Published:Updated:

‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’

‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’
பிரீமியம் ஸ்டோரி
‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’

முரளிதர் ராவ் விளக்கம்

‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’

முரளிதர் ராவ் விளக்கம்

Published:Updated:
‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’
பிரீமியம் ஸ்டோரி
‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’

அ.தி.மு.க அணிகள் இணைப்பு, தினகரன் அணி எதிர்ப்பு, அமித் ஷா தமிழகப் பயணம் தள்ளிவைப்பு என அரசியல் களம் அனல் பரக்கிறது. இந்நிலையில், சென்னை வந்த பி.ஜே.பி-யின் தமிழகப் பொறுப்பாளர் முரளிதர் ராவைச் சந்தித்தோம்.

‘‘அ.தி.மு.க அணிகள் இணைப்பு தினத்தில் விமர்சனங்கள் உருவாகும் என்பதால்தான் அமித் ஷாவின் பயணம் தள்ளிப் போடப்பட்டதா?’’

‘‘இல்லை. பி.ஜே.பி-யின் முதல்வர்கள் மாநாட்டில் பங்கேற்பதாலும் ஐக்கிய ஜனதா தளம், பி.ஜே.பி கூட்டணியில் இணைய பேச்சுவார்த்தை நடப்பதாலும் தான் தள்ளிப்போனது.’’

‘‘அ.தி.மு.க-வுக்கும் பி.ஜே.பி-க்கும் இருப்பது கிவ் அண்ட் டேக் பாலிசி!’’

‘‘இந்த இணைப்புக்கான ஸ்க்ரிப்ட், பி.ஜே.பி உருவாக்கிக் கொடுத்ததாக எதிர்க்கட்சிகள் சொல்கின்றனவே?’’

‘‘இது தவறான கருத்து. ஒற்றுமையாக இல்லாமல் போனால் அது கட்சியைப் பலவீனப்படுத்தி, தி.மு.க-வுக்குச் சாதகமாகப் போகும். அப்படி நடந்தால் அம்மா ஆத்மா சும்மா விடாது. புரிந்தவர்கள், பேசிப் பிரச்னைகளைத் தீர்த்துக்கொண்டனர்.

‘‘தமிழ்நாட்டில் ஒரு பினாமி ஆட்சியை, பி.ஜே.பி நடத்துகிறது என எதிர்க்கட்சிகள் குற்றம் சாட்டுகிறதே...’’

‘‘எங்களுக்குள் இருப்பது ‘கிவ் அண்ட் டேக் பாலிசி’தான். ஜெயலலிதா இருந்தவரை, மோடிஜிக்கு ஆதரவாக இருந்தார். அம்மா மறைவுக்குப் பிறகு, ஓ.பி.எஸ், ஈ.பி.எஸ் இருவரும் எங்கள் ஜனாதிபதி, துணை ஜனாதிபதி வேட்பாளர்களை ஆதரித்தார்கள். ஒப்பீட்டளவில் தி.மு.க-வைவிட அ.தி.மு.க பரவாயில்லை. ஒவ்வொரு முறை மோடிஜியைச் சந்திக்கும்போதும், ‘ஊழலற்ற ஆட்சியை வழங்குவோம்’ என்றே ஈ.பி.எஸ், ஓ.பி.எஸ் இருவரும் உத்தரவாதம் கொடுத்துள்ளனர். அந்த நம்பிக்கை உள்ளது. வரும் நாடாளுமன்றத் தேர்தலில், தென் இந்தியாவிலிருந்து பெரும்பான்மை எம்.பி-க்கள் வெற்றிபெற ‘மிஷன் சவுத்- 2019’ என்ற திட்டமே வகுத்துள்ளார், அமித் ஷா. மற்றவர்கள்  முதுகில் சவாரி செய்து கட்சியை வளர்க்கும் அவசியம் எங்களுக்கில்லை.’’

‘‘ஜி.எஸ்.டி., நீட் என மத்திய அரசின் கொள்கைகள் மக்கள் மீது திணிக்கப்பட்டு, மாநிலங்களின் உரிமைகள் பறிக்கப்படுகின்றனவே?’’

‘‘ஒவ்வொரு பொருளின் வரியும் ஜி.எஸ்.டி கவுன்சிலால் முடிவெடுக்கப்பட்டது. இதில் அனைத்து மாநில அமைச்சர்களும் பிரதிநிதிகளாகப் பங்கேற்றனர்.  பி.ஜே.பி தன்னிச்சையாக செய்யவில்லை. நீட் தேர்வைப் பொறுத்தவரை, உச்ச நீதிமன்ற உத்தரவின் அடிப்படையிலேயே தொடர்கிறது.’’

‘‘நடிகர் ரஜினியின் அரசியல் முயற்சி, மெர்சல் இசை வெளியீட்டில் வெளிப்பட்ட விஜய்யின் அரசியல்... இதையெல்லாம் எப்படிப் பார்க்கிறீர்கள்?’’

‘‘ஊழலற்ற ஆட்சி, மக்களுக்கான வளர்ச்சி... இதுவே பி.ஜே.பி-யின் கொள்கை. இதற்கு ஆதரவாக ரஜினி, விஜய் வந்தால் வரவேற்போம்.’’

- சே.த.இளங்கோவன்
படம்: ஜெ.வேங்கடராஜ்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism