Published:Updated:

அடுத்த ஜனாதிபதி?

அடுத்த ஜனாதிபதி?
பிரீமியம் ஸ்டோரி
அடுத்த ஜனாதிபதி?

மு.நியாஸ் அகமது

அடுத்த ஜனாதிபதி?

மு.நியாஸ் அகமது

Published:Updated:
அடுத்த ஜனாதிபதி?
பிரீமியம் ஸ்டோரி
அடுத்த ஜனாதிபதி?

த்வானி முதல் எம்.எஸ்.சுவாமிநாதன் வரை ஜனாதிபதி வேட்பாளராக முணுமுணுக்கப்பட்ட சூழலில், யாரும் எதிர்பாராதவண்ணம் பீகார் ஆளுநர் ராம்நாத் கோவிந்தை வேட்பாளராக அறிவித்திருக்கிறது பி.ஜே.பி.

 உத்தரப்பிரதேசம் கான்பூரைப் பூர்வீகமாகக் கொண்ட ராம்நாத் கோவிந்த், கான்பூர் பல்கலைக்கழகத்தில் சட்டம் பயின்று 1977 முதல் 1979 வரையில் டெல்லி உயர் நீதிமன்றத்தில் அரசு வழக்கறிஞராக இருந்தவர். பின், உச்ச நீதிமன்றத்தில் 16 ஆண்டுகாலம் வழக்கறிஞராக இருந்தார். இந்தக் காலகட்டத்தில் தலித் ஒடுக்குமுறைகளுக்கு எதிரான வழக்குகளை இலவசமாக எடுத்து நடத்தியதால், தலித் மக்கள் மத்தியில் பிரபலமானார்.

அடுத்த ஜனாதிபதி?

கல்லூரிக் காலத்திலேயே அரசியல் ஈடுபாடு கொண்டவராக இருந்தாலும், அவர் தீவிர அரசியலில் இறங்கியதும், பி.ஜே.பி-யில் முதன்மைபெற்றதும் 90-களின் மத்தியில்தான். 1994-ல் உத்தரப்பிரதேசத்திலிருந்து ராஜ்ய சபாவுக்குத் தேர்ந்தெடுக்கப்பட்டு தொடர்ந்து 12 ஆண்டுகள் எம்.பி-யாக இருந்தார். 1999 - 2002 இடையிலான காலகட்டத்தில், பி.ஜே.பி-யின் ஒடுக்கப்பட்டவர்களுக்கான அமைப்பின் தலைவராக இருந்தார். 2012-ல் உத்தரப்பிரதேச பொதுத்தேர்தலில், மாயாவதிக்காக தலித் ஆதரவை வீழ்த்த இவர் செய்த தீவிர பிரசாரம், இவரை ராஜ்நாத் சிங்குக்கு நெருக்கமாக்கியது. பி.ஜே.பி-யின் தலைவராக நரேந்திர மோடி பொறுபேற்றபின், ராம்நாத் கோவிந்துக்குக் கட்சிக்குள் முக்கியப் பதவிகள் வழங்கப்பட்டன. பாராளுமன்றக் குழுக்களிலும் அங்கம் வகித்தார். இதைத் தொடர்ந்து பீகார் ஆளுநராக 2015-ம் ஆண்டு நியமிக்கப்பட்டார்.

பி.ஜே.பி தொடர்ந்து தங்கள் மீது விழும், தலித் விரோதி என்ற எதிர்ப்பில் இருந்து மீண்டு வரத்தான் இவரை முன்மொழிகிறது என்கிற விமர்சனங்களும் எழுந்துள்ளன.கோத்ரா சம்பவம் சர்வதேச அளவில் பி.ஜே.பி-க்கு அவப்பெயரை ஏற்படுத்தியபோது, அதிலிருந்து மீள அப்துல் கலாமை ஜனாதிபதியாக முன்னிறுத்தி வெற்றிபெற வைத்ததுபோல, இப்போது தலித் விரோதி பிம்பத்திலிருந்து மீள ராம்நாத்தை முன்னிறுத்தி இருக்கிறார்கள் என்கிறது எதிர்த்தரப்பு.

அரசியல் தந்திரங்களையெல்லாம் கடந்து, ராம்நாத் வெற்றிபெற்று ஒடுக்கப்பட்டவர்களின் குரலாக அவர் ஒலித்தார் என்றால்,  எல்லோருக்குமே மகிழ்ச்சிதான்!