Published:Updated:

நம்பிக்கையில்லாத் தீர்மானம் என்ற பெயரில் நாடாளுமன்றத் தேர்தல் பிரசாரம்!

நம்பிக்கையில்லாத் தீர்மானம் என்ற பெயரில் நாடாளுமன்றத் தேர்தல் பிரசாரம்!
பிரீமியம் ஸ்டோரி
News
நம்பிக்கையில்லாத் தீர்மானம் என்ற பெயரில் நாடாளுமன்றத் தேர்தல் பிரசாரம்!

நம்பிக்கையில்லாத் தீர்மானம் என்ற பெயரில் நாடாளுமன்றத் தேர்தல் பிரசாரம்!

மோடி அரசுக்கு எதிராகத் தாங்கள் கொண்டுவரும் நம்பிக்கையில்லாத் தீர்மானத்தை, தங்களின் ஆயுதமாக காங்கிரஸ் உள்ளிட்ட எதிர்க் கட்சிகள் நினைத்தன. ஆனால், எதிர்பாராத ஒரு சர்ஜிகல் ஸ்ட்ரைக்கில் அதைத் தங்களின் ஆயுதமாக மாற்றிவிட்டார் பி.ஜே.பி-யின் தேசியத் தலைவர் அமித் ஷா.

பி.ஜே.பி அரசுக்கு எதிராக, கடந்த பட்ஜெட் கூட்டத்தொடரின்போதே நம்பிக்கையில்லாத் தீர்மான நோட்டீஸை தெலுங்கு தேசம் கட்சியும், ஒய்.எஸ்.ஆர் காங்கிரஸ் கட்சியும் கொடுத்திருந்தன. சபாநாயகர் சுமித்ரா மகாஜன், ‘‘மக்களவை அமைதியாக நடந்தால் நம்பிக்கையில்லாத் தீர்மானம் விவாதத்துக்கு எடுத்துக்கொள்ளப்படும்’’ என்று கூறினார். ஆனால், காவிரி விவகாரத்தை வலியுறுத்தி அ.தி.மு.க-வின் எம்.பி-க்கள் தினமும் அவையை முடக்கினர். இதனால், அந்தத் தீர்மானங்கள் விவாதத்துக்கு வரவே இல்லை. ‘ஆளும் பி.ஜே.பி-யுடன் இணைந்துகொண்டு, நம்பிக்கையில்லாத் தீர்மானத்தை விவாதத்துக்கு வர விடாமல் தடுத்ததாக’ அ.தி.மு.க-மீது குற்றச்சாட்டு எழுந்தது. தெலுங்கு தேசம் கட்சித் தலைவர் சந்திரபாபு நாயுடு இதைத்தான் குறிப்பிட்டார்.

இந்த முறை மழைக்காலக் கூட்டத் தொடர் தொடங்குவதற்கு முதல் நாளான ஜூலை 17-ம் தேதியே தெலுங்கு தேசம், காங்கிரஸ், மார்க்சிஸ்ட் கம்யூனிஸ்ட் கட்சி, தேசியவாத காங்கிரஸ், ஆர்.எஸ்.பி உள்ளிட்ட கட்சிகளைச் சேர்ந்த ஏழு எம்.பி-க்கள் நம்பிக்கையில்லாத் தீர்மான நோட்டீஸ் கொடுத்தனர்.

நம்பிக்கையில்லாத் தீர்மானம் என்ற பெயரில் நாடாளுமன்றத் தேர்தல் பிரசாரம்!

ஜூலை 18-ம் தேதி நாடாளுமன்றம் கூடியதும், மக்களவை காங்கிரஸ் கட்சித் தலைவர் மல்லிகார்ஜுன கார்கே எழுந்து, ‘‘நம்பிக்கையில்லாத் தீர்மானத்தை 10 நாள்களுக்குள் விவாதத்துக்கு எடுத்துக்கொள்ள வேண்டும்’’ என்று கேட்டார். இந்தக் கூட்டத் தொடர் ஆகஸ்ட் 10-ம் தேதி வரை நடக்கிறது. கடைசிவரை இழுத்தடித்து, அமளி களைக் காரணம் காட்டி தட்டிக்கழித்து விடுவார்களோ என்ற கவலை, அவரது குரலில் தெரிந்தது. நம்பிக்கையில்லாத் தீர்மானத்தை அனுமதிப்பதாகக் கூறிய சபாநாயகர், எப்போது எடுத்துக் கொள்வது என்பது குறித்து இரண்டு மூன்று நாள்களில் அறிவிப்பதாகக் கூறினார்.

