Published:Updated:

சல்மான் குர்ஷித் பதவி விலக வேண்டும்: பழ.நெடுமாறன் வலியுறுத்தல்

சல்மான் குர்ஷித் பதவி விலக வேண்டும்: பழ.நெடுமாறன் வலியுறுத்தல்
சல்மான் குர்ஷித் பதவி விலக வேண்டும்: பழ.நெடுமாறன் வலியுறுத்தல்
சல்மான் குர்ஷித் பதவி விலக வேண்டும்: பழ.நெடுமாறன் வலியுறுத்தல்

மதுரை: "மத்திய வெளியுறவுத்துறை அமைச்சர் சல்மான் குர்ஷித் உடனடியாக பதவி விலக வேண்டும்" என்று பழ.நெடுமாறன் வலியுறுத்தியுள்ளார்.

‘இலங்கையை நட்பு நாடு அல்ல என்று அறிவிக்க வேண்டும். அந்நாட்டின் மீது பொருளாதாரத்தடை விதிக்க வேண்டும். தனி ஈழம் குறித்து பொது வாக்கெடுப்பு நடத்த வேண்டும்‘ என்று தமிழக சட்டசபையில் தீர்மானம் நிறைவேற்றப்பட்டது தெரிந்ததே.

இது குறித்து தனியார் தொலைக்காட்சி ஒன்றுக்குப் பேட்டியளித்த மத்திய வெளியுறவுத்துறை அமைச்சர் சல்மான் குர்ஷித், இந்த மூன்று கோரிக்கைகளையும் நிராகரிப்பதாக கூறினார்.

மேலும், இந்தக் கோரிக்கைகளை ஏற்கும் கேள்விக்கே இடமில்லை. ஒரு மாநிலம் குறிப்பிட்ட ஒரு விஷயத்தை ஆதரித்தால் அந்த உணர்வுகளை நாங்கள் மதிக்கிறோம். ஆனால், அதை அப்படியே ஏற்க வேண்டும் என்ற அவசியம் எங்களுக்கு இல்லை என்று கூறியிருந்தார்.

##~~##
அவரது இந்த பதில் தமிழ் உணர்வாளர்களை கொந்தளிக்கச் செய்துள்ளது. நேற்று மதுரை வந்த பழ.நெடுமாறனிடம் இதுபற்றி நிருபர்கள் கேட்டனர்.
அப்போது, "அமைச்சர் சல்மான் குர்ஷித்தின் இந்தப் பேச்சை கடுமையாகக்  கண்டிக்கிறேன். ஈழத் தமிழர் பிரச்னையை வெறுமனே ஒரு மாநிலத்தின் பிரச்னைபோல பேசியிருப்பதன் முலம், அவர் மத்திய அமைச்சராக இருக்கவே தகுதி இல்லாதவர் என்பதை நிரூபித்துள்ளார். உடனடியாக அவர் அமைச்சர் பதவியில் இருந்து விலக வேண்டும். தமிழ் ஈழ ஆதரவாளர்கள் அனைவரும் இந்தக் கோரிக்கையை தொடர்ந்து வலியுறுத்துவோம்" என்றார்.
கே.கே.மகேஷ்