்துகொண்டதுதான் என்று அப்போது சொல்லப்பட்டது. ஆனால், மிக நீண்ட இடைவெளிக்குப் பிறகு, 'மணியம்மை இல்லாவிட்டால் பெரியார் இவ்வளவு காலம் ஆரோக்கி யத்துடன் இருந்திருக்க முடியாது’ என்று அண்ணாவே ஒப்புக்கொண்டார். எனவே, அந்தக் காரணம் அடிபட்டு விட்டது.

கழுகார் பதில்கள்

பெரியாரின் அதிகமானக் கட்டுப்பாடுகளும் அண்ணாவுக்கு இருந்த தேர்தல் அரசியல் மீதான ஆர்வமும்தான் விரிசலுக்குக் காரணமானது. அதனால்தான் பெரியாரிடம் இருந்து பிரிந்து தனிக் கட்சி ஆரம்பித்த அண்ணா, 'தலைமை நாற்காலியை பெரியாருக்காக காலியாக வைத்திருக்கிறேன்’ என்றார். அதை விரிசல் என்பதை​விட, 'இடையில் ஏற்பட்ட சிறு தடங்கல்’ எனலாம்!

 நித்திலா செல்வராஜ், வில்லிவாக்கம்

கழுகார் பதில்கள்

  'மேற்கு வங்காளத்திற்கு வெண்ணெயும் தமிழகத்திற்கு சுண்ணாம்பும் தடவும் மத்திய அரசின் கண்ணோட்டம் கண்டிக்கத்தக்கது’ என்கிறாரே ஜெயலலிதா?

  மன்மோகனைவிட மம்தா மீது அம்மாவுக்கு என்ன கோபம் எனத் தெரியவில்லை. அதைப் பின்னர் கண்டுபிடிப்போம். ஆனால், இவ்வளவு பெரிய குற்றச்சாட்டை ஜெயலலிதா வைத்த பிறகும் பிரதமர் மௌனம் சாதிப்பது அதைவிடக் கண்டிக்கத்தக்கது!

 ஆர்.ஜேஸ்மின் ரமேஷ், கம்பம்

கழுகார் பதில்கள்

  'எலைட்’ ஐடியா நமக்கு வராமல் போச்சே என்று கருணாநிதி வருத்தப்பட்டு இருப்பாரா?

வருத்தம் ஏற்பட்டிருக்க வாய்ப்பு இல்லை. தமிழ் நாட்டில் சாராயக் கடைகளை 1970-களில் திறந்தவர் அவர். எம்.ஜி.ஆர். காலத்தில் அது, கள்ளுக் கடைகளாகத் தொடர்ந்தது. 'அதை அரசாங்கமே விற்றால் என்ன?’ என்று ஜெயலலிதா முடிவெடுத்து, 'டாஸ்மாக்’குக்கு உயிர் கொடுத்தார். அவர் செய்தபோது திட்டிய கருணாநிதி, தான் ஆட்சிக்கு வந்தபோதும் அதையே பின்பற்றினார். இப்போது வரப்போகிறது 'எலைட்’. 'திராவிட இயக்கத்தின் பரிணாம வளர்ச்சி’ என்று இதைச் சொல்லலாம்!

'குடியாட்சி’ என்பதற்கு இப்படி ஒரு விளக்கம் இருக்கிறது என்பதை உணர்த்திவிட்டார்கள் நமது முதல்வர்கள்!

 தி.தமிழினியன், விழுப்புரம்

கழுகார் பதில்கள்

  ஜாமீனில் வெளியே வந்த முன்னாள் அமைச்சர் பொன் முடியை வரவேற்க 100 கார்களுக்கு மேல் சென்றுள்ளதே?

கூட்டுறவு சங்கத்துக்குச் சொந்தமான நிலத்தை தன்னுடைய குடும்ப டிரஸ்ட்டுக்கு மாற்றியதாக ஒரு புகார்... பஞ்சமி நிலத்தை இன்னொருவர் பெயருக்கு வாங்கி தன்னுடைய வசதிக்குப் பயன்படுத்தியதாக ஒரு புகார்... விழுப்புரம் பேருந்து நிலையத்துக்குச் சொந்தமான இடத்தில் தளபதி திடல் உருவாக்கியதாக ஒரு புகார்... என எத்தனையோ 'எம்.ஏ.’ பட்டங்களைப் போலவே புகார்களும் குவிந்தன. இதில் ஜாமீனில்தான் வந்துள்ளார் பொன்முடி. காரும் டீசலும் கிடைத் தால்... அணிவகுக்க வேண்டியதுதானே!

 இரா.வளையாபதி, தோட்டக்குறிச்சி

கழுகார் பதில்கள்

  வெளிநாட்டு வங்கிகளில் நம்மவர்கள் முடக்கிவைத்துள்ள கறுப்புப் பணம் குறித்து பிரான்ஸ் அரசு அளித்துள்ள தகவல்களில், இந்திய வருமான வரித் துறைக்கு ரூ 80 கோடி வருமானமாமே?

  பதுக்கிவைத்துள்ள பணத்தோடு ஒப்பிடும் போது, இந்த 80 கோடி வெறும் டிப்ஸ் சார்!

கழுகார் பதில்கள்