ஆனால், பிற்பகலில் எதிர்பாராத திருப்பம் நிகழ்ந்தது. அவைக்கு வந்து தன் இருக்கையில் அமர்ந்த சபாநாயகர், ‘‘முதலில் கொடுக்கப்பட்ட தெலுங்கு தேசம் கட்சியின் நம்பிக்கையில்லாத் தீர்மான நோட்டீஸ், வெள்ளிக்கிழமை விவாதத்துக்கு எடுத்துக் கொள்ளப்படும்’’ என்று யாரும் எதிர்பாராதவிதமாக அறிவித்தார். இதைக் கேட்டு எதிர்க்கட்சியினர் மட்டுமல்ல, ஆளும் கட்சியிலேயே பலரும் அதிர்ந்தனர். கூட்டத்தொடர் தொடங்கிய மூன்றாவது நாளே நம்பிக்கையில்லாத் தீர்மான விவாதம் என்றால் அதிர்ச்சி இருக்காதா? ‘எதிர்க் கட்சிகளுக்கு அவகாசம் கொடுக்காமல் முறியடிக்கும் தந்திரம் இது’ என்பதைப் புரிந்துகொண்ட மல்லிகார்ஜுன கார்கே, ‘‘அடுத்த புதன்கிழமை விவாதத்துக்கு எடுத்துக்கொள்ள வேண்டும்’’ என்று கேட்டார். தெலுங்கு தேசம் கட்சியோ, ‘‘திங்கள்கிழமைக்குத் தள்ளிவைக்க வேண்டும்’’ என்று கேட்டது. ‘திரிணாமுல் காங்கிரஸ் கட்சியின் மாநாடு வார இறுதியில் நடப்பதால், தாங்கள் வெள்ளிக்கிழமை டெல்லியில் இருக்க முடியாது’ என்று அந்தக் கட்சி எம்.பி-க்கள் கேட்டுப் பார்த்தார்கள். எதையும் ஏற்காத சபாநாயகர் கறாராக, ‘‘ஜூலை 20-ம் தேதியே விவாதம் எடுத்துக்கொள்ளப்பட்டு, அன்றே வாக்கெடுப்பும் நடக்கும்’’ என்றார்.

இந்தத் திடீர் முடிவுக்குப் பின்னால் இருப்பவர், அமித் ஷா. நம்பிக்கை யில்லாத் தீர்மானத்தை விவாதத்துக்கு எடுத்து முறியடிக்கும்படி, அவர்தான் பிரதமர் மோடியிடம் வலியுறுத்தி னாராம். ‘‘நாடாளுமன்றம் தொடங்கி யதுமே இதை விவாதத்துக்கு எடுத்துத் தோற்கடித்துவிட்டால், அதன்பிறகு எதிர்க் கட்சிகளுக்கு அமளியில் ஈடுபடக் காரணம் இருக்காது. எதிர்க் கட்சிகளின் ஒற்றுமையை இந்த விவாதத்தை வைத்தே முறியடிக்கலாம். தேசிய ஜனநாயகக் கூட்டணியில் இல்லாத எல்லாக் கட்சிகளுமே தங்களை ஆதரிக்கும் என ராகுல் காந்தி நினைக்கிறார். அந்த நினைப்பை முறியடிப்போம். காங்கிரஸ் அல்லாத எதிர்க்கட்சிகள் மூன்றாவது அணி அமைத்து நம்மை வீழ்த்தலாம் என்று கனவு காண்கின்றன. அப்படி, தேசிய அளவில் அவர்களால் இணைய முடியாது என்பதையும் உணர்த்து வோம். நம்பிக்கையில்லாத் தீர்மான விவாதம், நாடு முழுக்கப் பரபரப்பாகத் தொலைக்காட்சிகளில் பார்க்கப்படும். நம் அரசு என்னென்ன சாதனைகள் செய்துள்ளது என்பதைச் சொல்ல இது நல்ல சந்தர்ப்பம். இதையே நாடாளுமன்றத் தேர்தலுக்கான ஆரம்பப் பிரசாரமாகவும் எடுத்துக் கொள்ளலாம்’’ என்று அமித் ஷா சொல்ல, மோடி உடனே சம்மதித்திருக்கிறார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நம்பிக்கையில்லாத் தீர்மானம் என்ற பெயரில் நாடாளுமன்றத் தேர்தல் பிரசாரம்!

இப்படி அதிரடியாக முடிவெடுத்த தால், நம்பிக்கையில்லாத் தீர்மான விவாதத்தில் யார் யார் கலந்து கொள்வது, என்ன பிரச்னைகளுக்கு முக்கியத்துவம் கொடுத்து விவாதிப்பது என்பதை முடிவு செய்ய எதிர்க்கட்சிகளுக்குப் போதிய அவகாசம் கிடைக்காமல் போனது. 

தற்போது 534 உறுப்பினர்களைக் கொண்ட மக்களவையில், பி.ஜே.பி-க்கு 273 எம்.பி-க்கள் உள்ளனர். தனிப்பட்ட முறையிலேயே இந்தத் தீர்மானத்தை முறியடிக்க பி.ஜே.பி-யால் முடியும். ஆனால், கூட்டணியாகவும், ஆதரவாகவும் யார் யார் இருப்பார்கள் என்பதைப் புரிந்துகொள்ள ஒரு வாய்ப்பாக இதை பி.ஜே.பி கருதுகிறது.

தீர்மானம் தோற்கும் என எதிர்க் கட்சிகளுக்கும் தெரியும். ஆனால், அரசின் தோல்விகளைத் தோலுரித்துக்காட்ட இது ஒரு வாய்ப்பாக இருக்கும் என்பதே எதிர்க் கட்சிகளின் கணக்கு. இதற்குமுன், 26 முறை நம்பிக்கையில்லாத் தீர்மானங்களை நாடாளுமன்றம் சந்தித்தது. அதிகபட்சமாக 15 தீர்மானங்களைச் சந்தித்த இந்திரா காந்தி, ஒருமுறைகூட ஆட்சியை இழந்ததில்லை. மொரார்ஜி தேசாய், வி.பி.சிங், தேவ கவுடா, வாஜ்பாய் ஆகிய நான்கு பிரதமர்கள் பதவி இழந்திருக்கின்றனர். இப்போது, முடிவு தெரிந்தே நம்பிக்கையில்லாத் தீர்மானம் விவாதத்துக்கு வந்திருக்கிறது. 

- டெல்லி பாலா