Published:Updated:

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!
பிரீமியம் ஸ்டோரி
எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

Published:Updated:
எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!
பிரீமியம் ஸ்டோரி
எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

டி.டி.வி.தினகரனை ஓட ஓடத் துரத்திக் கொண்டிருந்தார் தமிழக முதல்வர் எடப்பாடி பழனிசாமி. ஆர்.கே.நகர் தேர்தலைப் பறிகொடுத்து, ஆட்சியில் இருந்த பிடியை நழுவவிட்டு, கட்டுப்பாட்டில் இருந்த கட்சியை இழந்து... அரசியலில் வாழ்வா சாவா எனத் திசைதெரியாமல் ஓடிக்கொண்டிருந்தார் தினகரன். அவருக்கு சென்னை உயர் நீதிமன்றம் கொஞ்சம் நம்பிக்கை முனையைக் காட்டியுள்ளது.

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

வரலாற்று முரண்!

தினகரன் ஆதரவு எம்.எல்.ஏ-க்கள் 18 பேரை தகுதிநீக்கம் செய்து, சபாநாயகர் தனபால் செப்டம்பர் 18-ம் தேதி உத்தரவு பிறப்பித்தார். அரசு கெஜட்டில் ஒரே நாளில் அந்த உத்தரவு இடம்பிடித்தது. அவர்களின் தொகுதிகள் காலியாக இருப்பதாக, தேர்தல் ஆணையத்துக்கும் தகவல் போனது. நம்பி வந்தவர்களின் பதவி பறிபோனதால்,  நிராயுதபாணியாக நிறுத்தப்பட்டார் தினகரன். அத்தனை வழிகளும் அடைக்கப்பட்ட நிலையில், இந்த 18 பேரும் சென்னை உயர் நீதிமன்றத்தில் முறையிட்டனர்.

18 எம்.எல்.ஏ-க்களுக்கும் ‘கவுன்சில் ஆன் ரிக்கார்டு’ ஆக இருந்து வழக்கறிஞர் ராஜா செந்தூர் பாண்டியன் மனு தாக்கல் செய்தார். அந்த மனுக்களை விசாரித்த சென்னை உயர் நீதிமன்றம் வழங்கிய உத்தரவுதான்,  தினகரனுக்கு இடைக்கால இளைப்பாறுதலைக் கொடுத்துள்ளது. ‘சட்டமன்றத்தில் நம்பிக்கை வாக்கெடுப்பை நடத்த வேண்டும்’ என தி.மு.க போட்ட வழக்கும், தினகரன் அணியின் 18 எம்.எல்.ஏ-க்கள் தாக்கல் செய்த மனுக்களும் ஒன்றாக இணைக்கப்பட்டு விசாரிக்கப்பட்டது ஒரு வரலாற்று முரண்! 

டெல்லியின் சட்டப்புலிகள்!

செப்டம்பர் 20-ம் தேதி... சென்னை உயர் நீதிமன்றம், இந்தியாவின் தலைசிறந்த வழக்கறிஞர்களின் வாதக்களமாக மாறியது. உச்ச நீதிமன்றத்தில் உறுமும் கபில் சிபல், துஷ்யந்த் தவே, சல்மான் குர்ஷித், ராகேஷ் திரிவேதி, அரிமா சுந்தரம், சி.எஸ்.வைத்தியநாதன், அமரேந்தர் சரண் உள்ளிட்ட அத்தனை சட்டப்புலிகளும் வாதங்களால் மோதிக்கொண்டனர்.

ஒட்டுமொத்த விகடனுக்கும் ஒரே ஷார்ட்கட்!

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

தினகரன் அணி எம்.எல்.ஏ-க்கள் சார்பில் துஷ்யந்த் தவே, சல்மான் குர்ஷித், ராஜா செந்தூர் பாண்டியன் ஆஜராகினர். மூத்த வழக்கறிஞர் துஷ்யந்த் தவே,  “18 எம்.எல்.ஏ-க்களை சபாநாயகர் தகுதிநீக்கம் செய்திருப்பது இயற்கை நீதிக்கு எதிரானது. இதற்கு ஒரே ஒரு சரியான-நேர்மையான-முறையான காரணத்தைக்கூட சொல்லவில்லை. அவர் சொல்லியிருக்கும் காரணங்கள் அனைத்தும் ஒருதலைபட்சமானவை. ‘கவர்னரிடம் இந்த 18 எம்.எல்.ஏ-க்கள் கொடுத்த கடிதம் பற்றி கவர்னரிடமிருந்து முதல்வருக்குத் தகவல் வந்ததா... வந்தது என்றால் என்ன முறையில் வந்தது... அது தொடர்பான ஆவணங்கள் என்ன... அ.தி.மு.க கொறடா எந்த அடிப்படையில் சபாநாயகரிடம் புகார் கொடுத்தார்?’ இவைபற்றி இதுவரை எந்தத் தகவலும் இல்லை.

