2017 ஸ்பெஷல்
Published:Updated:

2017 டாப் 10 பிரச்னைகள் - கண்ணாடியை திருப்பினா ஆட்டோ ஓடுமா?

2017 டாப் 10 பிரச்னைகள் - கண்ணாடியை திருப்பினா ஆட்டோ ஓடுமா?
பிரீமியம் ஸ்டோரி
News
2017 டாப் 10 பிரச்னைகள் - கண்ணாடியை திருப்பினா ஆட்டோ ஓடுமா?

பாரதி தம்பி, ஊடகவியலாளர்

2017-ம் ஆண்டு தமிழகத்தை ஆட்டிப்படைத்த 10 தலையாயப் பிரச்னைகளைப் பற்றி பல்வேறு துறை சார்ந்த நிபுணர்கள் அலசுகிறார்கள்...

டந்த டிசம்பர் மாதத்தின் முதல் வாரத்தில், தமிழ்நாட்டில் மூன்று நாள்களில் 11 கொலைகள். கணவனைத் தீ

2017 டாப் 10 பிரச்னைகள் - கண்ணாடியை திருப்பினா ஆட்டோ ஓடுமா?

வைத்துக் கொன்ற மனைவி, பெற்ற தந்தையைக் கொன்ற மகன், அம்மாவைக் கொன்ற மகன்... இப்படி அந்தக் கொலைகள் அனைத்துமே உறவுகளுக்குள்ளேயே இருந்தன. எஃப்.ஐ.ஆர்-ல் சொல்லப்பட்ட காரணம் தவிர அனைத்து கொலைகளுக்குமான ஒரு பொதுத்தன்மை, எல்லாமே போதையில் நடந்த கொலைகள்; போதையினால் நடந்த கொலைகள்.

இந்தக் கொலைகளுக்குக் கைகளில் ஆயுதம் வைத்திருந்தவர்களைத் தண்டிக்கிறது காவல்துறையும் நீதித்துறையும். ஆனால், அவர்களுக்கு ஊற்றிக்கொடுத்து, குற்றத்தின் அந்தப்புரத்துக்குள் பிடறியைப் பிடித்துத் தள்ளிய இந்த அரசுக்கு என்ன தண்டனை, அதை யார் தருவது?

அவர்கள் ஏன் குடிக்கிறார்கள்? போதையின் மயக்கத்தில் திளைத்திருப்பது, அதன் அடிமையாக்கும் தன்மை என்பது ஓர் அம்சம். மாறாக, பெரும்பான்மைத் தொழிலாளர்கள் அன்றாட வாழ்க்கைச் சிக்கல்களில் இருந்து தப்பிக்க வழிதெரியாமல் அந்தச் சரக்கு வண்டியில் ஏறுகின்றனர். திக்கற்று நிற்கும் நேரத்தில், ஏற்கெனவே பழகிய போதையின் கரங்கள் அவர்களைப் பற்றி இழுக்கின்றன. அதனால்தான் ஜி.எஸ்.டி வரிவிதிப்பின் காரணமாகத் திருப்பூர் என்ற நகரம் அதன் வரலாற்றில் சந்தித்திராத மிகப்பெரிய பின்னடைவைச் சந்தித்துக்கொண்டிருக்கும் இந்த நேரத்திலும், டாஸ்மாக் நிறுவனத்துக்கு  தமிழ்நாட்டிலேயே அதிக வருவாய் ஈட்டும் நகரமாக திருப்பூர் தனது பெருமையை தக்க வைத்துக் கொண்டிருக்கிறது.

தொழிலாளி வர்க்கம் ரத்தம் சுண்ட உழைக்கும் பணத்தை வழிப்பறிசெய்து பிடுங்கிய கருணாநிதி, ஜெயலலிதா வரிசையில் இப்போது எடப்பாடி பழனிசாமி தலைமையிலான அரசும் இணைந்திருக்கிறது. டி.டி.வி.தினகரனுடன் இ.பி.எஸ்-க்கும் ஓ.பி.எஸ்-க்கும் பஞ்சாயத்து. மிடாஸ் சாராயத் தொழிற்சாலையில் ரெய்டு எல்லாம் நடத்தினார்கள். ஆனால், இப்போதும் டாஸ்மாக் கடைகளில் மிடாஸ் சரக்கு விநியோகம் நடக்கிறது. எப்படி?

2017 டாப் 10 பிரச்னைகள் - கண்ணாடியை திருப்பினா ஆட்டோ ஓடுமா?

இவர்கள் யாருக்கும், ‘மக்கள் குடித்துச் சாகிறார்களே’ என்ற கவலை இல்லை. மாறாக, மேலும் மேலும் புதிய கடைகளை எப்படித் திறக்கலாம் என்பதிலேயே குறியாக இருக்கிறார்கள்.

இதில் நீதிமன்றம் அவ்வப்போது கௌரவக் கதாபாத்திரத்தில் வந்துபோகிறது. ‘தேசிய மற்றும் மாநில நெடுஞ்சாலைகளின் ஓரம் உள்ள டாஸ்மாக் கடைகளை மூட வேண்டும்’ என்று 2017 தொடக்கத்தில் நீதிமன்றம் சொன்னது. இதைத் தொடர்ந்து தமிழ்நாட்டில் சுமார் ஆயிரம் கடைகள் மூடப்பட்டன. ஆனால், நவம்பரில் மறுபடியும் கடையைத் திறக்கத் தொடங்கிவிட்டது அரசு. இது எப்படிச் சாத்தியம்? தேசிய நெடுஞ்சாலைகளுக்கு ‘ஊரகச் சாலைகள்’ எனப் பெயர் மாற்றிவிட்டார்கள். ரோட்டுக்குப் பெயர் மாற்றுவதற்கும் மதுக்கடைக்கும் என்ன சம்பந்தம்? கண்ணாடியைத் திருப்பினால் ஆட்டோ எப்படி ஓடும்?  ‘ஓடும்’ என்று தமிழ்நாடு அரசு சொன்னது.  அதை நீதிமன்றம் ஏற்றுக்கொண்டது.

‘தேசிய நெடுஞ்சாலையில் டாஸ்மாக் இருந்தால் குடித்துவிட்டு வண்டி ஓட்டுவார்கள். அதன்மூலம் விபத்துகள் அதிகமாக நடக்கும் என்று சொன்னீர்களே... ரோட்டுக்கு வேறு பெயர் வைத்துவிட்டால் விபத்து நடக்காதா?’ என்று யார் இந்த அரசைக் கேட்பது. கடையை மூட வேறு என்னதான் வழி?

அதைத்தான் 2017 முழுவதும் மக்கள் நிகழ்த்திக் காட்டினார்கள். மூடப்பட்ட டாஸ்மாக் கடைகளை மறுபடியும் திறக்க அரசு முயன்றபோது பெருங்கோபத்தின் உச்சியில் மாநிலம் முழுக்கக் கடைகளை அடித்து நொறுக்கிச் சரக்கு பாட்டில்களைச் சாலையில் கொட்டி நொறுக்கினார்கள். அது அவர்களின் விருப்பம் அல்ல; அது ஒன்றே அவர்களிடம் எஞ்சியிருந்த தீர்வு. கடையை மூடுவதற்கான சாத்தியம் உள்ள ஒரே வழியும் அதுதான்.