Published:Updated:

சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!
பிரீமியம் ஸ்டோரி
சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

Published:Updated:
சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!
பிரீமியம் ஸ்டோரி
சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

டப்பாடி ஆட்சிக்கு தினகரன் வைத்த ஆசிட் டெஸ்டில், எதிர்வினையாக தினகரனின் ஆதரவு எம்.எல்.ஏ-க்கள் 18 பேரின் எம்.எல்.ஏ பதவி பறிபோயிருக்கின்றன. அடுத்து என்ன ஆகும்? பதவியை இழந்து நிற்கும் தினகரன் ஆதரவு எம்.எல்.ஏ-க்கள் சிலரிடம் பேசினோம்.

சபாநாயகர் எல்லோருக்கும் பொதுவானவர் - தகுதி நீக்க எம்.எல்.ஏ-க்கள் தடாலடி!

தங்கத்துரை (நிலக்கோட்டை): ‘‘நான் ஒரு வழக்கறிஞர். சட்டப்படி, எங்களை நீக்க சபாநாயகருக்கு எந்த உரிமையுமில்லை. எடப்பாடி ஆட்சியின் நம்பிக்கை வாக்கெடுப்பில், எதிர்த்து வாக்களித்த பன்னீர்செல்வம் மற்றும் அவருடைய ஆதரவு எம்.எல்.ஏ-க்கள் 12 பேர் மீது எந்த நடவடிக்கையையும் சபாநாயகர் எடுக்கவில்லை. அப்போது, மேஜை மீது ஏறி தி.மு.க-வினர் ஆர்ப்பாட்டம் நடத்தினார்கள். நானும் உரிமைமீறல் குழுவில் இருந்தேன். அப்போது, தி.மு.க எம்.எல்.ஏ-க்கள் வருத்தம் தெரிவித்தனர். அதைத் தொடர்ந்து, அவர்களை சபாநாயகர் மன்னித்தார். ஆனால், ‘முதல்வர் மீது நம்பிக்கையில்லை... அவரை மாற்றுங்கள். இது, அம்மாவின் ஆட்சி. அது தொடரட்டும்’ என்றுதான் கவர்னரிடம் மனு அளித்தோம். அதற்காகத் தகுதிநீக்கம் செய்திருப்பது ஜனநாயகப் படுகொலை. இதை, சட்டரீதியாக எதிர்கொண்டு வெற்றிபெறுவோம். முதல்வரால் சுயமாகச் சிந்திக்க முடியவில்லை. முதல்வரும், துணை முதல்வரும் பதவிக்காக எதையும் செய்யக்கூடிய நிலையில் இருக்கிறார்கள்.”

சுந்தரராஜன் (ஒட்டப்பிடாரம்):
“தகுதிநீக்கம் செய்ததாக அறிவித்ததால் எதுவும் ஆகிவிடப் போவதில்லை. இதை நான் பெரிதாகவே எடுத்துக்கொள்ளவில்லை. இந்த அறிவிப்பைச் சட்டப்படி எதிர்கொண்டு ஜெயிப்போம். என் தொகுதிக்கு நான் என்னென்ன செய்துள்ளேன் என்ற பட்டியலைத்தரத் தயாராக இருக்கிறேன்.”

உமா மகேஷ்வரி (விளாத்திகுளம்):
“எம்.எல்.ஏ-வாகப் பதவியேற்ற இந்த ஒன்றரை ஆண்டில் தொகுதிக்கு ஏராளமாகச் செய்திருக்கிறேன். தொகுதிக்குச் சென்றவுடன், அதை ஒரு பட்டியலாகவே தரவிருக்கிறேன். தகுதிநீக்கம் செய்து அறிவித்தச் சதியை நீதிமன்றம் மூலம் முறியடிப்போம்.”

மாரியப்பன் கென்னடி (மானாமதுரை):
“எங்களைப் பதவிநீக்கம் செய்தது ஜனநாயகப் படுகொலை. இதற்காக, சபாநாயகரை மக்கள் கடுமையாக விமர்சிக்கிறார்கள். நீதிமன்றத்தில் வழக்குத் தொடர்ந்துள்ளோம். மக்கள் செல்வாக்கு எங்களுக்கு இருக்கிறது. இன்னும் ஒருசில நாள்களில் தொகுதிக்குச் சென்று மக்களைச் சந்திக்க உள்ளேன்.

எம்.எல்.ஏ அலுவலகத்துக்கு, இவர்கள் நினைத்தவுடன் பூட்டுப்போட முடியாது. முதலில், நோட்டீஸ் கொடுக்க வேண்டும். பிறகு, நாங்கள் விளக்கம் கொடுக்க வேண்டும். முதலமைச்சர் எடப்பாடி பழனிசாமி, சபாநாயகருக்கு நெருக்கடி கொடுத்திருக்கிறார். எங்களை நீக்க வேண்டும் என்கிற எண்ணம் துளிகூட சபாநாயகருக்கு இருக்காது. தொண்டர்களையும் மக்களையும் குழப்புவதற்காக, இப்படியோர் அறிவிப்பை வெளியிட்டுள்ளனர்”

முத்தையா (பரமக்குடி): “தகுதிநீக்கம் தொடர்பாக நீதிமன்றம் சென்றுள்ளோம். முதல்வரை மாற்ற வேண்டும் என்று சொன்னதைத் தவிர, வேறு வகையில் நாங்கள் கட்சிக்கு எதிராக நடக்கவில்லை. எங்கள் பக்கம் நியாயம் உள்ளதால், நிச்சயம் வெற்றிக் கிடைக்கும். தொகுதிப் பணிகளைப் பொறுத்தமட்டில், ஏராளமான கோரிக்கைகளை முதல்வரிடமும், அமைச்சர்களிடமும் வைத்திருந்தேன். ஆனால், எதையும் அவர்கள் நிறைவேற்றித் தரவில்லை. நிறைவேற்றப்பட்ட பணிகளிலும் அமைச்சர் மணிகண்டனின் தலையீடு அதிகமாக உள்ளது. இதனை முதல்வர் கட்டுப்படுத்தவில்லை. எனவேதான், தினகரன் பக்கம் நிற்கிறோம்.”

கோதண்டபாணி (திருப்போரூர்):
“நாங்கள் நிதானமான நிலையிலேயே இருக்கிறோம். நீதி எங்களுக்குக் கிடைக்கும். அந்த நம்பிக்கையில் இருக்கிறோம். அதில் வெற்றிபெற்று மீண்டும் சட்டமன்றம் செல்வோம். நாங்கள், கட்சிமாறிச் சென்றிருந்தால் எங்கள் மீது நடவடிக்கை எடுத்திருக்கலாம். ஆனால், நாங்கள் கட்சியைவிட்டுச் செல்லவில்லை. நியாயம் கேட்பது ஓர் உரிமைமீறல் கிடையாது. எங்களை மட்டும் தகுதிநீக்கம் செய்திருக்கிறார்கள். சபாநாயகர் என்பவர் எல்லோருக்கும் பொதுவானவர். எதிர்க்கட்சியினர் நீதிமன்றம் சென்றுள்ளனர், கவர்னரைச் சந்தித்துள்ளனர். அவர்கள் மீது ஏன் நடவடிக்கை எடுக்கவில்லை?” .

- ஆர்.குமரேசன், இரா.மோகன், பா.ஜெயவேல், இ.கார்த்திகேயன், தெ.பாலமுருகன்
படம்: அ.குரூஸ்தனம்

ஒட்டுமொத்த விகடனுக்கும் ஒரே ஷார்ட்கட்!