இதை அறிந்துகொள்ள, சபாநாயகரைச் சந்தித்து ஆவணங்களைக் கேட்டுள்ளார் எங்கள் தரப்பு ‘கவுன்சில் ஆன் ரிக்கார்டு’. கடைசிவரை அந்த ஆவணங்களைக் கொடுக்கவில்லை. தேவையான ஆவணங்களைக் கொடுக்காமல், வெறுமனே நாள்களை மட்டும் இழுத்தடித்தால், அது போதுமான காலஅவகாசம் கொடுத்ததாக அர்த்தம் ஆகாது. எடியூரப்பா முதல்வராக இருந்தபோது கர்நாடக சபாநாயகர் இதேபோன்ற ஒரு முடிவை எடுத்தபோது, உச்ச நீதிமன்றம் அதைத் தடை செய்தது. இங்கும் அதே நிலைதான். 18 எம்.எல்.ஏ-க்கள் கட்சி மாறவில்லை; ஆட்சிக்கு எதிராகச் செயல்படவில்லை. மாறாக, ஆட்சியில் ஊழல் மலிந்திருப்பதால் திறமையற்ற முதல்வரை மாற்ற வேண்டும் என்று குறிப்பிட்டு மட்டுமே கவர்னரிடம் கடிதம் கொடுத்துள்ளனர். இதில் எங்கே கட்சித்தாவல் வருகிறது?

உண்மையிலேயே, கடந்த முறை சட்டமன்றத்தில் நம்பிக்கை வாக்கெடுப்பு நடந்தபோது, இந்த அரசாங்கத்துக்கு எதிராக வாக்களித்த ஓ.பன்னீர்செல்வம் உள்பட 11 பேர் மீது இந்த நிமிடம் வரை எந்த நடவடிக்கையும் எடுக்கப்படவில்லை; நடவடிக்கை எடுப்பதற்கான நடவடிக்கை எதுவும் தொடங்கக்கூட இல்லை. அதை இந்த நீதிமன்றம் கருத்தில் கொள்ள வேண்டும். தமிழக அரசை டெல்லியிலிருந்து சிலர் தவறாக வழிநடத்துவதால்தான் இதுபோன்ற முடிவுகள் இங்கே எடுக்கப்படுகின்றன. இந்த விஷயத்தில் தமிழக அரசு, அரசியல் சாசனத்துக்கு எதிரான வேலைகளில் ஈடுபடுவதைக் கைவிட வேண்டும்’’ என்று வாதிட்டார்.

எதிர்க் கட்சியோடு இணைந்து செயல்படுகின்றனர்!

சபாநாயகர் சார்பில் ஆஜரான மூத்த வழக்கறிஞர் அரிமா சுந்தரம், “அரசியல் சாசனத்தை மீறும் நடவடிக்கைகள் எதிலும் சபாநாயகர் ஈடுபடவில்லை. சட்டசபை நடத்தை விதிகளின்படி, முறையான காலஅவகாசம் கொடுத்தே சபாநாயகர் நடவடிக்கை எடுத்துள்ளார். தினகரன் தரப்பு எம்.எல்.ஏ-க்கள் எதிர்க் கட்சிகளுடன் இணைந்து முதல்வருக்கு எதிராகச் செயல்படுவதும், கவர்னரிடம் கடிதம் கொடுப்பதும், அதைக் கொறடாவுக்குத் தெரியப்படுத்தாமல் இருப்பதும் விதிமுறை மீறல்கள் அல்லாமல் வேறென்ன? டெல்லியிலிருந்து யாரும் தமிழக அரசைத் தவறாக வழி நடத்தவில்லை” என்றார். அப்போது குறுக்கிட்ட துஷ்யந்த் தவே, “சபாநாயகர்தான் முதல்வரோடு இணைந்து செயல்படுகிறார். அவர் சபாநாயகராகச் செயல்படவில்லை” என்றார். அப்போது சபாநாயகரின் வழக்கறிஞர் அரிமா சுந்தரமும், முதல்வரின் வழக்கறிஞர் சி.எஸ்.வைத்தியநாதனும் கடுமையான ஆட்சேபம் தெரிவித்தனர். அதோடு, தங்கள் தரப்பை விளக்கக் கூடுதல் அவகாசம் வேண்டும் என்று கேட்டனர்.

ஏன் தடை விதிக்கக்கூடாது?

இரு தரப்பு வாதங்களையும் கேட்ட நீதிபதி துரைசாமி, “சபாநாயகரின் உத்தரவுக்கு நான் ஏன் தடை விதிக்கக்கூடாது?” என்று கேட்டார். அவர் அப்படிக் கேட்டதும் முதல்வர் மற்றும் சபாநாயகர் தரப்பு வழக்கறிஞர்கள், “எங்களுக்குப் பதில்சொல்வதற்குக் கூடுதல் அவகாசம் வேண்டும்; அதுவரை எங்கள் தரப்பு எடுத்த நடவடிக்கையைத் தற்காலிகமாக நிறுத்தி வைக்கிறோம்” என்றனர். அந்த உறுதிமொழியைக் கேட்ட நீதிபதி துரைசாமி, “சட்டமன்றம் செப்டம்பர் 18-ம் தேதி பிறப்பித்த உத்தரவின் அடிப்படையில் - இந்த வழக்கு முடியும்வரை- தேர்தல் ஆணையம் எந்த அறிவிப்பையும் வெளியிடக் கூடாது. சட்டமன்றத்தில் நம்பிக்கை வாக்கெடுப்பு நடத்த விதிக்கப்பட்டத் தடை நீட்டிக்கப்படுகிறது. அக்டோபர் 4-ம் தேதிக்கு வழக்கு ஒத்திவைக்கப்படுகிறது’’ என்று உத்தரவிட்டார்.

எடப்பாடிக்குப் பின்னடைவு... ஸ்டாலினுக்கு ஏமாற்றம்... தினகரனுக்கு முன்னேற்றம்!

அவர்களே போட்டுக்கொண்ட தடை!

இந்த உத்தரவு குறித்து தினகரன் தரப்பு வழக்கறிஞர் ராஜா செந்தூர் பாண்டியனிடம் பேசினோம். “இந்த வழக்கில் எங்கள் தரப்புக்கு இரண்டு வெற்றிகள் கிடைத்துள்ளன. அதில் ஒன்றை ஊடகங்கள் சரியாகப் புரிந்து கொள்ளவில்லை. அதாவது, ‘சபாநாயகரின் உத்தரவுக்குத் தடை இல்லை’ என எழுதுகின்றனர்; அது தவறு. அதைப் புரிந்துகொள்ள முதலில் சபாநாயகர் உத்தரவை உன்னிப்பாகக் கவனிக்க வேண்டும். அதில் முக்கியமான பகுதி என்னவென்றால், ‘இந்திய அரசியலமைப்புச் சட்டம், ஷரத்து 190, உட்பிரிவு 3(A)-ன் அடிப்படையில் 18 தொகுதிகள் காலியாகிவிட்டன’ என்று சபாநாயகர் அறிவித்தார். அப்படி அவர் அறிவித்ததை அவர்கள் தரப்பே, ‘நிறுத்தி வைக்கிறோம்’ என்று நீதிமன்றத்தில் வாக்குறுதி அளித்தனர். அரசுத் தரப்பிலும் சபாநாயகர் தரப்பிலும் ஆஜரான வழக்கறிஞர்கள், ‘தகுதி இழப்பு என்று நாங்கள் சொன்ன விஷயத்தைத் தேர்தல் ஆணையம் நிறுத்திவைக்கவும், அதன் பேரில் மேல்நடவடிக்கை எடுக்காமல் இருக்கவும் நாங்கள் முழுச் சம்மதம் தெரிவிக்கிறோம்’ என்று சொன்னார்கள். அதாவது, அவர்களின் முடிவுக்கு அவர்களே தடை போட்டுக்கொண்டனர். அதை நீதிபதியும் ஏற்றார். அதனால், தற்காலிகமாக சபாநாயகரின் உத்தரவை சபாநாயகரே தடை செய்துவிட்டார் என்பதுதான் இதற்கு அர்த்தம். இந்தத் தீர்ப்பு 18 எம்.எல்.ஏ-க்களுக்குக் கிடைத்த மிகப்பெரிய வெற்றி!

‘அக்டோபர் 4-ம் தேதி இறுதி விசாரணைக்கு இந்த வழக்கு எடுத்துக்கொள்ளப்படுகிறது’ என்று குறிப்பிட்டுள்ளார். அதாவது, தாமதம் இருக்காது. உடனடியாக வழக்கு முடிக்கப்படும். இது எங்களுக்குக் கிடைத்த இரண்டாவது மிகப்பெரிய வெற்றி’’ என்றார் அவர்.

பின்னடைவும் ஏமாற்றமும்

நீதிமன்றத்தின் இந்த உத்தரவு, ‘18 பேரைத் தகுதிநீக்கம் செய்துவிட்டு, நம்பிக்கை வாக்கெடுப்பைக் குறுக்குவழியில் நடத்திவிடலாம்’ என்று நினைத்த எடப்பாடிக்குப் பின்னடைவு. ‘நம்பிக்கை வாக்கெடுப்பு நடத்தினால், ஆட்சி கவிழ்ந்துவிடும்; அதன் பிறகு அதிகாரத்தைக் கைப்பற்றிவிடலாம்’ என்று ஆசைப்பட்ட தி.மு.க செயல்தலைவர் மு.க.ஸ்டாலினுக்கு ஏமாற்றம். தன் ஆதரவு எம்.எல்.ஏ-க்கள் 18 பேரைத் தற்காலிகமாகத் தற்காத்துக் கொண்ட தினகரனுக்குக் கொஞ்சம் முன்னேற்றம்.

- ஜோ.ஸ்டாலின்